ខេត្តកំពង់ឆ្នាំង៖ ក្រុមការងារកាកបាទក្រហមខេត្តដឹកនាំដោយលោក ប្រាក់ សោភ័ណ្ឌ នាយកប្រតិបត្តិសាខាកាកបាទក្រហមខេត្ត លោកថោង ចំរើន ប្រធានមន្ទីរសង្គមកិច្ចខេត្ត លោកសោម សុជាតា និងលោក លីសុភា អនុប្រធានសហភាពសហព័ន្ធខេត្ត និងអាជ្ញាធរដែនដីសង្កាត់ខ្សាម នៅរសៀលថ្ងៃទី០៧ ខែកក្កដា ឆ្នាំ២០១៥ បានចុះសាកសួរសុខទុក្ខ និងនាំយកអំណោយ ជូនដល់កុមារកំព្រាទុរគត៌៨នាក់បងប្អូននៅក្នុងគ្រួសារ ដែលកំពុងរស់នៅតែលតោលលំបាកវេទនា ដោយគ្រួសារបោះបង់ចោល នៅភូមិទី៨សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង។
លោក ប្រាក់ សោភ័ណ្ឌ នាយកប្រតិបត្តិសាខាកាកបាទក្រហមខេត្តកំពង់ឆ្នាំង បានអោយដឹងថា
ក្រោយពីបានដឹងពីជីវិតក្មេងកំព្រាទុរគត៌២គ្រួសារមានចំនួន៨នាក់ ក្នុងនោះគ្រួសារទី១ ឪពុកបានស្លាប់ចោលរយៈពេល២ខែ និងម្តាយឈ្មោះគឹមសារ៉េតទៅធ្វើការនៅប្រទេសរយៈពេល២ឆ្នាំហើយមិនដែលបានមកមើលកូនសោះ និងបច្ចុប្បន្នលោកយាយជាអ្នកជិតខាងនិងកូនបងឈ្មោះ បាន ស្រីណាន់ អាយុ១៣ឆ្នាំ រៀនថ្នាក់ទី៦ជាអ្នកដើរបោកខោអាវអោយគេរកលុយចិញ្ចឹមប្អូនៗទាំង៣នាក់ អោយរៀនសូត្រ។
ចំណែកគ្រួសារទី២ឪពុកឈ្មោះ ឈឹម ស៊ីធន ស្លាប់ និងម្តាយឈ្មោះ ជួន ស្រីមុំ ស្លាប់មានបងប្អូនចំនួន៦នាក់តែបច្ចុប្បន្ននៅ៤នាក់ ចំណែកបង២នាក់ទៀតបានទៅរកការងារនៅក្រៅខេត្ត ហើយសព្វថៃ្ងបានបងស្រីឈ្មោះ ធន ចាន់ណា អាយុ២០ឆ្នាំធ្វើ ការនៅរោងចក្រM&Vធ្វើការចិញ្ចឹមប្អូន៣នាក់ទៀតអោយបានរៀនសូត្រ។ដោយមើលឃើញការលំបាករបស់ក្មួយៗ២គ្រួសារទាំង៨នាក់កំពុងជួបការលំបាកទើបសម្តេចគតិព្រឹទ្ធបណ្ឌិតប៊ុនរ៉ានីហ៊ុនសែន ប្រធានកាកបាទក្រហមកម្ពុជា និងឯកឧត្តម ឈួរ ច័ន្ទឌឿនអភិបាលខេត្តកំពង់ឆ្នាំង សាខាកាកបាទក្រហមខេត្តកំពង់ឆ្នាំង និងមន្ទីរពាក់ព័ន្ធនាំយកអំណោយនិថវិការបស់កាកបាទក្រហម និងអំណោយសប្បុរសជន មកផ្តល់ជូនជួយដោះស្រាយការលំបាករបស់ក្មួយៗដល់លំនៅដ្ឋានក្នុងពេលនេះ។
លោកថោងចំរើនប្រធានមន្ទីរសង្គមកិច្ចខេត្តបានអោយដឹងថា៖អំណោយជូនក្មួយៗ គ្រួសារទី១
មានអំណោយរបស់កាកបាទក្រហមមានអង្ករ៣០គីឡូក្រាម ,មី១កេស ,ត្រីខ១០កំប៉ុង ,ឃីតមួយកញ្ចប់(មានមុង១ក្រម៉ា១,សារ៉ុង១,ភួយ១)និងថវិកា៥ម៉ឺនរៀល ,ស.ស.យ.កខេត្តថវិកា៥ម៉ឺនរៀល,លោកជំទាវតុង ណារី ថវិកា៥ម៉ឺនរៀល,អំណោយសប្បុរសជនមានអង្ករ២០គីឡូក្រាម ,មីកន្លះកេស ,ចាន ,ឆាំង,ស្លាបព្រា ស្បែកជើង ,កាំបិត,ចានដែក និងសំភារៈមួយចំនួនទៀតជាអំណោយរបស់ព្រះចៅអធិការវត្តធម្មវ័ន្ត,វត្តទួលខ្សាច់,លោកស្រី លៀង ស្រីមុំ ប្រធានទូរទស្សន៍ខ្សែកាបKC និងលោកស្រី លី ឡាយ។
គ្រួសារទី២ទទួលបានថវិកាកាកបាទក្រហម៥ម៉ឺនរៀល,ថវិកាស.ស.យ.ក.៥ម៉ឺនរៀល ព្រះចៅអធិការវត្តទួលខ្សាច់ថវិកា៦ម៉ឺនរៀល និងអំណោយសំភារៈគ្រឿងឧបភោគបរិភោគមានអង្ករ២០គីឡូក្រាម ,មីកន្លះកេស,ស្លាបព្រាស្បែកជើង ,កាំបិត,ចានបាយ,ចានសម្លរ,ចានដែក និងសំភារៈមួយចំនួនទៀតជាអំណោ យរបស់ព្រះចៅអធិកាវត្តធម្មវ័ន្ត,វត្តទួលខ្សាច់,លោកស្រី លៀង ស្រីមុំ ប្រធានទូរទស្សន៍ខ្សែកាបKCនិងលោកស្រីលី ឡាយ។
លោកចៅសង្កាត់ខ្សាម និងកុមារកំព្រាទុរគត៌ខាងលើ សូមថ្លែងអំណរគុណយ៉ាងជ្រាវជ្រៅដល់សម្តេចគតិព្រឹទ្ធបណ្ឌិតប៊ុនរ៉ានីហ៊ុនសែន ប្រធានកាកបាទក្រហមកម្ពុជា ឯកឧត្តម ឈួរ ច័ន្ទឌឿន អភិបាលខេត្ត និងសប្បុរសជនទាំងអស់ សូមជូនពរអោយជួបតែសេចក្តីសុខគ្រប់ប្រការ និងទទួលបានជ័យជំនៈគ្រប់តួនាទី ភារកិច្ចជារៀងរហូតតទៅ៕
