ខេត្តបន្ទាយមានជ័យ៖ រថយន្តតាក់ស៊ីមួយចំនួនសព្វថ្ងៃនេះកំពុងយកចិញ្ចើមផ្លូវសាធារណះចាប់ម៉ូយដាក់ឡានយ៉ាងអាណាធិបតេយ្យធ្វើឲ្យប៉ះពាល់សណ្តាប់ធ្នាប់សាធារណះយ៉ាងខ្លាំងនិងក៏ធ្វើឲ្យប៉ះពាល់ក្នុងការប្រឡងប្រណាំងទីក្រុងស្អាតសម្រាប់ក្រុងសិរីសោភ័ណខេត្តបន្ទាយ
មានជ័យផងដែរ។ជាក់ស្តែងនៅក្រុងសិរីសោភ័ណគេឃើញមានរថយន្តតាក់ស៊ីដែលចតតាមផ្លូវដើម្បីចាប់ម៉ូយដាក់ឡាននោះនៅតាមដងផ្លូវជាតិលេខ៥ត្រង់ចំណុចស្រីគ្រប់លក្ខណ៍ ត្រង់ចំណុចមុខសាលាគោរដ្ឋាន ត្រង់ចំណុចផ្លូវបំបែកទៅសៀមរាប និងនៅមុខផ្សារចំការគហៅផ្សារថ្មីជាដើមជាហេតុធ្វើឲ្យប៉ះពាល់សណ្តាប់ធ្នាប់សាធារណះយ៉ាងខ្លាំង។បញ្ហាគ្មានសណ្តាប់ធ្នាប់ដោយក្រុមរថយន្តតាក់ស៊ីឈប់តាមចីញ្ចើមផ្លូវជាតិចាប់ម៉ូយដាក់ឡាននោះធ្វើប៉ះពាល់សណ្តាប់ព្រោះរថយន្តតាក់ស៊ីទាំងអស់នោះមិនបានបង់លុយឲ្យបេននិងអាចតាមចាប់ម៉ូយដាក់ឡានរបស់ខ្លួនបានម៉ាសេរីទើបធ្វើឲ្យប៉ះពាល់សណ្តាប់ធ្នាប់និងការប្រឡងប្រណាំងទីក្រុងស្អាតអាជ្ញាធរក្រុងគួរតែមានវិធានចំពោះក្រុមអ្នកត់តាក់ស៊ីនេះផងដើម្បីរៀបចំសណ្តាប់ធ្នាប់ក្រុង។ម្ចាស់ចំណតរថយន្តខេត្តបានប្រាប់ថានៅក្រុងសិរីសោភ័ណមានចំណតរថយន្តចំនួន២កន្លែង១.ជាកន្លែងចំណតរថន្តតាក់ស៊ី ២ជាចំណត់រថយន្តក្រុងដែលចែកដាច់ដោយឡែកពីគ្នា។ចំណតរថយន្តទាំង២នេះមានការរៀបចំសណ្តាប់ធ្នាប់និងសភ័ណភាពក្រុងដោយឡែចនិងរថយន្តតាកស៊ីដោយឡែចដាច់ពីគ្នា។ដោយឡែករថយន្តតាក់ស៊ីមួយចំនួនមិនព្រមចូលបេនដែលចតចាប់ម៉ូយតាមផ្លូវធ្វើអោយប៉ះពាល់សណ្តាប់ធ្នាប់យ៉ាងខ្លាំងហើយរថយន្តទាំងអស់នោះដេញដូចចាប់ក្តាមដាក់ចង្អេដេញពីមុខដាក់ពីក្រោយ។
លោក រីថុលប្រធានការិយាល័យនគបាលសណ្តាប់ធ្នាប់ខេត្តបានប្រាប់ថាចំពោះរថយន្តតាក់ស៊ីដែលចតតាមដងផ្លូវក្នុងទីប្រជុំជនក្រុងសិរីសោភ័ណដែលធ្វើឲ្យប៉ះពាល់សណ្តាប់ធ្នាប់និងសភ័ណភាពក្រុងគឺកម្លាំងនគបាលសណ្តាប់ធ្នាប់ធ្វើការចំនួន៣កន្លែងតែការអនុវត្តមិនបានគ្រប់គ្រាន់នៅឡើយព្រោះរថយន្តតាក់ស៊ីមិនព្រមចូលចំណតដែលដេញពីមួយកន្លែងទៅមួយកន្លែងបើនិយាយដូចវេកចកក្នុងអូរអញ្ចឹងទោះជាយ៉ាងក្តីកម្លាំងជំនាញនៅតែមានវិធានការរៀបចំសណ្តាប់ឲ្យបានល្អនៅថ្ងៃមុខ៕
