ខេត្តកំពង់ឆ្នាំង៖ មនុស្សចំនួន១០៧នាក់ ត្រូវបានសមត្ថកិច្ចចាប់ឃាត់ខ្លួន និងត្រូវបានតុលាការសម្រេចដាក់ពន្ឋនាគារជាបន្តបន្ទាប់ ក្នុងបទល្មើស ជួញដូរ ចែកចាយ រក្សារទុក និងប្រើប្រាស់ថ្នាំញៀន ក្នុងរយៈ ពេល ៧ខែ ឆ្នាំ២០១៥ និងដកហូតថ្នាំញៀនបាន២៣០កញ្ចប់ និងសំភារៈមួយចមនួនទៀត។ ទូរលេខនេះជារបាយការណ៏របស់លោកស្នងការនគរបាលខេត្តកំពង់ឆ្នាំង ដែលបានរាយការណ៏ ក្នុងពីធីប្រកាសផ្ទេរភារកិច្ច តែងតាំងមុខដំណែង និងបំពាក់ឋានន្តរសក្តិ ដល់មន្ត្រីនគរបាលខេត្ត កាលពីព្រឹកថ្ងៃទី ០៨ ខែកក្កដា ឆ្នាំ២០១៥ នៅក្នុងស្នងការដ្ឋាននគរបាលខេត្តកំពង់ឆ្នាំង ។
របាយការណ៏នេះបានបញ្ជាក់ទៀតថា៖ចំនួនអ្នកជាប់ចោទពីបទ ជួញដូរ ចែកចាយ រក្សាទុក និងប្រើប្រាស់សារធាតុញៀន ដែលកំពុងជាប់ពន្ឋនាគារទាំង ១០៧នាក់ មានស្រី១៤នាក់ ត្រូវបានសមត្ថកិច្ចបង្ក្រាបចំនួន៤៧ករណីក្នុងនោះ ជួញដូរ និងចែកចាយមាន៣៣ករណី ឃាត់ខ្លួនមនុស្ស៧៤នាក់ (ស្រី៩នាក់) , រក្សាទុកនិងប្រើប្រាស់ ១៤ករណី ឃាត់ខ្លួនមនុស្ស៣៣នាក់ (ស្រី៥នាក់) ។
ដោយឡែកការចាប់ខ្លួនតាមដីកាពាក់ព័ន្ឋគ្រឿងញៀននេះដែរមានចំនួន៧នាក់ ក្នុងនោះដែរ សមត្ថកិច្ចនបានដកហូតវត្ថុតាងរួមមមាន៖ ថ្នាំញៀនមេតំហ្វេតាមីនប្រភេទម៉ាទឹកកក ចំនួន២៣០កញ្ចប់ ថ្នាំមេតំហ្វេតាមីនគ្រាប់ ពណ៌ផ្កាឈូក ចំនួន៧០គ្រាប់ ជញ្ជីងថ្លឹងថ្នាំញៀន៥គ្រឿង អាវុធកែឆ្នៃ ៥គ្រឿង ទូរសព្ទ័ដៃ៩៩គ្រឿង ម៉ូតូ៥០គ្រឿង រថយន្ត១គ្រឿង កាំបិត១០ គ្រឿងអលង្ការ ប្រាក់រៀល និងប្រាក់ដុល្លារមួយចំនួន។
លោក ឧត្តមសេនីយត្រី ប្រាក់ វុឌ្ឍី ស្នងការ នគរបាលខេត្តបានលើកឡើងថាៈ កត្តាសម្រេចបានខាងលើ គឺអនុវត្តតាមផែនការណ៏ គោលការណ៏ បទបញ្ជាររបស់ក្រសួងមហាផ្ទៃ អគ្គស្នងការនគរបាល ជាតិ និងការដឹកនាំ របស់លោកអភិបាលខេត្តកំពង់ឆ្នាំង ដែលជាគណៈបញ្ជាការឯកភាពខេត្តផងដែរ។ មតិមហាជននិយាយថាតាមទូរលេខខាងលើនេះបញ្ជាក់អោយដឹងថា៖បទល្មើសគ្រឿងញៀន នៅក្នុងខេត្តកំពង់ឆ្នាំងបានកើនឡើងគួរព្រួយបារម្មណ៏ គឺបើប្រៀបធៀបរយៈពេលដូចគ្នានេះដែរ ក្នុងឆ្នាំកន្លងទៅ គឺកាបបង្ក្រាបបានមានត្រឹមតែ១១ករណី និងឃាត់ខ្លួនបានតែមនុស្ស១៩នាក់តែប៉ុណ្ណោះ។
ដើម្បីទប់ស្កាត់ និងបង្ក្រាបបទល្មើសគ្រឿងញៀននៅក្នុងខេត្តអោយមានប្រសិទ្ធភាព ប្រជាពលរដ្ឋ
មន្ត្រីរាជការ និងអាជ្ញាធរគ្រប់មូលដ្ឋាន ត្រូវតែសហការផ្តល់ព័ត៌មានជូនសមត្ថកិច្ចអោយបានជាក់លក្ខ័និងទាន់ពេលវេលាទើបការបង្ក្រាបបទល្មើសគ្រឿញៀនទទួលបានដោយជោគជ័យ៕
