កំពង់ឆ្នាំង៖ ម៉ូតូហុងដាឌ្រីមសេរីឆ្នាំ២០១៥ចំនួន២គ្រឿងត្រូវបានក្រុមចោរដៃឆើតមកកាច់ក
យកយ៉ាងងាយតែមួយពព្រិចភ្នែក នៅក្នុងរយៈពេលតែជាងមួយម៉ោង នៅព្រឹកថ្ងៃទី០៧ ខែកក្កដា ឆ្នាំ២០១៥ ករណីនេះបានកើតឡើងនៅមុខសាលាមត្តេយ្យមិត្តភាព ក្នុងភូមិឡទឹកត្រី
និងមុខផ្ទះពេទ្យឯកជនមួយក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង។
សមត្ថកិច្ចនគរបាលក្រុងកំពង់ឆ្នាំងបានអោយដឹងថា៖ករណីទី១ បុរសម្នាក់បានមក
យកកូនដែលរៀបនៅក្នុងសាលាមត្តេយ្យមិត្តភាព នៅវេលាម៉ោង១០និង១៥នាទីព្រឹក ដោ
យបានទុកម៉ូតូចាក់សោរកចោលក្នុងដីភូមិគេមួយនៅក្បែរសាលានោះ នៅពេលចូលយកកូនប្រមាណ៥នាទីចេញមកវិញក៏ត្រូវក្រុមចោរកាច់កយកម៉ូតូបាត់តែម្តង។
ករណីទី២ វេលាម៉ោង១១និង៤៥នាទីព្រឹក បុរសម្នាក់ទៀតបានចតម៉ូតូចាក់សោរកទុ
កចោលនៅក្បែរផ្ទះពេទ្យឯកជនមួយ ដើរចូលក្នុងតែមួយភ្លែត អ្នកជិតខាងបានឃើញក្រុម
ចោរគ្នា២នាក់ជិះម៉ូតូមកដល់ ម្នាក់បានចុះទៅកាច់កម៉ូតូ បើកចេញភ្លាមក្រោយខ្នងម្ចាស់
ពេលនោះអ្នកជិតខាងបានស្រែក ចោរលួចម៉ូតូៗ…!! ប៉ុន្តែគ្មានអ្នកជួយដេញចោរនោះទាន់
ឡើយ។ភ្លាមៗនោះដែរសមត្ថកិច្ចនគរបាលគ្រប់ប៉ុស្តិក្នុងក្រុងកំពង់ឆ្នាំង បានបញ្ចេញកម្លាំ
ងពួកស្ទាក់គ្រប់ច្រក នៅក្នុងក្រុងប៉ុន្តែមិនបានរកឃើញដាន ក្រុមចោរទាំង២ក្រុមនោះឡើ
យ គឺពួកវាបានយកម៉ូតូទាំង២គ្រឿងដោយសុវត្តិភាព។
សមត្ថកិច្ចបានស្រាវជ្រាវអោយដឹងថា៖ក្រុមចោរទាំង២ក្រុមខាងលើនេះ គឺជាមុខសញ្ញាមកពីក្រៅខេត្ត ពួកវាធ្វើសកម្មភាពកាច់កម៉ូតូជំនាញណាស់ និងអាចមានបក្ខពួកវា
ជួយលាក់បំពួនពួកវានៅក្នុងក្រុងកំពង់ឆ្នាំង។រូបភាពដែលពួកវាកាច់កម៉ូតូយកបាតើនោះគឺ
ប្រើដែកអក្សរអិល រុកក្នុងរន្ធសោរម៉ូតូមូលបំបែកគ្រាប់សោរ បញ្ឆេះជិះយកទៅតែម្តង។
សមត្ថកិច្ចបានបញ្ជាក់អោយដឹងថា៖វិធានការទប់ស្កាត់កុំអោយពួកវាកាច់សោរយកម៉ូតូបាននោះ គឺត្រូវប្រើសោរល្អៗ(សោរសូឡិច)ចាក់ជន្ទល់ម៉ូតូទើបធានាសុវត្តិភាពបាន៕
