កំពង់ឆ្នាំង ៖គ្រួសារក្រីក្រ មានកូន២នាក់ស្វិតជើងទាំងសងខាង និងលោកយាយចាស់ជរាគ្មានទីពឹងចំនួន៥នាក់នៅស្រុកកំពង់ត្រឡាចខេត្តកំពង់ឆ្នាំង នៅព្រឹកថ្ងៃទី០៩ ខែកក្កដា ឆ្នាំ២០១៥ ត្រូវលោកជំទាវកែច័ន្ទមុនីអ្នកតំណាងរាស្ត្រគណបក្សប្រជាជនកម្ពុជាខេត្តកំពង់ឆ្នាំង លោកជំទាវ តុង ណារី សមាជិកក្រុមប្រឹក្សាខេត្ត លោក ថោង ចំរើន ប្រធានមន្ទីរសង្គមកិច្ច ខេត្តលោក សោម ភិរុណ នាយខ័ណ្ឌជលផលខេត្ត ព្រះអង្គ ឆៃ សៅ លេខាគណស្រុកព្រះអង្គ ស៊ន សម្បត្តិ ព្រះចៅអធិការវត្តត្រពាំងធម៌ និងលោក សន សំអាត ប្រធានស.ស.យ.កស្រុក បានចុះទៅសាកសួរសុខទុក្ខ និងនាំយកអំណោយផ្ទាល់ខ្លួន និងសប្បុរសជនជូនដល់លំនៅដ្ឋានដោយផ្ទាល់ដៃ។
លោកជំទាវ តុង ណារី សមាជិកក្រុមប្រឹក្សាខេត្តកំពង់ឆ្នាំងបានអោយដឹងថា៖គ្រួសារលោក ម៉ែន សុភារិទ្ធនិងអ្នកស្រី ចែម យ៉ុម មានកូន៤នាក់កូន២នាក់ស្រី១និងប្រុស១ស្វិតជើងទាំងសងខាង រស់នៅភូមិត្រពាំងភ្នៅ ឃុំច្រេស ស្រុកកំពង់ត្រឡាច ទទួលបានអង្ករ៤០គីឡូក្រាម,មី១កេះ,ទឹកត្រី១យួរ,ទឹកស៊ីអ៊ីវ១យួ រនិងថវិកា២៥ម៉ឺនរៀល។លោកយាយចាស់ជរាគ្មានទីពឹងចំនួន៥នាក់មាន៖១.លោកយាយ សោម ហេង អាយុ៦៧ឆ្នាំ ២.លោកយាយចាប ផា អាយុ៥៨ឆ្នាំ ៣.លោកយាយ សូ មុត អាយុ៧៤ឆ្នាំ ៤.លោកយាយ ងួន នឹម អាយុ៨៦ឆ្នាំ ៥.លោកយាយ ជ័យ ស៊ឺន អាយុ៧២ឆ្នាំ រស់នៅភូមិលាជ ឃុំអូរឬស្សី ស្រុកកំពង់ត្រឡាច ម្នាក់ៗទទួលបានអង្ករ២៥គីឡូ ក្រាមថវិកា១០ម៉ឺនរៀល និងគ្រឿងឧបភោគបរិភោគមួយចំនួនទៀត។
អំណោយនិងថវិកាទាំងអស់នេះបានមកពីការជួយឧបត្ថម្ភរបស់លោកជំទាវ កែ ច័ន្ទមុនី ,លោកឧកញ៉ា កុយ សុវណ្ណ លោក ថោង ចំរើន លោក សោម ភិរុណ លោក វង្ស ឌីណា ប្រធានសាខាពន្ធដារខេត្ត លោកប៊ីប្រធានក្រុមយុវវ័យខេត្ត លោកស្រី លី ឡាយ ម្ចាស់បណ្ណាគារអប្សរា ព្រះតេជគុណ ឆៃ សៅ លេខាគណស្រុកព្រះតេជគណ ស៊ន សម្បត្តិ ព្រះចៅអធិការវត្តត្រពាំងធម៌ លោក លឹម មីល្លីដេត គណនេយ្យស្ថានីយ៍ប្រេងកម្ពុជាតេលាខេត្តកំពង់ឆ្នាំង។
ក្នុងឱកាសនោះលោកជំទាវ កែ ច័ន្ទមុនី បានពាំនាំនូវប្រសាសន៍ផ្តាំផ្ញើ សាកសួរសុខទុក្ខពីសំណាក់អគ្គមហាសេនាពញាចក្រី ហេង សំរិន ប្រធានរដ្ឋសភា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី សម្តេចគតិព្រឹទ្ធិបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលកន្លងមកសម្តេចតែងតែនឹករលឹក
គិតគូរពីសុខទុក្ខ និងផលលំបាកក្នុងការរស់នៅរបស់បងប្អូនក្រីក្រនៅគ្រប់ទីកន្លែង នៅពេលដែលមានទុក្ខលំបាក គឺសម្តេចតែងផ្តល់ជូននូវអំណោយជួយដល់បងប្អូនគ្រប់ៗគ្នា ដោយមិនបានប្រកាន់ពូជសាសន៍ ឬនិន្នាការនយោ បាយគណៈបក្សណាមួយនោះឡើយ។
លោកជំទាវ កែ ច័ន្ទមុនី បានបន្តទៀតថា៖ទោះបីអំណោយនេះតិចតួចពិតមែន តែអាចជួយដោះស្រាយការលំបាករបស់បងប្អូន លោកយាយៗ បានមួយគ្រាផងដែរ។លោកជំទាវក៏បានផ្តាំផ្ញើអោយប្អូនដែលមានកូន២នាក់ដែលស្វិតជើង ត្រូវខិតខំថែរក្សាកូន និងបន្តរកគ្រូពេទ្យណាដែលមានជំនាញខាងស្វិតដៃជើង ក្រែងអាចព្យា បាលបាន និងបានផ្តាំផ្ញើដល់លោកយាយចាស់ជរាទាំង៤នាក់ អោយខិតខំថែរក្សាសុខភាពដោយរស់នៅស្អាតហូបស្អាតផឹកស្អាតបើមានស្ថានភាពមិនស្រួលត្រូវទៅមណ្ឌលសុខភាពណាដែលនៅជិតបំផុត។
គ្រួសារក្រីក្រមានកូន២នាក់ស្វិតជើងនិងលោកយាយចាស់ជរាគ្មានទីពឹង ដែលបានទទួលអំ ណោយដ៏ថ្លៃថ្លាពីលោកជំទាវនិងសប្បុរសជន បានសម្តែងនៅទឹកចិត្តសប្បាយរីករាយយ៉ាងខ្លាំងដល់លោកជំទាវនិងសប្បុរសជនទាំងអស់ដែលបានជួយសំរាលការលំបាករបស់ពួកគាត់ និងសូមគោរពជួនពរដល់សម្តេចពញាចក្រីហេងសំរិន សម្តេចអគ្គមហាសេនាបតីតេជោ ហ៊ុន សែន សម្តេចគតិព្រឹត្តិបណ្ឌិត ប៊ុនរ៉ានីហ៊ុនសែន និសប្បុរសជនទាំងអស់ សូមទទួលបានជ័យជំនះឈ្នះមារសត្រូវគ្រប់ទិសទី ដើម្បីដឹកនាំប្រទេសជាតិប្រកបដោយសុខសន្តិភាព សុខដុម្យរមនា និងសម្បូរសប្បាយរុងរឿងតទៅអនាគត៕
