ខេត្តបន្ទាយមានជ័យ ៖ ជនសង្ស័យចំនួន៥នាក់ប្រព្រឹត្តិបទល្មើសផ្សេងពីគ្នាត្រូវបាននគបាលការិយាល័យព្រហ្មទណ្ឌ័កំរិតស្រាលឃាត់ខ្លួននៅព្រឹកថ្ងៃទី១៣ខែកក្កដាឆ្នាំ២០១៥ទៅសាលាដំបូងខេត្តបន្ទាយមានជ័យ ដើម្បីចាត់ការតាមនីតិវិធីច្បាប់ ។ លោកវរសេនីយ៍ត្រីម៉ុលសុភេទ
នាយការិយាល័យនគរបាលព្រហ្មទណ្ឌកំរិតស្រាលបានឲ្យដឹងថា៖ករណីទី១-មានក្មេងស្ទាវ១ក្រុមមានគ្នីគ្នាចំនួន៥នាក់ កាលពីវេលាម៉ោង១១និង៣០នាទីព្រឹកថ្ងៃទី០៩ ខែកក្កដា ឆ្នាំ២០១៥ បានធ្វើសកម្មភាពវាយទៅលើឈ្មោះ ទូច ម៉េងហុង ភេទប្រុស អាយុ១៩ឆ្នាំ នៅភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងបោយប៉ែត ខណៈពេលជិៈម៉ូតូជាមួយមិត្តភ័ក្ត្រម្នាក់ទៀត បណ្តាលឲ្យរងរបួសនិងដួលខូចម៉ូតូ ។ក្រោយពីទទួលបណ្តឹងនៅវេលាម៉ោង៩និង២៥នាទីព្រឹកថ្ងៃទី១១កម្លាំងនគរបាលក្រុងបានប្រតិបត្តិការបង្ក្រាប ចាប់បានក្មេងបង្កហេតុចំនួន៣នាក់គឺ១-ឈ្មោះ ណន គាង ភេទប្រុស អាយុ១៦ឆ្នាំ នៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត,២-ឈ្មោះ កុល សុវណ្ណ ភេទប្រុស អាយុ១៧ឆ្នាំ នៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត,៣-ឈ្មោះ ចាន់ ស៊ាវហុង ភេទប្រុស អាយុ១៦ឆ្នាំ នៅភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត ។ករណីទី២ មានឈ្មោះ មុយ ទុំ ភេទប្រុស អាយុ៤៥ឆ្នាំ នៅភូមិចំណោមកើត ឃុំចំណោម ស្រុកមង្គលបូរី នៅវេលាម៉ោង១រសៀល ថ្ងៃទី១០ ខែកក្កដា ឆ្នាំ២០១៥ បានប្រើហឹង្សាវាយទៅលើប្រពន្ធរបស់ខ្លួនឈ្មោះ ឡុច ចាន់ឌី អាយុ៤០ឆ្នាំ បណ្តាលឲ្យរងរបួសក្បាល បែកខ្ទង់ច្រមុះ មុខនឹងដងខ្លួននិង បន្ទាប់បានប្តឹងនគរបាលប៉ុស្តិ៍ចំណោមឲ្យចាប់ឃាត់ខ្លួន ។ករណីទី៣ គឺវេលាម៉ោង១១និង៣០នាទីថ្ងៃទី១១ ខែកក្កដា ឆ្នាំ២០១៥ ជនសង្ស័យម្នាក់ឈ្មោះ តូ យ៉ាងថាំង ភេទប្រុស អាយុ៣៧ឆ្នាំ ជាជនជាតិវៀតណាម ស្នាក់នៅភូមិក្បាលស្ពាន សង្កាត់ព្រះ ពន្លា ក្រុងសិរីសោភ័ណ ត្រូវកម្លាំងនគរបាលក្រុងសិរីសោភ័ណចាប់ឃាត់ខ្លួនពីបទប៉ុនប៉ងក្នុងអំពើលួច ។លោកវរសេនីយ៍ឯក សិទ្ធ ឡោះ ស្នងការរង ទទួលបន្ទុកប្រធានការិយាល័យកណ្តាលនគរបាលព្រហ្មទណ្ឌបានរៀបចំសំណុំរឿងបញ្ជូនជនសង្ស័យទាំង៥នាក់ទៅសាលាដំបូងខេត្តបន្ទាយមានជ័យនៅព្រឹកថ្ងៃទី១៣ ខែកក្កដា ឆ្នាំ២០១៥ ដើម្បីចាត់ការតាមនីតិវិធីច្បាប់ហើយផងដែរ ៕
