ខេត្តបន្ទាយមានជ័យ
នៅព្រឹកថ្ងៃទី១០ខែកក្កដាឆ្នាំ២០១៥នៅវត្តអូរស្ងួត នៅក្នុងភូមិអូរស្ងួត ឃុំអូរប្រាសាទ ស្រុកមង្គលបូរី ខេត្តបន្ទាយមានជ័យបានធ្វើពិធីបិទប្រកាសផ្សាយជាសាធារណះនូវឯកសារនៃការវិនិច្ឆ័យលើការចុះបញ្ជីដីធ្លីចំនួន៣ភូមិ១ភូមិអូរស្ងួត២ភូមិរ៉ាចំការចេក ៣ភូមិរោងការប៉ៅដែលមានក្បាលដីមានចំនួន១៨១២ក្បាលដីក្នុងឃុំអូរប្រាសាទ។ពិធីនេះមានការចូលរួម លោកអ៊ុំរាត្រីអភិបាលរងខេត្តបម្ទាយមានជ័យ លោកលីសារីប្រធានមន្ទីររៀបចំដែនដីនគរូបនីយកម្មនិងសំណង់ខេត្តបន្ទាយជ័យលោកឡុងពុន អភិបាលស្រុកមង្គលបូរីប្រជាពលរដ្ឋនិងមន្ត្រីអ្នកមុខអ្នកការជាច្រើននាក់ទៀត។លោកលីសារីបានមានប្រសាសន៍ក្នុងពិធីនោះថាក្រុមការងារចុះបញ្ជីដីធ្លីទាំងអស់ក្នុងថ្ងៃនេះក្រុមការងារបានធ្វើពិធីប្រកាសបិទផ្សាយជាសាធារណះនូវ
ឯកសារនៃការវិនិច្ឆ័យលើការចុះបញ្ជីដីធ្លីនាពេលនេះ។លោកបានបន្តថាភូមិអូរស្ងួតមានក្បាលដីសរុបមានចំនួន៥១៥ក្បាលដីភូមិរ៉ាចំការចេកសរុបក្បាលដី៥៥៨ក្បាលដីនិងភូមិរូងមានក្បាលដីសរុប៧៣៩ក្បាលដី ការបិទផ្សាយជាសាធារណះនូវឯកសារនៃការវិនិឆ្ច័យនេះមានរយះពេល៣០ថ្ងៃចាប់ពីថ្ងៃទី១០ខែកក្កដាឆ្នាំ២០១៥រហូតដល់ថ្ងៃទី៨ខែសីហាឆ្នាំ២០១៥រាប់បញ្ចូលទាំងថ្ងៃ
ឈប់សំរាកផង។លោកបានបន្តទៀតថារយះពេល៣០ថ្ងៃនេះជាពេលវេលាកំណត់ចុងក្រោយសម្រាប់អ្នកកាន់កាប់ដីនិងអង្គភាពពាក់ពន្ធទាំងអស់ត្រូវពិនិត្យទិន្នន័យដើម្បីបញ្ជាក់ថាក្បាលដីរបស់លោកអ្នកពិតជាត្រឹមត្រូវពិតរឺយ៉ាងណាប្រសិនបើមានកំហុសឆ្គងដោយប្រការណាមួយដូចជាខុសឈ្មោះថ្ងៃខែឆ្នាំកំណើត អាយុ ភេទ ទំហំដីនិងប្រភេទទ្រព្យជាដើមម្ចាស់ដីត្រូវធ្វើការស្នើសុំកែតម្រូវក្នុងកំលុងពេល៣០ថ្ងៃក្រោយពីការបិទផ្សាយជាស្ថាពរហើយមិនអាចធ្វើការតវ៉ាបានទៀតនោះឡើយ។លោកអ៊ុំរាត្រីក៏បានមានប្រសាសន៍ដែរថាលោកបានសរសើដល់ក្រុមការងារចុះបញ្ជីដីធ្លីទាំងអស់ក្នុងការយកចិត្តទុកដាក់ក្នុងពិធីប្រកាសបិទផ្សាយជាសាធារណះនូងឯកសារនៃការចុះបញ្ជីដីធ្លីកន្លងមកនេះ។លោកបានបន្តទៀតថារយះពេលកន្លងមកសម្តេចតេជោ ហ៊ុនសែបានជំរុញការអនុវត្តប្រកបដោយប្រសិទ្ធភាពនូវរាល់ការធ្វើកំណែទរង់សីុជំរៅលើវិស័យដីធ្លីដោយរាជរដ្ឋាភិបាលបានដាក់ចេញនូវបទបញ្ជាលេខ០១ ប បចុះថ្ងៃទី៧ខែឧសភាឆ្នាំ២០១២ស្តីពីការពង្រឹងនិងបង្កើនប្រសិទ្ធភាពនៃការគ្រប់គ្រងសម្បទានដីសេដ្ឋកិច្ចហើយបានបង្កើតចេញនូវយុទ្ធនាការវាស់វែងដីធ្លីដើម្បីផ្តល់កម្មសិទ្ធជូនដល់ប្រជាពលរដ្ឋដែលជាគោលនយោបាយចាស់សកម្មភាពថ្មីលើវិស័យដីធ្លី៕
