កំពង់ឆ្នាំង៖ ប្រជាពលរដ្ឋសុំឲ្យលោកស្នងការនិងលោកអភិបាលខេត្តកំពង់ឆ្នាំង ពិនិត្យមើល លោកអធិការ រងនគរបាលស្រុកជលគីរីម្នាក់ ញៀនល្បែង រហូតភ្លេចគិចសេចក្ដីថ្លៃថ្នូរ លេងល្បែង ស៊ីសង នៅនឹងកន្លែងដែលខ្លួនដាក់កុងត្រូលត្រួតពិនិត្យចរាចរ ជារៀងរាល់ថ្ងៃដែលធ្វើ
ឲ្យសាធារណ ជនស្អប់ខ្ពើម និងរិះគន់ថា ជំរិតយកលុយម៉ូតូ រថយន្ត ហើយមកលេងល្បែងស៊ីសង បំពេញការ ញៀនរបស់ខ្លួន ដែលទង្វើនេះ បានបំផ្លាញកិត្តិយសនិងសេចក្ដីថ្លៃថ្នូរ កងកំលាំងនគរបានជាតិ។
ប្រភពពីប្រជាពលរដ្ឋនិងមន្ត្រីប៉ូលីសដែលស្អប់ខ្ពើមទង្វើរបស់លោកអធិការញៀនល្បែង ស៊ី សងនេះ បានផ្ដល់ឲ្យអ្នកសារព័ត៌មានដឹងថា លោកអធិការរងញៀនល្បែងបៀរនេះ ឈ្មោះទីប៉ាក់ មានតារា ហៅមនោ ពាក់ស័ក្ដ៤ ទទួលផ្នែកចរាចរ ហើយបានដាក់កុងត្រូល ជារៀងរាល់ថ្ងៃនៅ ក្បាលថ្នល់ទំនប់តាកុយ ដែលជាច្រកបំពង់កផ្លូវគោក របស់ស្រុកជលគីរី តែមួយគត់ចេញផ្លូវជាតិ លេខ៦ ក្នុងស្រុកបាធាយនិងស្រុក ជើងព្រៃខេត្តកំពង់ចាម ហើយវង់ល្បែងបៀរ គឺលេងរាល់ថ្ងៃ តាំង ថ្ងៃចូលឆ្នាំខ្មែរមក។
ប្រភពនេះបានបន្តឲ្យដឹងថា វង់ល្បែងបៀររបស់លោកអធិការ រង ទីប៉ាក់មានតារា ហៅមនោ នេះមានមនុស្សកាន់តែច្រើនឡើងៗដោយសារតែឥទ្ធិពលរបស់លោកអធិការ រងគ្មាននណាហ៊ាន ទៅបង្ក្រាបឬទៅរំខាន ហើយបច្ចុប្បន្នល្បែងស៊ីសង នៅទីរួមស្រុកជលគីរីមានកាន់តែច្រើនឡើង ជាមួយគ្នានឹងសមត្ថកិច្ចប៉ូលីសស្រុកជលគីរីមានចំណាត់ការទប់ស្កាត់ជាបន្តបន្ទាប់ លើកលែងតែ វង់ល្បែងរបស់លោកអធិការរងនៅកន្លែងដាក់កុងត្រូលនេះ។
លោក នុត ឡៃ នាយប៉ុស្តិ៍នគរបាលរដ្ឋបាលឃុំព្រៃគ្រី បាននិយាយឲ្យដឹងថា លោកបាន ទៅ ហាមជាច្រើនដងហើយ នៅវង់ល្បែងលោកអធិការ រងរូបនោះ ប៉ុន្តែគេមិនស្ដាប់។
លោស័ក្ដ៤ ទីប៉ាក់ មានតារា ហៅមនោ បាននិយាយតាមទូរស័ព្ទមកកាន់ អ្នកសារព័ត៌មានថា គឺលោកប្រចាំការនៅគោលដៅក្បាលថ្នល់ទំនប់តាកុយនេះដូច្នេះលោកលេង ល្បែងបៀរនេះ គ្រាន់ ជាការប្រមូលផ្ដុំកំលាំង ហើយក៏លោកលេងមិនធំដុំនោះទេ។
ចំណែកលោកយិន សាវ៉េន អភិបាលស្រុកនិងជាមេគណបញ្ជាការឯកភាពស្រុកជលគីរី បានប្រាប់អ្នកសារព័ត៌មានថា លោកមិនបានដឹងរឿងនេះទេពីមុនមក ហើយបើមានរឿងដូច្នេះមែន វារឿងខុសច្បាប់ រង់ចាំលោកហៅមកសាកសួរ។
ចំណែកប្រជាពលរដ្ឋ និងមន្ត្រីប៉ូលីសខ្លះដែលមើលឃើញទង្វើអាក្រក់និងពុំស័ក្ដសម ជាកង កំលាំងនគរបាលជាតិនេះ បានសុំណូមពរឲ្យសារព័ត៌មានជួយឆ្លុះបញ្ចាំងជូនដល់លោកឧត្ដមសេនី យ៍ត្រី ប្រាក់ វុទ្ធី ស្នងការនគរបាលខេត្តនិងឯកឧត្ដម ឈួរ ចាន់ឌឿន អភិបាលខេត្តកំពង់ឆ្នាំង ដែល ជាមេបញ្ជាការឯកភាពខេត្ត មេត្តាពិនិត្យមើលគោលនយោបាយភូមិឃុំមានសុវត្ថភាព របស់រាជរដ្ឋា ភិបាល នៅស្រុកជសលគីរីផង សូមឲ្យអនុវត្តស្មើរភាពគ្នា ចំពោះមុខច្បាប់ ទើបប្រជាពលរដ្ឋមានជំ នឿ ហើយទង្វើអាក្រក់របស់លោកអធិការរង ទីប៉ាក់ មានតារា ហៅមនោនេះ មិនគួរទុកនាំអាប់កិត្តិ យស របស់កងកំលាំងនគរបាលជាតិនោះទេ ។
ព័ត៌មានចុងក្រោយដែលអ្នកសារព័ត៌មានយើងទទួលបាន គឺវង់ល្បែងស៊ីសង នៅកន្លែងដាក់ កុងត្រូលក្បាលថ្នល់ទំនប់តាកុយ ស្រុកជលគីរីនេះ បានផ្អាកហើយ បន្ទាប់ពីអ្នកសារព័ត៌មានចូល ថត ដោយមានការរារាំងពីអ្នកញៀនល្បែងនៅវង់ល្បែងនោះ៕
