ខេត្តកំពត៖ បន្ទាប់ពីមានការចង្អុលបង្ហាញពីនាយឧត្តមសេនីយ សៅ សុខា មេបញ្ជាការកងរាជអាវុធហត្ថលើផ្ទៃប្រទេស កងរាជអាវុធហត្ថខេត្តដឹកនាំដោយលោក ឧត្តមសេនីយត្រី កែវ សុផល មេបញ្ជាការកងរាជអាវុធហត្ថខេត្ត បានសហការជាមួយព្រះរាជអាជ្ញាអមសាលាដំបូងខេត្ត បើកប្រតិបត្តិការចុះបង្ក្រាបបទល្មើសគ្រឿងញៀន(ការជួញដូរថ្នាំញៀន)នៅគ្រប់មូលដ្ឋានទូទាំងខេត្ត ។ លោកវរៈសេនីយទោ ហែម ចាន់ដារ៉ា មេបញ្ជាការរងនឹងជាប្រធានមន្ទីរ
ស្រាវជ្រាវយុត្តិធម៌នៃកងរាជអាវុធហត្ថខេត្តកាលពីរសៀលថ្ងៃទី០៣ខែកក្កដាឆ្នាំ២០១៥ នេះបានដឹកនាំកំលាំងមន្ត្រីកងរាជអាវុធហត្ថចុះបង្ក្រាបសំបុកជួញដូរនិងប្រើប្រាស់គ្រឿងញៀនមួយកន្លែងនៅចំណុចភូមិត្រពាំងរាំង ឃុំអង្គរមាស ស្រុកដងទង់។ ក្នុងការចុះបង្ក្រាបសំបុកជួញដូរថ្នាំញៀននេះកំលាំងកងរាជអាវុធហត្ថ ខេត្តបានចាប់ឃាត់ខ្លួនជនសង្សយ័ ៤នាក់រួមនិងវត្ថុតាង ជាសម្ភារៈនិងថ្នាំញៀនបានមួយចំនួន នាំមកកាន់ទីបញ្ជាការកងរាជអាវុធហត្ថ
ខេត្តដើម្បីកសាងសំណុំរឿងបញ្ជូនទៅតុលាការ។ យោងតាមការពិនិត្យសាកសួរពីមន្ទីរស្រាវជ្រាវយុត្តិធម៌នៃកងរាជអាវុធហត្ថខេត្ត ត្រូវបានមន្ត្រីកងរាជអាវុធហត្ថនៃមន្ទីរស្រាវជ្រាវឲ្យ
ដឹងថាៈ ជនសង្សយ័ទាំង៤នាក់មានឈ្មោះ ទី១- ហ៊ីម ថុល ភេទប្រុស អាយុ៣២ឆ្នាំ (មុខរបរកសិករ)មានទីលំនៅកន្លែងកើតហេតុខាងលើ។ ទី២- ឈ្មោះ ទន់ កាន់ ភេទ ប្រុស អាយុ១៧ឆ្នាំ (មុខរបរកសិករ)មានទីលំនៅភូមិទទឹម ឃុំទទុង ស្រុកដងទង់។ ទី៣- ឈ្មោះ សឹង ចាន់អេង ភេទប្រុស អាយុ១៧ឆ្នាំ (មុខរបរកសិករ)មានទីលំនៅភូមិដំណាក់អំពិល ឃុំល្អាង ស្រុកដងទង់។ ទី៤- ឈ្មោះ ឈូក គឹមស្រ៊ាង ភេទប្រុស អាយុ២៣ឆ្នាំ (មុខរបរកសិករ)មានទីលំនៅភូមិល្អាង ឃុំល្អាង ស្រុកដងទង់ ។ ចំណែកវត្ថុតាងដែលរឹបអូសបានមាន៖ ម៉ូតូ០៣គ្រឿង ថ្នាំញៀនប្រភេទម៉ាទឹកកក០៦កញ្ចប់តូច ប្រដាប់ជក់មួយកំប្លេ អាវុធឆ្នៃមួយដើមនិងគ្រាប់កង់មួយប្រអប់ ដាវឆ្នៃមួយដើម ទូរសព្ទ័ដៃ ១៧គ្រឿង ថង់ផ្លាស្ទិចសំរាប់ច្រកថ្នាំមួយចំនួន ប្រាក់
រៀលចំនួន ៤៥•០០០០រៀល ប្រាក់ដុល្លាចំនួន៥ដុល្លា។ ជនសង្សយ័ទាំងបួននាក់រួមនិងវត្ថុតាង ត្រូវបានកសាងសំណុំលិខិតបញ្ជូនទៅកាន់សាលាដំបូងខេត្តដើម្បីចាត់ការតាមនីតិវិធី ។ សូមបញ្ជាក់ថាៈ ក្នុងកិច្ចសហប្រតិបត្តិការរបស់កំលាំងកងរាជអាវុធហត្ថខេត្តនិងស្ថាបន័តុលាការខាងលើ ត្រូវបានប្រជាពលរដ្ឋគ្រប់មជ្ឈដ្ឋាននៅទូទាំងខេត្តមានការអបអរសាទរយ៉ាងខ្លាំង ពីព្រោះបច្ចុប្បន្នគ្រឿងញៀនកំពុងវាយលុកយ៉ាងខ្លាំងតាំងពីទីក្រុងរហូតដល់ជនបទ។
ហើយគ្រឿងញៀនបានធ្វើឲ្យយុវវយ័ជំនាន់នេះមួយចំនួនធំ បាត់អស់នូវសុជីវធម៌ លែងស្គាល់នូវតម្លៃខ្លួនឯងព្រមទាំងមិនបានគិតពីអនាគតរបស់ខ្លួនឡើយ៕
