ខេត្តបន្ទាយមានជ័យ
លោកគោស៊ុំសារឿតអភិបាលខេត្តបន្ទាយមានជ័យបានឲ្យគេគូសប្លង់ក្នុងដីវេទិការខេត្តបន្ទាយមានជ័យដើម្បីរចនាចេជាសួនសំរាប់ឲ្យប្រជាពលរដ្ឋក្នុងខេត្តចូលមកហាត់ប្រាណនៅក្នុងបរិវេនសួននេះហើយក៏ដើម្បីជាសវាងនូវពាក្យចរាមអារាមថាអាជ្ញាធរខេត្តយកវេទិការនេះទៅលក់ឲ្យឈ្មួញផងដែរ។ដីនិងសមិទ្ធផលជាច្រើនក្នុងបរិវេណវេទិកាខេត្តបន្ទាយមានជ័យស្ថិតនៅកណ្តាលទីប្រជុំជនខេត្តក្នុងភូមិ៣សង្កាត់ព្រះពន្លាក្រុងសិរិសោភ័ណមានពាក្យចចាមអារាមថាដីវេទិការខេត្តបន្ទាយមានជ័យនេះត្រូវគេលក់រឺដោះដូរទៅឲ្យឈ្មួញបាត់ទៅហើយ។
ការលេចឮនូវពាក្យនេះកើតឡើងបន្តបន្ទាប់តាំងពីជាង១ឆ្នាំមកហើយមកទល់ពេលនេះក៏នៅតែឮទៀត។ នោះមកពីគេ បានឃើញមានក្រុមការងារចុះវាស់វែងដីវេទិកានោះកន្លងមក។ រូបភាពវាស់វែង ដីសម្បត្តិសាធារណ:របស់រដ្ឋបែបនោះជាបទពិសោធន៍ក្នុងអាណត្តិអភិបាលខេត្តមុនៗគឺក្រោយមកក៏ឃើញមានការលក់, ការដោះដូរ, ការអភិវឌ្ឍន៍..ហើយមានប្តូរទៅជាសម្បត្តិ កម្មសិទ្ធិឯកជនតែម្តង។ ដូច្នេះក្តីព្រួយបារម្ភទំនង ជាមិនខុសទេ។ ក្នុងនោះកាលពីខែមីនា មេសាឆ្នាំ២០១៥ កន្លងមក ប្រជាជន មហាជន បុកពោះមិនតិចទេថា ដីវេទិកានេះ នឹងត្រូវដោះដូរ ឬលក់ ព្រោះគេឃើញលោក គោស៊ុំ សារឿត អភិបាលខេត្តនិងមន្ត្រីក្រោមឨវ៉ាតបានធ្វើពីធីយករូបសំណាក ព្រះបាទជ័យវរ្ម័នទី៧ ត្រង់ស្តូបកណ្តាលវេទិកា ទ្រង់ឈរចេញ។ តែធូរចិត្តវិញ ពេលឃើញ គេដាក់រូបព្រះអង្គ ទ្រង់អង្គុយសមាធិ ដែលឆ្លាក់ថ្មី ត្រូវរចនាបថផង ចូលវិញ។ នោះអាចទុកចិត្តថា ដីនិងសមិទ្ធផល វេទិកាក្នុងវេទិកាខេត្តនៅដដែល។ 
លោក ឡោ ប៊ុនពេជ្រ នាយកទីចាត់ការហិរញ្ញវត្ថុ សាលាខេត្តបន្ទាយមានជ័យ និយាយថាឥឡូវនេះអ្វីៗបានបញ្ចប់ទាំងស្រុងហើយនូវក្តីបារម្ភនិងសមិទ្ធផលក្នុងបរិវេណវេទិកាខេត្តត្រូវវាស់វែងលក់ដោះដូរនោះប៉ុន្តែនៅត្រូវការអភិវឌ្ឍន៍កែលម្អឲ្យបានស្អាតស្រស់ល្អសមរម្យនិងគ្រាន់ទំនើបទាន់សម័យ។ ក្រុមហ៊ុនដៃគូមួយ បានសិក្សា កសាងប្លង់ និងឌីសាញអ្វីៗ ត្រូវជួសជុល កែលម្អ វេទិកាខេត្តឲ្យបាន។ លោកបានបញ្ជាក់ថា ប្រភពថវិកាសម្រាប់គាំទ្រដំណើរការនេះ បានពី៣ប្រភពគឺទី១-ថវិកាគុណប្រយោជន៍ខេត្ត ទី២-ថវិការៃអង្គាសពីសប្បុរសជនក្នុងខេត្ត និងទី៣-ជំនួយធ្វើបង្គន់អនាម័យថ្មី ក្នុងនោះមានបង្គន់ “VIP” មួយផង។ ប៉ាណូរបស់រដ្ឋបាលសាលាខេត្តបន្ទាយមានជ័យដែលដាក់ជាសាធារណៈបានបង្ហាញថា: គំរោងជួសជុលនិងកែលម្អ សួនច្បារវេទិកា ខេត្តបន្ទាយមានជ័យ រួមមាន: ១ជួសជុលវេទិកានិងប្រាង្គបុស្បុកព្រះបាទជ័យវរ្ម័នទី៧។ ២កែលម្អផ្លូវបេតុង៣ខ្សែ។ ៣-រៀបចំប្រព័ន្ធលូទឹកស្អុយ។ ៤-រៀបចំចិញ្ចើម និងរៀបការ៉ូឡា។ ៥- ជួសជុលនិងកសាងបង្គន់អនាម័យនិង៦-កែលម្អសួនច្បារគម្រោងការនេះនឹងចាប់ផ្តើឆាប់ៗខាងមុខនេះហើយ៕
