ខេត្តបន្ទាយមានជ័យ
លោកឧត្តមសេនីយ៍ត្រី អាត់ខែមស្នងការនគបាលខេត្តបន្ទាយមានជ័យបានដាក់ចេញនូវបទបញ្ជាឲ្យកម្លាំងនគរបាលវរះការពារព្រំដែន លេខ៨៩១ និង៨០៧ នៃស្នងការដ្ឋាន នគរបាល ខេត្តបន្ទាយមានជ័យធ្វើការចុះល្បាត ក្នុងភូមិសាស្ត្ររបស់ខ្លួនដើម្បីការពារសន្តិសុខនិងធ្វើការទប់ស្កាត់រាល់បទល្មើសផ្សេងៗដែលអាចកើតមានឡើងនៅតាមតំបន់ជាយដែនជាយថាហេតុ។លោកអាត់ខែមបានបន្តថាជាក់ស្តែងនៅព្រឹកថ្ងៃទី២ខែកក្កដា ឆ្នាំ២០១៥នេះកំលាំងនគរបាលខេត្តនិងកម្លាំងនគរបាលវរះទាំង២ បានបន្តចុះល្បាត ក្នុងភូមិសាស្ត្ររបស់ខ្លួនយ៉ាងយកចិត្តទុកបំផុតប៉ុន្តែឆ្លងឆ្លងការចុះល្បាតនៅតាមតំបន់ភូមិសាស្ត្ររបស់ខ្លួនពេញមួយព្រឹកនេះរួចមកឃើញថាពុំមានអ្វីប្រែប្រួលនោះទេ ពោលសភាពការណ៍នៅតាមជាយដែននៅ
ដដែល។លោកអាត់ខែមបានបន្តទៀតថាកំលាំងនគរបាលសម្រាប់កិច្ចការងារការពារព្រំដែននេះគឺកំលាំងនគបាលរបស់វរះនៅតែបន្តនិងដើរល្បាតនិងធ្វើការទប់ស្កាត់រាល់បទល្មើសផ្សេងៗមួយចំនួន ដែលកើតមានឡើងដូចជាបទល្មើសគ្រឿងញៀនទំនិញខុសច្បាប់ ការឆ្លងដែន និងចោរកម្មជាដើមលោកអាត់ខែមបានបន្តទៀតថាបើទោះបីនៅតាមព្រំដែនមានសភាពការណ៍ស្ងាត់យ៉ាងណាក៍ដោយក៏កំលាំងនគបាលគ្រប់វរះនៅតាមជាយដែនធ្វើការយាមកាមនៅតាមជាយដែនដើម្បីការពារជាតិមាត់ភូមិដោយប្រុងប្រយ័ត្នជានិច្ចមិនឲ្យសត្រូវចូលមកឈ្លានពានលើទឹកដីខ្មែរបានឡើយ៕ 
