ភ្នំពេញ៖ បុរសម្នាក់ចំណាស់ម្នាក់ត្រូវរងរបួសបែកមុខបែកមាត់ខណៈរូបគេជិះម៉ូតូមួយគ្រឿងម៉ាកគុបជ្រុង ពណ៌ទឹកប៊ិច ពាក់ស្លាកលេខភ្នំពេញ 1N-5883 រេចង្កូតដួលបោកផ្ទប់ទៅនឹងផ្លូវលេខ ៦៨ ក្នុងសង្កាត់ស្ទឹងមានជ័យ ខណ្ឌមានជ័យ កាលពីវេលាម៉ោង១២និង១០រំលងអាធ្រាត្រឈានចូល
ថ្ងៃទី ២២ មេសា ឆ្នាំ២០១៤។
យោងតាមសាក្សីនៅកន្លែងកើតហេតុបានឲ្យដឹងថា នៅមុនពេលកើតហេតុបុរសខាងលើជិះម៉ូតូមួយគ្រឿងម៉ាក គុបជ្រុង ជិះធ្វើដំណើរតាមបណ្តោយផ្លូវលំលេខ៦៨ ទិសដៅពីលិចទៅកើត ក្នុងល្បឿនលឿន ក៏ស្រាប់តែរេចង្កូតដួល បោកផ្ទប់ទៅនឹងថ្នល់រងរបួសបែកមុខបែកមាត់បានរថយន្តសាមុយមកដឹកយកទៅសង្គ្រោះភ្លាមៗ រីចំណែកឯម៉ូតូត្រូវ បានប្រជាពលរដ្ឋនៅជិតកន្លែងកើតហេតុនាំគ្នាជួយយករក្សាទុកឲ្យ ដើម្បីការទំនាក់ទំនងទៅសាច់ញាតិមកទទួកយកទៅ វិញ៕
