ខេត្តកំពង់ឆ្នាំង ៖ មិទ្ទិញរំលឹកខួបអនុស្សាវរីយ៍លើកទី៦៤ថ្ងៃកំណើតគណបក្សប្រជាជនកម្ពុជា ត្រូវបានគណៈគណបក្សប្រជាជនកម្ពុជាក្រុងកំពង់ឆ្នាំង ប្រារពឡើងនៅព្រឹកថ្ងៃទី០៥ ខែកក្កដា ឆ្នាំ២០១៥ នៅទីស្នាក់ការគណបក្សប្រជាជនខេត្តកំពង់ឆ្នាំង ដោយសមាជិក សមាជិកា ដែលមកពីគ្រប់សង្កាត់ក្នុងក្រុងកំពង់ឆ្នាំងអញ្ជើញចូលរួម ក្រោមអធិបតីភាពលោកជំទាវ ជូ ប៊ុនអេង សមាជិកគណៈកម្មាធិការកណ្តាលចុះជួយខេត្តកំពង់ឆ្នាំងនិងជាប្រធានការងារចុះជួយក្រុងកំពង់ឆ្នាំង ដោយមានការចូលរួមពីក្រុមការងារគណបក្សថ្នាក់ខេត្ត ក្រុង សង្កាត់ចំនួន៥៥៤នាក់ ។
ឯកឧត្តម ហ៊ី ណាត ក្រុមការងារថ្នាក់ខេត្តនិងជាអនុប្រធានចុះជួយក្រុងកំពង់ឆ្នាំងបានឡើងអាននូវ សន្ទរកថា សម្ដេចអគ្គមហា សេនាបតីតេជោ ហ៊ុន សែន ប្រធានគណបក្សប្រជាជនកម្ពុជា នៅក្នុងអង្គមីទិ្ទញ
ដោយគូសបញ្ជាក់ថា៖ ថ្ងៃទី២៨ ខែមិថុនា ឆ្នាំ២០១៥នេះ ជាទិវាគំរប់ខួប៦៤ឆ្នាំនៃការបង្កើតគណបក្សប្រជាជនកម្ពុជា ដែលនៅគ្រាដំបូងមានឈ្មោះថា « គណបក្សប្រជាជនបដិវត្តន៍ខ្មែរ » នឹងបានដឹកនាំតស៊ូរំដោះជាតិពីពួកអាណានិគមនិយមបារាំង ដណ្តើមបានឯករាជ្យជូនជាតិមាតុភូមិកម្ពុជាយើង។
ការជួបជុំគ្នាប្រារព្ធពិធីនេះឡើង ក្នុងស្មារតីគោរពដឹងគុណយ៉ាងជ្រាលជ្រៅបំផុត ចំពោះយុទ្ធជន យុទ្ធនារី និងអ្នកស្នេហាជាតិខ្មែរនៅគ្រប់ជំនាន់ ដែលបានតស៊ូយ៉ាងប្តូរផ្តាច់ ហ៊ានលះបង់សាច់ស្រស់ ឈាមស្រស់និងអាយុជីវិត ប្រកបដោយវីរភាពដ៏ខ្ពស់ និងអង់អាចក្លាហាន ដើម្បីបុព្វហេតុជាតិមាតុភូមិនិងប្រជាជន។ក្នុងរយៈពេល៣៦ឆ្នាំ ក្រោយថ្ងៃរំដោះ៧ ខែមករា ឆ្នាំ១៩៧៩ គណបក្សប្រជាជនកម្ពុជាបានពុះពារឆ្លងកាត់ការលំបាកគ្រប់បែបយ៉ាងការពារនិងកសាងតាំងពីបាតដៃទទេ និងទទួលបានជោគជ័យជាបន្តបន្ទាប់ ដោយបានបង្កើតសមិទ្ធផលធំៗជាប្រវត្តិសាស្ត្រជាច្រើន ប្រែក្លាយពីទឹកដីមួយធ្លាប់ពីគំនរផេះផង់និងមានសង្គ្រាមរ៉ាំរ៉ៃ មានរបបប្រល័យពូជសាសន៍ប៉ុលពត មកជាទឹកដីមានសន្តិភាព ស្ថេភាព និងមានការអភិវឌ្ឍន៍រីកចំរើនលើគ្រប់វិស័យ។
គណបក្សប្រជាជនកម្ពុជាគាំ ទ្រយ៉ាងពេញទំហឹងចំពោះការដឹកនាំរបស់សម្តេចអគ្គមហាសេនាបតីតេ ជោហ៊ុនសែនប្រមុខរាជរដ្ឋាភិបាល នីតិកាលទី៥នៃរដ្ឋសភា និងយុទ្ធសាស្ត្រចតុកោណដំណាក់កាលទី៣ និងគោលដៅអភិវឌ្ឍន៍សហសវត្សកម្ពុជា ការពង្រឹងសមត្ថភាព អភិបាលកិច្ច នៃស្ថាប័នរដ្ឋទាំងថ្នាក់ជាតិ និងថ្នាក់ក្រោមជាតិ។កែទម្រង់ប្រព័ន្ធប្រាក់បៀវត្ស មន្ត្រីរាជការ កងកម្លាំងប្រដាប់អាវុធ និងប្រាក់ឈ្នួលរបស់កម្មករ និយោជិត អោយទទួលបានខ្ពស់សមរម្យមានជីវភាពរស់នៅប្រសើរឡើងជាបន្តបន្ទាប់ ដោយផ្អែកតាមកំណើនសេដ្ឋកិច្ចជាតិ។
គណបក្សប្រជាជនកម្ពុជា បន្តពង្រឹងកិច្ចសហប្រត្តិការយ៉ាងស្មោះស្ម័គ្រជាមួយ គ្រប់គណបក្សនយោបាយអ្នកស្នេហាជាតិក្នុងសង្គម ពូនផ្តុំទៅជាចលនារួមនៃការកសាង អភិវឌ្ឍន៍ និងការពារមាតុភូមិកម្ពុជា។តែប្រ ឆាំងដាច់ខាត ចំពោះគណបក្សណាដែលប៉ុងប៉ងផ្តួលរំលំរាជរដ្ឋាភិបាលស្របច្បាប់ ដែលកើតចេញពីការបោះឆ្នោតដ៏ត្រឹមត្រូវរបស់ប្រជាជនកម្ពុជា។
នៅក្នុងពិធីនេះដែរលោក ហ៊ីង ភ័ព្វមិនា តំណាងអោយយុវជនគណបក្សប្រជាជនកម្ពុជាក្រុងកំពង់ឆ្នាំង បានធ្វើការចាប់អារម្មណ៍ថា៖ ក្រោយពីបានក្តាប់និងសិក្សាស្រាវជ្រាវយល់បានច្បាស់លាស់អំពីប្រវត្តិដឹកនាំតស៊ូដ៏ល្អរបស់គណៈបក្សប្រជាជនកម្ពុជា ដែលមានគុណបំណាច់ចំពោះជាតិមាតុភូមិមិនអាចកាត់ថ្លៃបានកន្លងមក យើងខ្ញុំជាសមាជិកយុវជនគណៈបក្សប្រជាជនកម្ពុជាខេត្តកំពង់ឆ្នាំង សូមធ្វើការប្តេជ្ញាចិត្តថា ប្តេជ្ញាពង្រឹងសា មគ្គីភាព ឯកភាពផ្ទៃក្នុងបក្សអោយបានរឹងមាំ ជឿជាក់និងគាំទ្រយ៉ាងពេញទំហឹង នូវគោលនយោបាយរបស់រាជរដ្ឋាភិបាលនីតិកាលទី៥ដឹកនាំដោយសម្តេច ហ៊ុនសែន ប្រធានគណបក្សប្រជាជនកម្ពុជា ការពារពង្រឹងពង្រីកសមិទ្ធផល ០៧មករាជារៀងរហូត ដើម្បីកសាងអនាគតរបស់មាតុភូមិកម្ពុជា និងប្រជាជន អោយបានសំបូរសប្បាយរុងរឿង៕
