ខេត្តកំពង់ឆ្នាំង៖ ផ្លូវលំ៤ខ្សែប្រវែង៦៧គីឡូម៉ែត្រ កំពុងកសាងទៅជាផ្លូវកៅស៊ូ ក្នុងគំរោងថវិកាជាតិជាកម្ចីពីធនាគារ A B B ចំនួន១៦លានដុល្លា ដែលតាមកិច្ចស្យាជាមួយក្រុមហ៊ុនម៉ៅការ វិស្វកម្មសំណាង និងត្រូវធ្វើអោយហើយក្នុងរយៈពេល៣ឆ្នាំទៀត ដើម្បីសម្រួលការធ្វើចរាចរណ៍ជូនប្រជាពលរដ្ឋ នៅក្នុងមូលដ្ឋានស្រុកទឹកផុស និងស្រុកកំពង់ត្រឡាច ខេត្តកំពង់ឆ្នាំង។ លោក ម៉េង ហាក់ អភិបាលស្រុកទឹកផុស បាននិយាយអោយដឹងនៅព្រឹកថ្ងៃទី០៧ ខែកក្កដា ឆ្នាំ២០១៥នេះថា៖ ក្រោមការដឹកនាំរបស់ប្រមុខរាជរដ្ឋាភិបាលកម្ពុជា ផ្លូវលំ៤ខ្សែប្រវែង៦៧គីឡូម៉ែត្រនៅក្នុងស្រុកទឹកផុស និងស្រុកកំពង់ត្រឡាច បានកំពុងកសាងឡើងដោយក្រុមហ៊ុនវិស្វកម្មសំណាង អោយទៅជាផ្លូវកៅស៊ូ ក្រោមគម្រោងថវិកាជាតិជាកម្ចីរបស់ធនាគារពិភពលោក A B B ដើម្បីសម្រួលចរាចរណ៍ជូនប្រជាពលរដ្ឋក្នុងមូលដ្ឋានស្រុកទាំង២។
លោក ប៉ុក លក្ខ័ស្មី តំណាងក្រុមហ៊ុនវិស្វកម្មសំណាងបាននិយាយអោយដឹងថា៖ក្រុមហ៊ុនរបស់លោកបានទទួលការដេញថ្លៃ និងម៉ៅការកសាងផ្លូវ៤ខ្សែនេះ ពីផ្លូវលំដី ស អោយទៅជាផ្លូវកៅស៊ូមានប្រ វែង៦៧គីឡូម៉ែត្រ មានទឹកប្រាក់១៦លានដុល្លា ពីក្រសួងសាធារណៈការនិងដឹកជញ្ជូន ក្នុងកិច្ចសន្យាកសាងរយៈពេល៣ឆ្នាំ ដែលក្រុមហ៊ុនបានដំណើរការកសាងពីខែមេសា ឆ្នាំ២០១៥ ដល់ខែមេសា ឆ្នាំ១០ ១៨ អោយហើយជាស្ថាពរ។
លោក ប៉ុក លក្ខ័ស្មី បានបញ្ជាក់អោយដឹងទៀតថា៖ផ្លូវទាំង៤ខ្សែដែលត្រូវកសាងនោះគឺ៖ទី១ផ្លូវជា
តិលេខ៥៣ ប្រវែង៣១គីឡូម៉ែត្រពីឃុំជីប្រង ទៅភូមិព្រៃជ្រៅ ទី២ ប្រវែង៣គីឡូម៉ែត្រ ពីផ្លូវចិន ទៅឃុំអមលាំង ទី៣ ប្រវែង២៨គីឡូម៉ែត្រ ពីស្រុកទឹកផុស ទៅផ្សារតាជេសស្រុកកំពង់ត្រឡាច និងទី៤ ប្រវែង៥គី
ឡូម៉ែត្រ ពីផ្សារតាជេសទៅដល់មាត់ទន្លេ។ដំណើរការកសាងផ្លូវនេះមាន៤ជំហ៊ានគឺ ១.ចាក់ដី ស ធម្មតាមានទទឹង៨ម៉ែត្រ និងកំពស់ទៅតាមការកំណត់ជាក់ស្តែងក្នុងកិច្ចសន្យា ២.ចាក់គ្រួសក្រហមកិនបង្ហាប់ ៣.ចាក់ថ្មមិចកិនបង្ហាប់ និង៤.ចាក់កៅស៊ូទៅតាមស្តង់ដាកំណត់។
លោក ម៉េង ហាក់ បានអោយដឹងទៀតថា៖ ការកសាងផ្លូវ៤ខ្សែខាងលើនេះ និងអាចមានផលប៉ះពាល់ជាមួយប្រជាពលរដ្ឋតិចតូច ក្នុងពេលពង្រីកទទឹងផ្លូវអោយធំទំហំ៨ម៉ែត្រ ប៉ុន្តែការកសាងផ្លូវនេះត្រូវ
បានប្រជាពលរដ្ឋនិងអាជ្ញាធរភូមិ ឃុំ គ្រប់មូលដ្ឋានចូលរួមគាំទ្រ និងអបអរសារទរយ៉ាងក្រែលែង នៅពេលមើលឃើញការគិតគូរអភិវឌ្ឍន៍ផ្លូវថ្នល់ យ៉ាងយកចិត្តទុកដាក់ពីសំណាក់ប្រមុខរាជរដ្ឋាភិបាលកម្ពុជាក្រោមការដឹកនាំរបស់សម្តេចអគ្គសេនាបតី ហ៊ុន សែន ជានាយករដ្ឋមន្ត្រី។ក្នុងនាមលោកជាអភិបាលស្រុ កទឹកផុសតំណាងអោយប្រជាពលរដ្ឋ សូមគាំទ្រយ៉ាងពេញទំហឹងនិងប្តេជ្ញាចូលរួមគ្រប់សកម្មភាព ចំពោះការដឹកនាំប្រកបដោយគតិបណ្ឌិត របស់រាជរដ្ឋាភិបាលអាណត្តិទី៥ ដើម្បីកសាងមាតុភូមិកម្ពុជាអោយសំ
បូរសប្បាយរុងរឿងតទៅនាគត៕
