ស្ទឹងត្រែង៖ ផ្ទះថ្មដែល ប្រជាពលរដ្ឋចំនួន១១១គ្រួសារ ចាប់ឆ្នោតយកនិង នាំគ្នាមករស់នៅ ត្រូវបានពួកគាត់ចោទប្រកាន់ទៅលើអ្នកម៉ាវការថា សាងសង់គ្មានគុណភាពដោយផ្ទះ នៅមួយចំនួនត្រូវស្តុតប្រេះស្រាំខូចទាំងថ្មី ហើយស្មើសុំឲ្យក្រុមហ៊ុនជួសជុលឡើងវិញ។
នៅថ្ងៃទី១៣កក្កដាឆ្មាំ២០១៥នេះ លោកស្រី ពីងនិមល តំណាងឲ្យប្រជាពលរដ្ឋមក នៅផ្ទះថ្មីនៅភូមិច្រប់ឃុំក្បាល់រមាសស្រុកសេសានខេត្តស្ទឹងត្រែង បានអាះអាងប្រាប់ក្រុមការងារដោះស្រាយផលប៉ះពាល់ថា ផ្ទះនេះ ជាងធ្វើគ្មានគុណភាព ធ្វើឲ្យប្រជាពលរដ្ឋ មករស់នៅខកចិត្ត និងបាត់បង់ក្តីសង្ឃឹមដោយសាតែវាផ្ទះខ្លះស្រុតខូចទាំងថ្មីខុសទៅនិងកិច្ចសន្យា ថាធ្វើជូនប្រជាពលរដ្ឋឲ្យល្អនោះ។
លោកស្រីថា៖កំហុសឆ្គងនេះក្រុមហ៊ុនត្រូវតែពិនិត្យមើលពីការសាងសង់នេះផងហើយត្រូវឲ្យជាងធ្វើសងជូនប្រជាពលរដ្ឋវិញ ទើបព្រមទទួលយកផ្ទះ បាតក្រោមអត់ចាក់ឡប់ឡែ ឬក័ក្រាលថ្មឲ្យផងខ្ញំកាប់មើលសុទ្ធតែដីនៅក្រោម ដល់ពេលនោះវាផុសឡើងពរល ទឹកលិចហើយធ្វើឲ្យវាស្រុតខ្ញុំសូមសំណូមពរធ្វើឲ្យស្អាតឲ្យខ្ញុំវិញធ្វើឲ្យល្អធ្វើម៉េចឲ្យខ្ញុំទទួលយកបានពីព្រោះផ្ទះខ្ញុំមិនមែននៅមួយ ឆ្នាំទេខ្ញុំនៅយូរឆ្នាំតកូនតចៅខ្ញុំទៀតបើថាក្រុមហ៊ុនធ្វើឲ្យស្អាតឡើងវិញខ្ញុំអាចទទួលយកបានផ្ទះខ្ញុំមកនៅព្រោះខ្ញុំអត់ដែលចេះប្រឆាំងទេបើក្រុមហ៊ុនធ្វើស្អាតខ្ញុំទទួលយកបើថាក្រុមហ៊ុនធ្វើអត់ស្អាតខ្ញុំក៏អត់ទទួលយកដូចគ្នាហ្នឹង) ។
លោកឈឹមសារឹតហៅ(ប៉ោង)មេការសាងសង់ផ្ទះនេះបានទទួលស្គាល់ថា៖ផ្ទះដែលមានស្នាម បាក់ស្រុតខូចនេះវាមានហេតុផលរបស់វាមិនមែនគ្មានគុណភាពទាំងអស់នោះទេហើយកន្លែងណាខូចនោះក្រុមជាងអ្នកម៉ៅវការនិងធ្វើការជួសជួលសំអាតឡើងវិញពីព្រោះផ្ទះទាំងអស់នេះមិនទាន់ធ្វើពិធីប្រគល់ទទួលនូវឡើយទេ កាលពីរៀបការ៉ូហើយហ្នឹងអត់មានបញ្ហាអីទេដល់ពេលរួចទៅពេលភ្លៀងខ្លាំវាលិចៗហ្នឹងហើយគេយកទ្វារបង្អួចទាំងអស់មកទាំងផ្ទះ១០០ផ្ទះជាងមកសង្កត់ទៅលើវាផុលដីវាអាចស្រុតការ៉ូហ្នឹងវាទម្អន់រាប់តោនវាអាចប្រេះហើយពួកខ្ញុំហ្នឹងកែតម្រូវខ្ញុំកោះធ្វើឲ្យឡើងវិញឲ្យស្ទាតឡើងវិញខ្ញុំទទួលស្គាល់អាបញ្ហាហ្នឹងដល់ពេលប្រជាជនម៉ូគាត់ថាផ្ទះហ្នឹងអត់គុណភាពតាមពិតគាត់អត់បានមកមើលឃើញទ្វាបង្អួចរាប់តោននៅក្នុងហ្នឹងហើយហ្នឹងទឹកលិចផ្ទះហ្នឹងពេលដែលភ្លៀងធំ។
លោក ដួង ពៅ អភិបាលរងខេត្តស្ទឹងត្រែងនិងជាប្រធានក្រុមដោះស្រាយផលប៉ះពាល់ថ្នាក់ខេត្ត មានប្រសាសន៏ ថា ៖ក្រុមដោះស្រាយផលប៉ះពាល់ មិនបណ្តោយកើតមានបែបនោះទេ ផ្ទះណាមានភាពមិនប្រក្រតី ជាងត្រូវតែធ្វើសងពីព្រោះក្រុមការងារ បានចុះមកពិនិត្យជារៀងរាល់ថ្ងៃ ហើយបើមានសំណូមពរពីប្រជាពលរដ្ឋត្រូវដោះស្រាយទៅតាមសន្តិវិធី និងតាមកិច្ចសន្យារវាងជាងនិងក្រុមហ៊ុន។
សូមបញ្ជាក់ថា ប្រជាពលរដ្ឋដែលបានទទួលយកផ្ទះថ្មស្នាក់នៅនេះមានចំនួន១១១ គ្រួសារ យកផ្ទះឈើចំនួន៧គ្រួសារនិងយកថវិការសាងសង់ផ្ទះខ្លួនឯងចំនួន៧០គ្រួសារ ចាកចេញពីតំបន់វិនិយោគវារីអគ្គិសនី ហើយទៅរស់នៅ ភូមិថ្មីនេះមុនគេ៕
