ខេត្តបន្ទាយមានជ័យ ៖ បុរស់ម្នាក់ជិះម៉ូតូទៅរកទិញទឹកកកទាំងយប់ក៏ទៅបុកនិងគោយន្តពីក្រោយពេញទំហឹងបណ្តាលឲ្យរងរបួសជាទម្ងន់។ ហេតុការណ៍នេះកើតឡើងនៅវេលាម៉ោង៩យប់ថ្ងៃទី៧ខែកក្កដាឆ្នាំ២០១៥ នៅលើកំណាត់ផ្លូវជាតិលេខ៥៦Aស្ថិត នៅចំណុចភូមិស្លែងថ្មី 
ឃុំរលួស ស្រុកស្វាយចេក ខេត្តបន្ទាយមានជ័យ។លោកវរសេនីយ៍ត្រីជាឆ្លូញអធិការស្រុកស្វាយចេកបានឲ្យដឹងថាជនដែលជិះម៉ូតូទៅបុកនិងគោយន្តនោះមានឈ្មោះ ប៉ុក តារា ភេទប្រុស អាយុ៣២ឆ្នាំ រស់នៅភូមិព្រៃវែង ឃុំគោករមៀត ស្រុកថ្មពួក ខេត្តបន្ទាយមានជ័យ បើកបរម៉ូតូម៉ាកហុងដា ឌ្រីមពណ៌ខ្មៅ ស៊េរីឆ្នាំ២០១៤ ពាក់ស្លាកលេខបន្ទាយមានជ័យ១l ៤០៤៤ជាបុគ្គលឹកមេក្រូហិរញ្ញវត្ថុប្រចាំស្រុកស្វាយចេក។ ចំណែកអ្នកបើក គោយន្តមានឈ្មោះ ញ៉យ ភឿង ភេទប្រុស អាយុ៣០ឆ្នាំរស់នៅភូមិតាវឹក ឃុំទ្រាស ស្រុកស្វាយចេក ខេត្តបន្ទាយមានជ័យ។លោកជាស្លូញបានប្រាប់ឱ្យដឹងបន្តថាមុនពេលកើតហេតុគេឃើញគោយន្តដឹកដំឡូង១គ្រឿងបើកបរយឺតៗគ្មានភ្លើងបំភ្លឺសញ្ញាខាងក្រោយបម្រុងបើកបត់ចូលកន្លែងស្តង់ដាក់ដំឡូងស្រាប់តែមានម៉ូតូ១គ្រឿងបើកបរដោយជងរងគ្រោះខាងលើបើកយ៉ាងលឿនក្នុង
ទិសដៅស្របគ្នាពីត្បូងមកជើងដើម្បីទៅទិញទឹកកកនៅផ្សារស្វាយចេកដោយសារតែមេឃងងិតមើលមិនឃើញ គោយន្តនៅខាងមុខក៏ជ្រុលទៅបុករឺម៉កគោយន្តពីក្រោយពេញទំហឹងបណ្តាលឱ្យដួលបោកក្បាលនិងថ្នល់ជាតិទទួលរងរបួសធ្ងន់តែម្តង។ក្រោយពេលកើតហេតុរួចសមត្ថកិច្ចទៅដល់កន្លែងកើតហេតុក៏ឃាត់អ្នកបើកគោយន្តបញ្ជូនមកសាកសួរនៅអធិការដ្ឋាននគរបាលស្រុកស្វាយចេក ។ចំណែកជនរងគ្រោះសមត្ថកិច្ចទំនាក់ទំនងរថយន្តពេទ្យ ដឹក សង្គ្រោះបញ្ជូនទៅគ្លីនិកឯកជនមួយនៅក្រុងសិរីសោភ័ណ។លោកអធិការបញ្ជាក់ឱ្យដឹងទៀតថា មូលហេតុដែលកើតឡើងគ្រោះថ្នាក់ចរាចរណ៍នេះ គឺបង្កដោយគោយន្តគ្មានភ្លើងបំភ្លឺខាងក្រោយជាសញ្ញាចំណែកអ្នកជិះម៉ូតូបើកលឿននៅពេល យប់។ បច្ចុប្បន្នគោយន្តនិងម៉ូតូរួមនិងអ្នកបើកគោយន្តត្រូវបាននាំយកមកនៅអធិការដ្ឋាននគរបាលស្រុកស្វាយចេកទុកចាត់ការតាមនីតិវិធីច្បាប់៕
