ខេត្តបន្ទាយមានជ័យ៖នៅព្រឹកថ្ងៃទី៣ខែកក្កដាឆ្នាំ២០១៥នៅសាលប្រជុំសាលាខេត្តបានរៀបចំសិក្ខាសាលាស្តីពីការផ្សព្វផ្សាយនិងការពង្រឹងការអនុវត្តគណនេយ្យភាពនៅថ្នាក់ក្រោមជាតិ។ពិធីផ្សព្វផ្សាយនេះមានការចូលរួម លោកគោស៊ុំសារឿត អភិបាលខេត្តបន្ទាយមានជ័យ
និងសិក្ខាកាមចូលរួម៧០នាក់បានចូលរួមផងដែរ។ក្នុងសិក្ខាសាលានោះលោក គោស៊ុំសារឿតបានមានប្រសាសន៍ថាការបង្កើតក្រុមការងារគណនេយ្យភាពខេត្តនេះមានគោលបំណងដើម្បីធានានូវគណភាព តម្លាភាពនិងប្រសិទ្ធភាពក្នុងការប្រើប្រាស់ថវិការគ្រប់ ប្រភពទាំងអស់ដែលអនុវត្តដោយរដ្ឋបាលថ្នាក់ក្រោមជាតិនិងស្ថិតនៅក្រោមផែនការសកម្មភាពនិងថវិការប្រចាំឆ្នាំដែលសម្របសម្រួលនិងប្រើប្រាស់រចនាសម្ព័ន្ធរបស់គណះកម្មាធិការជាតិសំរាប់ការអភិវឌ្ឈន៍តាមបែបប្រជាធិបតេយ្យថ្នាក់ក្រោមជាតិនិងមូលនិធិ ឃុំ សង្កាត់ ព្រមទាំងរួមចំណែកក្នុងការពង្រឹង
ការអនុវត្តការងាររបស់ខេត្ត ក្រុងសង្កាត់ទៅតាមគោលការណ៍ច្បាប់។លោកបានបន្តទៀតថាក្រុមការងារគណះនេយ្យភាពខេត្តមានគោលបំណងនៃការបង្កើតក្រុមការងារខេត្តមាន២ផ្នែក១ពាក្យបណ្តឹងនិងការប្រមូលពាក្យបណ្តឹងនិងវិធីដោះស្រាយពាក្យបណ្តឹងការសំរាំងពាក្យបណ្តឹងវាយតំលៃពាក្យបណ្តឹងរៀបចំផែនការសើុបអង្កេត។លោកបានបន្តទៀតថាពាក្យបណ្តឹងសំដៅទៅលើព៌ត័មានទាំងឡាយណាដែលប្រមូលនិងទទួលបានពីប្រជាពលរដ្ឋនិងអ្នកពាក់ពន្ធ័អំពីភាពមិនប្រក្រតីសំដៅលើការអនុវត្តមិនបានត្រឹមត្រូវត្រូវតាមគោលការណ៍ណែនាំតាមនិតិវិធីក្នុងការប្រើប្រាស់ថវិការគ្រប់ប្រភពទាំងអស់ដែលអនុវត្តដោយរដ្ឋបាលថ្នាក់ក្រោមជាតិនិងស្ថិតនៅក្នុងផែនការសកម្មភាពនិងថវិការប្រចាំឆ្នាំដែលសម្របសម្រួលមូលនិធី ឃុំសង្កាត់និងការអនុវត្តឲ្យបានត្រឹមត្រូវរបស់ខេត្ត ក្រុង សង្កាត់៕
