ខេត្តបន្ទាយមានជ័យ
នៅព្រឹកថ្ងៃទី៩ខែកក្កដាឆ្នាំ២០១៥នេះប្រជាពលរដ្ឋរស់នៅតាមបន្ទាត់ព្រំដែនខ្មែរ ថៃត្រង់ចំណុចឃុំអូរបីជាន់ស្រុក អូរជ្រៅខេត្តបន្ទាយមានជ័យលោកបានស្នើសុំឲ្យគណៈកម្មាធិការព្រំដែនខ្មែរ ថៃចុះត្រួតពិនិត្យបង្គោលឡាក់៤៣ត្រង់កន្លែងពលរដ្ឋថៃភ្ជួររាស់ដីធ្វើស្រែដែលសកម្មភាពនេះត្រូវពលរដ្ឋខ្មែរជាប់ព្រំដែនអះអាងថាបំពានចូលក្នុងទឹកដីខ្មែរ។បើតាមការអះអាងពីប្រជាពលរដ្ឋបានឱ្យដឹងថាដីជាច្រើនហិកតានៅចំណុចបង្គោលឡាក់លេខ ៤៣នេះប្រជាពលរដ្ឋថៃបានចូលមកភ្ជួររាស់ដីធ្វើស្រែចំការ ដោយមិនឃើញមានអាជ្ញាធរនិងសមត្ថកិច្ចខ្មែរណាចុះទៅពិនិត្យឬហាមឃាត់អ្វីនោះឡើយ។លោកសុខសំណាងអាយុ ៤១ឆ្នាំជាប្រជាពលរដ្ឋខ្មែររស់នៅព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យបានឲ្យដឹង ថា
ក្រោយឃើញពលរដ្ឋថៃធ្វើសកម្មភាពភ្ជួររាស់ចូលដីខ្មែរ ដោយមិនមានការហាមឃាត់ពីអាជ្ញាធររបស់ខ្មែរបែបនេះធ្វើឲ្យលោកឈឺចាប់ខ្លាំងណាស់។ប្រសិនបើប្រជាពលរដ្ឋខ្មែរចូលទៅក្នុងដីថៃវិញនឹងត្រូវគេចុះចាប់ឃាត់ឬក៏ចាប់យកទៅសួរនាំភ្លាមៗ។ក្នុងនាមពលរដ្ឋខ្មែរ ខ្ញុំស្រលាញ់ទឹកដីរបស់
ខ្លួនឯងខ្ញុំសំណូមពរដល់មន្ត្រីគណៈកម្មាធិការព្រំដែនខ្មែរ ថៃមេត្តាត្រួតពិនិត្យឲ្យបានរួសរាន់នៅត្រង់ចំណុចបង្គោលឡាក់ ៤៣ស្ថិតនៅភូមិព្រៃចាន់ឃុំអូរបីជាន់ ស្រុកអូរជ្រៅខេត្តបន្ទាយមានជ័យ។លោកក៏បានឲ្យដឹងទៀតថា គាត់បានរស់នៅទីនោះអស់រយៈពេលជាង១០ឆ្នាំមកហើយ តែងតែឃើញប្រពលរដ្ឋថៃមកប្រកបមុខរបកសិកម្មធ្វើស្រែនៅដីខ្មែរនេះ។ខ្ញុំមានការឈឺចាប់ខ្លាំងណាស់គាត់សង្ឃឹមថាគណៈកម្មាធិការព្រំដែនទាំងពីរមេត្តាត្រួតពិនិត្យរឿងនេះឲ្យបានល្អិតល្អន់ឡើងវិញដើម្បីបញ្ជៀសរាលបញ្ហាកើតមានឡើងរវាងប្រទេសទាំងពីរ៕
