ខេត្តបន្ទាយមានជ័យ ៖ថ្មីៗនេះលោកប៉ាងវណ្ណសេដ្ឋប្រធានពន្ទីរកសិកម្មខេត្តបន្ទាយមានជ័យបានមានប្រសា សន៍ថាក្នុងខេត្តបន្ទាយមានជ័យមានស្រុកនិងក្រុងចំនួន៤កំពុងជួបគ្រោះរាំងស្ងួតនិងប៉ះពាល់កសិផលដំណាំស្រូវចំនួន៤៨,៣២៥ហិតា១ស្រុកមង្គលបូរី២ស្រុក
ព្រះនេត្រព្រះ៣ស្រុកអូជ្រៅនិងក្រុងសិរីសោភ័ណជាក់ស្តែងនៅឃុំអូរប្រាសាទដំណាំស្រូវរបស់ប្រជាពលរដ្ឋកំពុងប្រឈមគ្មានទឹកប្រើប្រាស់ព្រោះទឹកក្នុងប្រឡាយនិងអូរកំពុងរីងស្ងួតហួតហែងនិងស្រូវកំពុងងាប់ជាបណ្តើរៗនៅចំណុចវាលស្រែខាងលិចនិងខាងកើតភូមិ គោគអំពិល អូរប្រាសាទ ពោធិរៀង រូងក្របៅ អូរស្ងួតដែលស្ថិតឃុំអូរប្រាសាទស្រុកមង្គលបូរី។ប្រជាពលរដ្ឋបានសំណូមពរដល់លោក គោស៊ុំ សារឿត អភិបាលខេត្តបន្ទាយមានជ័យនិងមន្ទីរធនធានទឹកនិងឧតុនិយមខេត្តសុំជួយដល់ប្រជាពលរដ្ឋដែលកំពុងខ្វះខាតទឹកប្រើប្រាស់និងទឹកសម្រាប់បូមបញ្ជូលស្រូវកំពុងជួបគ្រោះរាំងស្ងួតនេះផង។លោក ប៉ាង វណ្ណសេដ្ឋ ប្រធានមន្ទីរកសិកម្មខេត្តបន្ទាយមានជ័យបានប្រាប់ថាខេត្តបន្ទាយមានជ័យក្នុងចំណោម៩ស្រុកនិងក្រុងក្នុងឆ្នាំ២០១៥នេះការដាំដុះស្រូវបានចំនួន២២៥,៩៨៩ហិតាហើយមាន៤ស្រុកនិងក្រុងកំពុងប្រឈមជួបគ្រោះរាំងស្ងួតសរុបចំនួន៤៨,៣២៥ហិតាក្នុងនោះមាន១.ស្រុកព្រះនេត្រព្រះ ២.ស្រុកមង្គលបូរី ៣.ស្រុកអូរជ្រៅ ៤.ក្រុងសិរីសោភ័ណ។ លោក យឹម ប៊ុនរ៉ុម ប្រធានមន្ទីរធនធានទឹកនិងឧតុនិយមខេត្តបានប្រាប់ថាក្រោយពេលខេត្តបន្ទាយមានជ័យមានស្រុកនិងក្រុងមួយចំនួនជួបគ្រោះរាំងស្ងួតបណ្តាលឲ្យប្រជាពលរដ្ឋខ្វះខាតទឹកប្រើប្រាស់និងស្រូវបណ្តាលងាប់ជាបណ្តើៗនោះគឺមន្ទីជំនាញបានយកចិត្តទុកដាក់យកម៉ាស៊ីដែលរាជរដ្ឋាភិបាលនិងក្រសួងជួយបានធ្វើសកម្មភាពបូមទឹកសហការជាមួយប្រជាពលរដ្ឋដែលរស់តាមដងស្ទឹងនិងអូរដែលមានទឹកសេសសល់ត្រូវបានមូបសង្គ្រោះជាបណ្តើរៗហើយពិសេសនៅសង្កាត់ព្រះពន្លាជាដើម៕
