ខេត្តបន្ទាយមានជ័យ៖ ជនស័ង្សយចំនួន២នាក់ដែលបានលួចម៉ូតូពីក្រុងប៉ោយប៉ែតរត់ទៅព្រំដែនត្រូវបាននគរបាលវរសេនាតូចការពារព្រំដែនគោក៩១១នៃស្នងការដ្ឋាននគរបាលខេត្តបន្ទាយមានជ័យ បានឃាត់ខ្លួននិងបញ្ជូនទៅកាន់តុលាការនៅថ្ងៃទី៦ខែកក្កដា ឆ្នាំ២០១៥នេះ
ក្រោយពីពួកគេបានធ្វើសកម្មភាពលួចម៉ូតូរបស់ ប្រជាពលរដ្ឋនៅក្រុងប៉ោយប៉ែតរួចមក។លោកឧត្តមសេនីយ៍ត្រីអាត់ខែមស្នងការនគបាលខេត្តបន្ទាយមានជ័យបានឲ្យដឹងថា ជនសង្ស័យទី១ឈ្មោះ ស៊ុ ប៊ុនថា អាយុ១៩ឆ្នាំ រស់នៅភូមិក្បាលកោះ សង្កាត់ក្រុងប៉ោយប៉ែត និងជនសង្ស័យទី២ឈ្មោះ គឹម សុភាព អាយុ២២ឆ្នាំ រស់នៅភូមិអូរនាង សង្កាត់ផ្សារកណ្តាល ក្រុងប៉ោយប៉ែត។លោកបានបន្តទៀតថាមុនពេលកើតហេតុនៅវេលាម៉ោង៥ទាបភ្លឺ ថ្ងៃទី៤ ខែកក្កដា ឆ្នាំ២០១៥ ជនសង្ស័យទាំង២នាក់ បានធ្វើសកម្មភាពលួចម៉ូតូរបស់ជនរងគ្រោះមានឈ្មោះវី គឹមភ័ក្រ អាយុ២៩ឆ្នាំ រស់នៅភូមិសាមគ្គី សង្កាត់ប៉ោយប៉ែត រួចហើយគេចខ្លួនដោយសុវត្ថិភាព។
ក្រោយមានករណីលួចម៉ូតូ របស់ប្រជាពលរដ្ឋរួចមកកម្លាំងនគរបាលមូលដ្ឋានបានបោះដៃនិងផ្តល់ព័ត៌មានជូននគរបាលពាក់ព័ន្ធរហូតថ្ងៃទី៤ខែកក្កដា ឆ្នាំ២០១៥វេលាម៉ោង៨ព្រឹកក៏ត្រូវកម្លាំងនគរបាលវរ៩១១ ចាប់ខ្លួន ស្ថិតនៅភូមិជោគជ័យឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។ជនសង្ស័ងទាំង២នាក់បានឆ្លើយសារភាពថាខ្លួនពិតជាបានលួចម៉ូតូដូចការចោទប្រកាន់របស់សមិត្តកិច្ចពិតប្រាកដម៉ែនដោយមានភស្តុតាងនិងចំលើយសារភាពនោះជនសង្ស័យទាំង២នាក់ត្រូវបានបញ្ជូនទៅកាន់តុលាការចាត់ការតាមនីតិវិធី៕
