ខេត្តបន្ទាយមានជ័យ៖ នៅសាលប្រជុំសាលាខេត្តនៅព្រឹកថ្ងៃទី៧ខែកក្កដាឆ្នាំ២០១៥បានបើកកិច្ចប្រជុំផ្សព្វផ្សាយស្តីពីការគ្រប់គ្រងគុណភាពសេវាកម្មនិងវិធានការទប់ស្កាត់ការធ្វើចរាចរណ៍ផលិតផលសុខាភិបាលខុសច្បាប់និងសេវាសុខាភិបាលឯកជនខុសច្បាប់ដើម្បីសុខ
ភាពនិងសុវត្តិភាពសង្គម។ពិធីនេះមានការចូលរួមលោក គោស៊ុំសារឿត អភិបាលខេត្តបន្ទាយមានជ័យ លោកមៀចសុផាន់ណាអនុរដ្ឋលេខាធិការក្រសួងមហាផ្ទៃនិងជាប្រធាគណះកម្មាធិការប្រយុទ្ធប្រឆាំងនិងផលិតផលក្លែងក្លាយ លោកជឺសុខប្រធានតុលាការខេត្ត លោកផាន់វ៉ាន់រ័ត្ន ព្រះរាជអាជ្ញាខេត្តបន្ទាយមានជ័យនិងមន្ត្រីអ្នកមុខអ្នកការជាច្រើនកាក់បានចូលរួមផងដែរ។លោកគោស៊ុំសារឿតបានមានប្រសាសន៍ថាថ្ងៃនេះគណះកម្មាធិការលុបបំបាត់ឨសថក្លែងក្លាយនិងសេវាសុខាភិបាលខុសច្បាប់បានបើកកិច្ចប្រជុំនេះដែលបង្កឲ្យគ្រោះថ្នាក់មានហានិភ័យខ្ពស់ដល់សុខភាពនិងសុវត្តិភាពសង្គមដើម្បីត្រួតពិនិត្យលើការងារអនុវត្តន៍ការងារគ្រប់គ្រងគុណភាពសេវាកម្មនិងវិធានការណ៍ទប់ស្កាត់ការធ្វើចរាចរណ៍ផលិតផលសុខាភិបាលនិងសេវា
សុខាភិបាលខុសច្បាប់ដើម្បីសុខភាពនិងសុវត្តិភាពសង្គមជាដើម។លោកបានបន្តទៀតថាដើម្បីប្រយុទ្ធប្រឆាំងផលិតផលក្លែងក្លាយដែលបង្កឲ្យផលប៉ះពាល់ដល់សុខភាពប្រជាពលរដ្ឋយ៉ាងខ្លាំងនោះលោកបានឲ្យមន្ត្រីពាក់ពន្ធចុះធ្វើការស្រាវជ្រាវ និងសើបអង្កេតដើម្បីរកប្រភពនៃផលិតផលក្លែងក្លាយ ការនាំចូលផលិតផល ការផលិត និងការចែកចាយផលិតផលក្លែងក្លាយជាដើម។លោកបានបន្តទៀតថាមន្ត្រីពាក់ពន្ធត្រូវចុះអប់រំនិងធ្វើការផ្សព្វផ្សាយដល់សាធារណះជនអំពីផលប៉ះពាល់នៃការប្រើប្រាស់ផលិតផលក្លែងក្លាយដែលបង្កគ្រោះថ្នាក់ដល់សុខភាពនិងសុវត្តិភាពសង្គមហើយមន្ត្រីសុខាភិបាលត្រូវចាត់វិធានការបង្ក្រាបរាល់ផលិតផលក្លែងក្លាយដែលដាក់លក់នៅតាមទីផ្សារនិងនៅតាមទីប្រជុំជននិងនៅទីសាធារណះចាប់ទុកនិងរៀបចំសំនុំរឿងបញ្ជូនទៅតុលាការដើម្បីដាក់ទោសទៅតាមផ្លូវច្បាប់។លោកមៀចសុផាន់ណាក៏បានមានប្រសាសន៍ដល់មន្ត្រីទាំងអស់ថាកន្លងមកមានលេចចេញជាបាតុភាពក្នុងការធ្វើអាជីវកម្មសេវាកម្មសុខាភិបាលឯកជនដោយពុំមានច្បាប់អនុញ្ញាតឲ្យបានត្រឹមត្រូវពីក្រសួងសុខាភិបាលមានដូចជា ការបើកមន្ទីរពហុព្យាបាល មន្ទីរសម្ពព មន្ទីរពិសោធន៍ កន្លែងពិគ្រោះជម្ងឺ កន្លែងពិនិត្យនិងព្យាបាលធ្មេញ និងឨសថ និងឨសថស្ថានរងនាំឨសថចេញនិងនាំចូលក្នុងភាពអាណាធិបតេយ្យ។លោកបានបន្តទៀតថាទាំងអស់នេះបានធ្វើឲ្យបាត់បង់នៅសណ្តាប់ធ្នាប់និងការគោរពច្បាប់ទាំងអស់នេះជាហេតុនាំឲ្យមានឥទ្ធិពលអាក្រក់និងគ្រោះថ្នាក់បំផុតដល់សុខភាពប្រជាពលរដ្ឋដូច្នេះយើងត្រូវបង្ក្រាបដាច់ខាតដើម្បីសុខភាពប្រជាពលរដ្ឋ៕
