សៀមរាប : លោកវរសេនីយ៍ទោ ទិត្យ ណារ៉ុង អធិការនគរបាលក្រុងសៀមរាបបានផ្តល់កិច្ចសម្ភាស៍ដល់អ្នកយកព័ត៍មានកាលពីរសៀលថ្ងៃទី១១ ខែ កក្តដា ឆ្នាំ ២០១៥ ពាក់ព័ន្ធនិងលិខិតអាណាមឹកដែលបានបោះកាលពីថ្ងៃទី ០៧ ខែ កក្តដា ឆ្នាំ ២០១៥ កន្លងទៅ ក្នុងបរិវេណស្នងការដ្ឋាននគរបាលខេត្តសៀមរាប ដែលមានខ្លឹមសារក្នុងលិខិតនោះបានសរសេរ ចោទប្រកាន់ទៅលើរូបលោកថា ការរៀបចំ ដំឡើងឋានះ តួនាទីមន្ត្រីក្នុងអង្គភាព ដំឡើងតែបក្ខពួកខ្លួន និងបានសរសេរថាលោកអធិការនគរបាលក្រុងសៀមរាបបានប្រើ លោក ម៉ុក បូរ៉ា ជាមន្ត្រីដើរយកលុយតាមបនល្បែងខុសច្បាប់ និង កន្លែងម៉ាស្សាក្នុងក្រុងសៀមរាប ។
ពាក់ព័ន្ធនិងបញ្ហាខាងលើនេះអធិការនគរបាលក្រុងសៀមរាបបានធ្វើការឆ្លើយបំភ្លឺថា ការរៀបចំដំឡើងឋានះ តួនាទីមន្ត្រីក្នុងអង្គភាព កន្លងមកគឺលោកបានទទួលការណែនាំពីលោកស្នងការ និង លោក ប្រធានការិយាល័យបុគ្គលិកច្បាស់លាស់ណាស់គឺមិនអាចដំឡើងឋានះ តួនាទីមន្ត្រីក្នុងអង្គភាពតាមតែចិត្តឯងបាននោះទេ ។ កន្លងមកការស្នើសុំដំឡើងឋានះ តួនាទីមន្ត្រីក្នុងអង្គភាពមានចំនួន ៥ លើក មកហើយពុំដែលមានបញ្ហាអ្វីឡើយ ទើបតែចុងក្រោយនេះលោកអធិការបានទទួលផែនការពីលោកប្រធានការិយាល័យបុគ្គលិកអោយលោកអធិការពិនិត្យមើលមន្ត្រីណា មានសមត្ថភាពដើម្បីជំនួសលោកអនុសេនីយ៍ឯក ជឹម ម៉ារា នាយផ្នែកព្រហ្មទណ្ឌនៃអធិការដ្ឋាននគរបាលក្រុងសៀមរាបដែលត្រូវចូលនិវត្តន៍ ក្រោយមកលោកអធិការបាន
ពិនិត្យឃើញថាលោកអនុផ្នែកមិនអាចឡើងជំនួសលោកប្រធានផ្នែកបានទេ ទើបលោកអធិការបានអោយអទិភាពទៅលោកអធិការរងទទួលបន្ទុកពិនិត្យមើលមន្ត្រីក្នុងផ្នែករបស់ខ្លួនក្រោយមកបានឯកភាពដកលោកអនុផ្នែកបច្ចេកទេសវិទ្យាសាស្ត្រមកទទួលជាប្រធានផ្នែកព្រហ្មទណ្ឌហើយបានអោយលោក ម៉ុក បូរ៉ា មកជំនួសលោកអនុផ្នែកបច្ចេកទេសវិទ្យាសាស្ត្រវិញ ។ លោកវរសេនីយ៍ទោ ទិត្យ ណារ៉ុង អធិការនគរបាលក្រុងសៀមរាបបានឆ្លើយបំភ្លឺបន្តពាក់ព័ន្ធនិងបញ្ហាចោទទៅលើរូបលោកថា លោកបានអោយមន្ត្រីក្រោមឱវាទដែលមាន ឈ្មោះ ម៉ុក បូរ៉ាដើរយកលុយតាមវង់ល្បែង និងកន្លែងម៉ាស្សានោះ គឺលោកសូមបដិសេធទាំងស្រុង ។ ដោយលោកអធិការនិងរងចាំឆ្លើយបំភ្លឺបន្ថែមទៀតពេលដែលក្រុមការងាររបស់ស្នងការដ្ឋាននគរបាលខេត្តចុះមកត្រួតពិនិត្យផ្ទាល់នូវក្នុងអង្គភាពរបស់លោកពេលក្រោយ ៕ លោក ខេង ខេមរា
