ខេត្តបន្ទាយមានជ័យ
កម្លាំងនគរបាលស្រុកស្វាយចេកបានសហការណ៍គ្នាជាមួយនិងកំលាំងនគរបាលក្រុងសិរីសោភ័ណបានចុះស្រាវជ្រាវរហូតឈានដល់ការឃាត់ខ្លួនជនសង្ស័យចែកចាយនិងប្រើប្រាស់គ្រឿងញៀនបានចំនួន៩នាក់នៅថ្ងៃទី១០ខែកក្កដា ឆ្នាំ២០១៥នេះក្រោយពីជនសង្ស័យម្នាក់ត្រូវបានចាប់ខ្លួននៅស្រុកស្វាយចេករួចនគបាលបានបន្តទៅចាប់អ្នកជក់និងអ្នកចែកចាយគ្រឿងញបានចំនួន៨នាក់ថែមបន្តទៀត។
លោកឧត្តមសេនីយ៏ត្រីអាត់ខែមស្នងការនគបាលខេត្តបន្ទាយមានជ័យបានឲ្យដឹងថាដោយមានបទបញ្ជាពីថ្នាក់លើបានដាក់បញ្ជាយ៉ាងតឹងរឹងដល់នគបាលនៅក្នុងខេត្តទាំងអស់ត្រូវចុះបង្ក្រាបគ្រឿងញៀននៅក្នុងខេត្តរបស់ខ្លួនឲ្យអស់ដើម្បីការពារសន្តិសុខជូនប្រជាពលរដ្ឋនៅក្នុងភូមិឃុំរបស់ឲ្យបានសុខសាន្ត។ជាក់ស្តែងនៅថ្ងៃទី១០នេះកលាំងនគបាលក្រុងសិរី
សោភ័ណបានសហការណ៍គ្នាជាមួយកំលាំងនគបាលស្រុកស្វាយចេកចុះចាប់ខ្លួនជនសង្ស័យបានចំនួន៩នាក់ហើយបានដកហូតថ្នាំញៀន២កញ្ចប់និងម៉ូតូ៥គ្រឿងគោយន្តច្នៃ ១គ្រឿងទូរស័ព្ទដៃ១១គ្រឿងនិងសម្ភារៈសម្រាប់ជក់មួយចំនួនទៀត។លោកអាត់ខែមបានបន្តទៀតថាសម្រាប់ជនសង្ស័យទាំង៩នាក់ មានម្នាក់ជាមុខសញ្ញាចែកចាយគ្រឿងញៀន និង៨នាក់ជាអ្នកប្រើប្រាស់។ក្រោយពីនគបាលសួនាំជនសង្ស័យទាំង៩នាក់នោះរួចមកពួកគេបានឆ្លើយសារភាពថាខ្លួនពិតជាបានជក់និងលក់គ្រឿងញៀនពិតប្រាកដដូចការចោទរបស់សមិត្តកិច្ចពិតប្រកដម៉ែនដោយសារតែមានភស្តុតាងនិងជនសង្ស័យបានឆ្លើយសារភាពទៀតនោះសមិត្តកិច្ចបានកសាងសំនុំរឿងបញ្ជូនទៅតុលាការដើម្បីចាត់វិធានការតាមផ្លូវច្បាប់៕
