ខេត្តបន្ទាយមានជ័យ
នៅរសៀលថ្ងៃទី៧ ខែកក្កដា ឆ្នាំ២០១៥នេះនគបាលព្រហ្មទណ្ឌ័កំរិតស្រាលបានប្រគល់ម៉ូតូមួយគ្រឿងដែលចោរលួចនៅក្រុងប៉ោយប៉ែតនោះទៅឲ្យជូនម្ចាស់វិញហើយ។ថ្មីៗនេះនគរបាលវរសេនាតូចការពារព្រំដែនគោក៩១១ នៃស្នងការដ្ឋាននគរបាលខេត្តបន្ទាយមានជ័យបានឃាត់ខ្លួន ជនសង្ស័យ២នាក់និងដកហូតម៉ូតូបានមួយគ្រឿងដែលចោរបានលួចពីក្រុងប៉ោយប៉ែតបានគេចទៅជាយដែនត្រូវបាននគបាលវរះ៩១១ចាប់បានហើយត្រូវបានបញ្ជូនទៅកាន់តុលាការ នៅថ្ងៃទី៦ខែកក្កដាឆ្នាំ២០១៥នេះ។ជនសង្ស័យទី១ឈ្មោះ ស៊ុ ប៊ុនថា អាយុ១៩ឆ្នាំ រស់នៅភូមិក្បាលកោះ សង្កាត់ក្រុងប៉ោយប៉ែត និងជនសង្ស័យទី២ឈ្មោះ គឹម សុភាព អាយុ២២ឆ្នាំ រស់នៅភូមិអូរនាង សង្កាត់ផ្សារកណ្តាល ក្រុងប៉ោយប៉ែត។តាមមន្ត្រីនគរបាលព្រហ្មទ័ណ្ឌកំរិតស្រាលបានឲ្យដឹងថាមុនពេលកើតហេតុ ពោលនៅវេលាម៉ោង៥ទៀបភ្លឺ ថ្ងៃទី៤ ខែកក្កដា ឆ្នាំ២០១៥ ស្ថិតនៅភូមិក្បាលកោះ ជនសង្ស័យទាំង២នាក់ បានធ្វើសកម្មភាពលួចម៉ូតូ របស់ជនរងគ្រោះ មានឈ្មោះ វី គឹមភ័ក្រ អាយុ២៩ឆ្នាំ រស់នៅភូមិសាមគ្គី សង្កាត់ប៉ោយប៉ែត រួចហើយគេចខ្លួនដោយសុវត្ថិភាព។ក្រោយមានករណីលួចម៉ូតូរបស់ប្រជាពលរដ្ឋរួចមក កម្លាំងនគរបាលមូលដ្ឋានបានបោះដៃនិងផ្តល់ព័ត៌មានជូននគរបាលពាក់ព័ន្ធ នៅថ្ងៃទី៤ ខែកក្កដា ឆ្នាំ២០១៥ វេលាម៉ោង៨ ព្រឹក ក៏ត្រូវកម្លាំងនគរបាលវរ៩១១ ចាប់ខ្លួន ស្ថិតនៅភូមិជោគជ័យ ឃុំអូរបីជាន់ ស្រុកអូរជ្រៅ រួចហើយបញ្ជូនទៅកាន់តុលាការចាត់ការតាមនីតិវិធីផងដែរ៕
