ខេត្តបន្ទាយមានជ័យ
លោកឧត្តមសេនីយ៍ត្រី ឱបូរិន្ទមេបញ្ជាការកងរាជអាវុធហត្ថខេត្តបន្ទាយមានជ័យបានឱ្យដឹងនៅរសៀលថ្ងៃទី១១ ខែកក្កដានេះថាយោងតាមពាក្យបណ្ដឹងចុះថ្ងៃទី៩ ខែកក្កដា ឆ្នាំ២០១៥ របស់ជនរងគ្រោះឈ្មោះ រុំរ៉េតភេទប្រុសអាយុ ១៧ឆ្នាំមានទីលំនៅភូមិ ប៉ោយប៉ែត សង្កាត់ និងក្រុង ប៉ោយប៉ែត ខេត្តបន្ទាយមានជ័យ។ បានប្ដឹងទៅលើជនសង្ស័យចំនួន២នាក់ទី១ ឈ្មោះ ដេនដន ភេទប្រុសអាយុ២៨ឆ្នាំមានស្រុកកំណើតនៅជំរំសាយអេចព្រំដែនកម្ពុជាថៃបច្ចុប្បន្ន ស្នាក់នៅបណ្ដោះបន្ទប់ជួលក្នុងភូមិ ប៉ោយប៉ែតសង្កាត់និងក្រុង ប៉ោយប៉ែត ខេត្តបន្ទាយមានជ័យ។ និងទី២ ឈ្មោះ កែវ ណារៀមភេទប្រុស អាយុ២៥ឆ្នាំមានស្រុកកំណើតនៅ
ជំរុំសាយធូ ព្រំដែនកម្ពុជា ថៃបច្ចុប្បន្ន ស្នាក់បណ្ដោះអាសន្ន នៅបន្ទប់ជួលក្នុងភូមិក្បាលកោះសង្កាត់និងក្រុងប៉ោយប៉ែតខេត្តបន្ទាយមានជ័យ។ក្រោយពីលោកបានទទួលពាក្យបណ្តឹងហើយលោកបានបញ្ជាឲ្យកូនចៅក្រោនឨវ៉ាតចុះធ្វើការឃាត់ខ្លួនជនសង្ស័យបានទាំង២នា់តែម្តងចាប់អំពីករណីបទប្រើអំពើហឹ ង្សាដោយចេតនាមានស្ថានទម្ងន់ទោសដែលប្រព្រឹត្តនៅវេលាម៉ោង១២យប់ ថ្ងៃទី៩ ខែកក្កដាឆ្នាំ ២០១៥ នៅចំណុចភូមិ ប៉ោយប៉ែត សង្កាត់និងក្រុងប៉ោយប៉ែត ខេត្តបន្ទាយមានជ័យ។
លោកអនុសេនីយ៍ឯកជាដាមេបញ្ជាការ អាវុធហត្ថមូលដ្ឋានក្រុងប៉ោយប៉ែតបានប្រាប់ឱ្យដឹងថាការចុះប្រតិបត្តិការឃាត់ខ្លួនជន សង្ស័យបានចំនួន២នាក់មកកាន់មូលដ្ឋានអាវុហត្ថក្រុងដើម្បីធ្វើការសាកសួរ។តាមការស្ដាប់ចម្លើយរបស់ជនរងគ្រោះបានឲ្យដឹងថារូបគេមិនធ្លាប់ស្គាល់ជនសង្ស័យទាំង២នាក់នោះទេហើយក៏មិនធ្លាប់មានគំនុំអ្វីទាំងអស់ស្រាប់តែនៅវេលាម៉ោង១២និង៣០នាទី ថ្ងៃទី៩ ខែកក្កដា ឆ្នាំ២០១៥ជនរងគ្រោះកំពុងអង្គុយលេងនៅវាលស្មៅកាស៊ីណូផ្កាយ៥ហើយមិត្តភក្តិរបស់គេឈ្មោះផល ភេទប្រុសបានពឹងពាក់ឲ្យជូនមនុស្សស្រីពីរនាក់ត្រឡប់ទៅផ្ទះវិញពេលនោះជនរងគ្រោះក៏បានជិ:ម៉ូតូដឹកមនុស្សស្រីពីរនាក់នោះទៅផ្ទះវិញ ពេលទៅដល់ផ្ទះស្រាប់តែជួបនិងជនសង្ស័យពីរនាក់គឺមានឈ្មោះដូចខាងលើ ហើយជនសង្ស័យបានព្រួតគ្នា វាយទៅលើជនរងគ្រោះដោយប្រើដៃនិងកាច់កញ្ចក់ម៉ូតូរបស់ជនរងគ្រោះវាយទៅលើជនរងគ្រោះត្រូវចំពីលើក្បាលចំហៀងខាងឆ្វេងបណ្ដាលឲ្យរងរបួសបែកក្បាលហូរឈាមសន្លប់នៅនឹងកន្លែង។ក្រោយពីសមត្ថកិច្ច ធ្វើការសាកសួរលើជនសង្ស័យៗ បានឆ្លើយសារភាពថាពួកគេពិតជាបានប្រព្រឹត្តអំពើហិង្សា ទៅលើជនរងគ្រោះពិតប្រាកដមែនអាវុធហត្ថខេត្តបន្ទាយមានជ័យកំពុងកសាងសំណុំរឿងបញ្ជូនជនសង្ស័យទាំង២នាក់ទៅកាន់សាលាដំបូងខេត្តដើម្បីចាត់ការតាមនីតិវិធីច្បាប់៕
