(ឧត្តរមានជ័យ)កាលពីវេលាម៉ោង៨និង២០នាទីព្រឹកថ្ងៃទី១២ ខែកក្កដា ឆ្នាំ២០១៥ ទីបញ្ជាការកងពលតូចអន្តរាគមន៍លេខ៦ នៃកងពលធំអន្តរាគមន៍លេខ២បានធ្វើពិធីដាំកូនឈើ ចំនួន១០៨០ដើមនៅក្នុងផ្ទៃដីចំនួន១ហិចតា។ពិធីដាំកូនឈើនេះដើម្បីរំលឹកនៅទិវាដាំកូនឈើ កាលពីថ្ងៃទី៩ ខែកក្កដា កន្លងមក។ឯកឧត្តមឈុំ ខេងមេបញ្ជាការកងពលតូចអន្តរាគមន៍លេខ៦បានដឹកនាំមេបញ្ជាការ មេបញ្ជាការរងនិងពលទាហានទាំងអស់។ក្នុងឱកាសនោះដែរ ឯកឧត្តមឈុំ ខេង បានណែនាំគ្រួសារកងទ័ពទាំងអស់ដែលបានទទួលដីចំការក្នុងមួយគ្រួសារ២
ហិចតា ដែលជាអំណោយរបស់សម្តេចតេជោ ហ៊ុន សែន ហើយកងពលតូចអន្តរាគមន៍លេខ៦ សូមកុំអោយដីនៅទំនេរ ត្រូវនាំគ្នាដាំដើមឈើមានប្រយោជន៍គ្រប់ប្រភេទ កុំទុកដីទំនេរចោលត្រូវតែដាំអោយពេញដី៕
