កំពង់ធំ= ហេតុការណ៍ គ្រោះថ្នាក់ចរាចរណ៍ មួយបានកើតឡើងនៅលើកំណាត់ផ្លូវជាតិលេខ ០៦ ក្នុងទឹកដីខេត្តកំពង់ធំត្រង់ចំនុចភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ រវាងរថយន្ដ កាមរីហើមពណ៍ស្លែបុកគ្នាជាមួយម៉ូតូវែវ អាលហ្វាពណ៍ខ្មៅ ។
បើតាមប្រភពពត័មានពីរប្រជាពលរដ្ន បានអោយដឹងថាមុខពេលកើត ហេតុ គេឃើញ រថយន្ដកាមរីហើម ពណ៍ស្លែរធ្វើដំណើរពីជើងទៅត្បូង មកដល់ចំនុចកើតហេតុ ក៏បានបត់ធ្វេង ចូលកន្លែងកាត់សក់នៅមុខ រដ្នបាលព្រៃឈើស្ទោង ជិតផុតទៅហើយ ស្រាប់តែ មានម៉ូតូវែវ អាលហ្វា ជិះគ្នា៣នាក់ធ្វើដំណើរពីត្បូងមកជើង មកដល់ចំនុចកើតហេតុក៏បុក រថយន្ដកាមរីនេះចំពីរក្រោយនៃរថយន្ដពេញទំហឹងតែម្ដង ។
រថយន្ដកាមរីពាក់ផ្លាកលេខ កំពង់ធំ ២អា ០៦៥៨ បើកបរដោយម្ចាស់ឈ្មោះ អ៊ាត សាវឿន ភេទប្រុស អាយុ ៥០ឆ្នាំ រស់នៅភូមិ ដំរីជាន់ខ្លា ឃុំដំរីជាន់ខ្លា ក្រុងស្ទឹងសែន ខេត្តកំពង់ធំ ត្រូវបានរត់កិចខ្លួន ក្រោយពេលបុកគ្នារួចឃើញសភាពធ្ងន់ធ្ងរ ចំណែកម៉ូតូ វែវ អាលហ្វា ពណ៍ខ្មៅ ពាក់ផ្លាក់លេខ កំពង់ឆ្នាំង ១អា ៦៥៩២ អ្នកបើកបរម៉ូតូ ឈ្មោះ លន់ សុខុម អាយុ ៤១ឆ្នាំ រស់នៅភូមិ កំពង់ធំ សង្កាត់កំពង់ធំ ក្រុងស្ទឹងសែន បានរងរបួស ធ្ងន់សន្លប់នៅពេទ្យ អ្នករួមដំណើរឈ្មោះ ជា សោភ័ណ្ឌ ភេទប្រុស អាយុ ៣៧ឆ្នាំ រស់នៅភូមិ រការ ឃុំស្រយ៉ូវ ក្រុងស្ទឹងសែន ខេត្តកំពង់ធំ របួសស្រាល និងម្នាកទៀត ឈ្មោះ ឌុល រស្មី ភេទប្រុស អាយុ ២៧ឆ្នាំ រស់នៅភូមិមានជ័យ ឃុំមានជ័យ ស្រុក សណ្ដាន ខេត្តកំពង់ធំ របួសស្រាល ។
ក្រោយ ពីសមត្ថកិច្ចនគរបាលស្រុកកំពង់ស្វាយ ធ្វើការវាស់វែងរួចក៏បញ្ចូនទាំងរថយន្ដទាំងម៉ូតូទៅរក្សាទុក នៅស្នងការដ្ឋាន នគរបាលស្រុក កំពង់ស្វាយ រងចាំដោះស្រាយគ្នាតាមច្បាប់ ចំណែក អ្នករបួសបញ្ចូនទៅមន្ទីរពេទ្យ៕ប៊ុន រិទ្ធី
