ខេត្តសៀមរាប៖ ព្រៃលិចទឹកដែលជាជុំរកត្រីពងកូនរាប់សិបហិចតាត្រូវបានគេយកត្រាក់ទ័រឈូសឆាយកំទេចចោលវាទទីយកដីជីកស្រះចិញ្ជឹមត្រីឆ្តោរគ្មានអ្នកអើពើសង្ស័យសមត្ថកិច្ចជុំនាញជលផលនិងអាជ្ញាមូលដ្ឋានព្រមទាំងស្រុកទទួលផលប្រយោជ។
ព្រៃលិចទឹករាបើសិបហិចតាដែលត្រូវបានគេឈូសបំផ្លាញចោលនេះស្ថិតនៅក្នុភូមិ តាច្រនៀង ឃុំកំពង់ឃ្លាំង ស្រុកសូទ្រនិគម ខេត្តសៀមរាបនិងស្ថិតក្នុងដែនសមត្ថកិច្ចលោក ហោ ឡា នាយសង្កាត់រដ្ឋបាលជលផលកំពង់ឃ្លាំងនិងលោក រឹម ស៊ុំមអុនជានាយផ្នែកជលផលដំដែកទទួលបន្ទុករួម។
បើតាមប្រភពច្បាសការពីឃុំកំពង់ឃ្លាំងបានអោយដឹងថាថ្មីៗនេះមានក្រុមអ្នកមានលុយនិងមានអំណាចនៅក្នុងឃុំកំពង់ឃ្លាំងបានយកត្រាក់ទ័រជាច្រើនគ្រឿងមកឈូសឆាយព្រៃលិចទឹកកំទេចចោលរាបសិបហិចតានិងយកអិចស្ការជាច្រើនគ្រឿងជីកស្រះចិញ្ចឹមត្រីឆ្តោរដែលជាបទល្មើសច្បាប់ហាមឃាត់។
ប្រភពដដែលបានបន្តថាការដែលក្រុមអ្នកមានលុយនិងមានអំណាចហ៊ានថ្លើមធំយកត្រាក់ទ័រមកឈូសបំផ្លាញព្រៃលិចទឹកជាច្រើនហិចតាបានដោយរលូនគឺមានការឃុបឃិតគ្នារវាងអាជ្ញាធរមូលដ្ឋានរហូតដល់ស្រុកពិសេសសមត្ថកិច្ចជុំនាញជលផលកំពង់ឃ្លាំងរហូតដល់ខណ្ឌ័រដ្ឋបាលសៀមរាប។
ប្រពភដដែលបានបញ្ជាក់ទៀតថានៅក្នុងឃុំកំពង់ឃ្លាំងទាំងមូលពោរពេញទៅដោយការកាប់បំផ្លាញព្រៃលិចទឹកនិងជីកស្រះចិញ្ចឹមត្រីឆ្តោរយ៉ាងច្រើនលើសលប់។ក្នុងនោះមានភូមិតាច្រនៀង ដែលមានស្រះចិញ្ចឹមត្រីឆ្តោរហូតរាប់រយស្រះ។
បើតាមព្រភពពីសមត្ថកិច្ចសុំមិនបញ្ចេញឈ្មោះបានអោដឹងថាក្រុមថៅកែអ្នកមានលុយនិងមានអំណាចទាំងនោះមានគំរោងឈូសកំទេចព្រៃលិចទឹកបន្តទៀតគឺពីទីតាំងចាស់ដែលឈូសរួចរាល់ហើយនោះបន្តឈូសព្រៃលិចទឹកឆ្ពៅទៅភូមិផ្សារឃ្លាំងក្រោមទៀតបច្ចុប្បន្នអិចស្ការកំពុងជីកស្រះចិញ្ចឹមត្រីឆ្តោររៀងរាល់ថ្ងៃ។
ប្រភពដដែលបានបន្តថានៅចំណុចភូមិតាច្រនៀងមានឈ្មោះ ហេង ជាជនជាតិវៀតណាមដែលជាអ្នកជួញដូរកូនត្រីឆ្តោររាប់រយតោនមកពីប្រទេសវៀតណាមយកមកលក់ចែកចាយនៅឃុំកំពង់ឃ្លាំងនិងតំបន់ផ្សេងៗទៀតក្នុងខេត្តសៀមរាបពិសេស ឈ្មោះ ហេងនេះក៍មានចិញ្ចឹមត្រីឆ្តោររាបសិបស្រះធំជាងគេក្នុងឃុំកំពង់ឃ្លាំងដែលក្នុងមួយស្រះៗរហូតដល់១០តោនកូនត្រីឆ្តោរ។
ទាក់ទិននិងបទល្មើសខាងលើលោក ហោ ឡា នាយសង្កាត់រដ្ឋបាលជលផលកំពង់ឃ្លាំងមិនអាចសុំកាបំភ្លឺបានទេជុំវិញការឈូសឆាយព្រៃលិចទឹករាប់សិមហិចតានៅក្នុងភូមិ តាច្រនៀងនិងស្រះចិញ្ចឹមត្រីឆ្តោររាប់រយដោយទូរសព្ទ័ចូលច្រើនដងគ្មានអ្នកទទួល ចំណែក លោក រឹម ស៊ុំមអុន នាយផ្នែករដ្ឋបាលជលផលដំដែកទទួលបន្ទុករួមបានអោយដឹងតាមទូរសព្ទ័នារសៀលថ្ងៃទី០៣ខែកក្កដាឆ្នាំ២០១៥ថាលោកមិនបាបដឹងនោះទេបើមានមែនចាំលោកអោយកម្លាំងចុះទៅមើល។
ដោយឡែកលោក ព្រិន សាវិន នាយខណ្ឌ័រដ្ឋបាលជលផលសៀមរាប មិនបានបំភ្លឺជុំវិញការឈូសឆាយព្រៃលិចទឹកខាងលើនិងស្រះចិញ្ចឹមត្រីឆ្តោរនោះទេ ដោយលោកលើកទូរសព្ទ័ហើយនិយាយយ៉ាងខ្លីថាខ្ញុំកំពុងជាប់រវល់។
ចំណែកលោក ម៉ក់ ប្រុស អភិបាលស្រុកសូទ្រនិគមបានអោយដឹងតាមទូរសព្ទ័នៅរសៀលថ្ងៃទី០៤ខែកក្កដាឆ្នាំ២០១៥ថាលោកមិបានដឹងនោះទេព្រោះលោកតែងតែអោយកម្លាំនគរបាលមូលដ្ឋានចុះត្រួតពិតមើលរៀងរាល់សប្តា៏ ម្យ៉ាងទៀតកាលពីប៉ុន្មានថ្ងៃមុននេះមានការឈូសឆាយព្រៃបន្តិចបន្ទួចនៅក្រោយភូមិតាច្រនៀងតែលោកបានអោយសមត្ថកិច្ចទៅបញ្ឈប់រួចរាល់អស់ហើយ។រីឯការចិញ្ចឹមត្រីឆ្តោរលោកនិងអភិបាលខេត្តទទួលបន្ទុកតែងតែចុះទៅធ្វើការអោបរុំណែនាំបញ្ឈប់ចិញ្ចឹមត្រីឆ្តោរហើយមកចិញ្ចឹមត្រីអណ្តែងនិងប្រភេទត្រីផ្សេងៗទៀតដែលច្បាប់មិនហាមឃាត់។
គួរបញ្ជាក់ផងដែរថាព្រៃលិចទឹករាប់សិបហិចតានៅភូមិតាច្រនៀងរងការឈូសបំផ្លាញយ៉ាងរង្គាលរួចរាលអស់ហើយដែរ ដោយគ្មានការបង្ក្រាបពីសមត្ថកិច្ចពាក់ពន្ធ័។ចំណែកការចិញ្ចឹមត្រីឆ្តោរក៍មានការកើនឡើងពី១ឆ្នាំទៅ១ឆ្នាំធ្វេដង៕
ដោយ ខេង ឧត្តម
