ខេត្តឧត្ដរមានជ័យ បានជម្រុញដល់ ពលទាហាន កងរាជអាវុធហត្ថ នៅក្នុងទូទាំងខេត្ត ត្រូវសំរេចបានភារកិច្ច និងរក្សាអោយបាននូវសន្តិសុខសណ្តាប់ធ្នាប់សាធារណៈក្នុងខេត្តអោយល្អប្រសើរបន្ថែមទៀត។
ឯកឧត្តមមេបញ្ជាការ មានប្រសាសន៍លើកឡើង ក្នុងងឧិកាស កិច្ចប្រជុំបូក សរុបលទ្ធផលការងារឆមាសទី១ និងលើកទិស ដៅ ឆមាសទី២ឆ្នាំ២០១៥ របស់កងរាជអាវុធហត្ថ ខេត្តឧត្ដរមានជ័យ ដែលរៀបចំធ្វើនៅថ្ងៃទី៨ ខែកក្តដា ឆ្នាំ២០១៥។
បើតាមរបាយការណ៍របស់លោកអនុសេនីយ៍ឯក រុំ ម៉ា នាយការិយាល័យផែនការប្រតិបត្តិកា កងរាជអាវុធហត្ថខេត្ត បានឲ្យដឹង ថាៈ កម្លាំងកងរាជអាវុធហត្ថបានខិតខំប្រឹងប្រែងបំពេញភាតកិច្ចបានយ៉ាងល្អប្រសើរ លោកបន្តថាៈក្នុងឆមាសទី១នេះ បទល្មើស ព្រហ្មទណ្ឌ កើត មាន០៧លើក និងបទល្មើសមជ្ឈឹមកើតមាន ២៦លើក ។ ហើយក្នុងឆមាសទីមួយនេះឆ្នាំ២០១៥នេះកងកុំលាំងកងរាជអាវុធហត្ថទូទាំងខេត្តច បានភារកិច្ច និងរក្សាអោយបាននូវសន្តិសុខសណ្តាប់ធ្នាប់សាធារណៈក្នុងខេត្តអោយល្អប្រសើរ មានកិច្ចសហប្រតិបត្តិកាល្អ ជាមួយស្ថាប័នពាក់ព័ន្ធ អាជ្ញាធរដែនដីក្នុងខេត្ត។
ឯកឧត្តម ឧត្ដមសេនីយ៍ត្រី ពុទ្ធ សារ៉ាន់ មេបញ្ជាការកងរាជអាវុធហត្ថខេត្ត បានធ្វើការកោតសសើរ និងវាយតម្លៃខ្ពស់ ចំពោះកម្លាំងកងរាជអាវុធហត្ថទាំងអស់ ដែលបានខិតខំប្រឹងប្រែងបំពេញភារកិច្ចក្នុងរយៈកាលកន្លងមក ទទួលបាន លទ្ធផលល្អ ។ ក្នុងនោះ ក្រៅពីការខិតខំបំពេញភារកិច្ចបានយ៉ាងល្អប្រសើរ ហើយនោះក៏នៅមានចំណុច អវិជ្ជមានមួយចំនួន ដែលត្រូវការកែលំអ ទៅលើកម្លាំងទាំងអស់ ត្រូវបន្តអនុវត្តតួនាទីរបស់ខ្លួនឲ្យបានល្អ ប្រសើរ និង បន្តសហការជាមួយ អង្គភាពពាក់ព័ន្ធ អជ្ញាធរដែនដី ការពារទប់ស្កាត់ និងបង្ក្រាបបទល្មើសនានា ដែលកើតឡើង នៅក្នុងភូមិសាស្ត្រក្នុងខេត្ត។ទន្ទឹមនឹងនេះ ត្រូវបន្តការការខិតខំប្រឹងប្រែងបន្តទៀត ក្នុងភារកិច្ចរបស់ខ្លួនឲ្យបានល្អ ក្នុងនោះ ត្រូវមានសាមគ្គី ភាព គោរពវិន័យ លើកកំពស់កិត្យានុភាពកងរាជអាវុធហត្ថ ត្រូវយកចិត្តទុកដាក់កសាងអភិវឌ្ឍន៍អង្គភាព និងត្រូវបន្តបង្កើនកិច្ចសហការជាមួយ អង្គភាពពាក់ព័ន្ធ អជ្ញាធរដែនដី និងចេះជួយដល់ប្រជាពលរដ្ឋ ក្នុងពេលលំបាក៕
