បន្ទាយមានជ័យះរឿងអាជ្ញាធរខេត្តបន្ទាយមានជ័យស្នើសុំដោះដូរចំណតរថយន្តតាំងពីសម័យបារាំងទៅនៅទីតាំងថ្មីដែលត្រូវបានប្រជាពលរដ្ឋជាពិសេសក្រុមអ្នករត់តាក់សីុលើកទ្បើងថាដូរចំណត់រថយន្តដែលនៅកណ្តាលក្រុងមានតំលៃថ្លៃដើម្បីបុរីហើយយកទៅដាក់កន្លែងផ្សេងឆ្ងាយនៅឯផ្លូវវាងក្រុងត្រូវបានក្រុម វាពិតជាការពិតដោយក្រុមការងារអគ្គនាយកដ្ឋានរដ្ឋបាល ក្រសួងមហាផ្ទៃបានចុះមកជួបជាមួយអាជ្ញាធរខេត្តនារសៀលថ្ងៃទី15កក្កដា2015ដើម្បីសឹក្សាស្រាវជ្រាវពិនិតពីនិតិវិធីតាមអ្វីដេលខេត្តបានស្នើដោះដូរ។
សូមបញ្ជក់ថាបើយោងតាមឯកសារមួយចុះថ្ងៃទី០៩ កក្កដា ២០១៥ របស់នាយកដ្ឋានកិច្ចការរដ្ឋបាលរាជធានី ខ័ណ្ឌ និងខេត្ត បានអោយដឹងថា ស្តីពីសំណើរសុំការអនុញ្ញាតជាគោលការធ្វើការដោះដូរ ទីតាំងដីចំណតរថយន្តខេត្តមកទីតាំងថ្មីទំហំ១០០០០ម៉ែត្រការេ នៅចំនុចផ្លូវវាងក្រុង និងសំសិទ្ធដោះស្រាយសំណង់អាណាធិបតេយ្យ ជាច្រើនគ្រួសារលើដីបំរុងទុករបស់ខេត្តក្នុងសង្កាត់អូរអំបិល អោយក្រុមហ៊ុន មនោរតនៈ ធ្វើការអភិវឌ្ឍ ។ ដែលការស្នើរសុំនេះគឺ
យោងតាមលិខិតលេខ៧១៧ ចុះថ្ងៃទី២៩ ឧសភា ២០១៥ ។ ការដែលអាជ្ញាធរខេត្តសុំគោលការដោះដូរនេះដោយយោងថា ចំណតរថយន្តបច្ចុប្បន្នស្ថិតនៅចំកណ្តាលទីប្រជុំជនធ្វើអោយរថយន្តមានការលំបាកចេញចូល និងមានការកកស្ទុះចរាចរ និងអនុវត្តតាមផែនការប្រឡងប្រណាំងទីក្រុងស្អាត ស្របគ្នានិងផែនការរៀបចំប្លង់គោលទីក្រុងសិរីសោភ័ណអោយមានសណ្តាប់ធ្នាប់អនាម័យ និងចង់ពង្រីកក្រុង។
ចំណតរថយន្ត (បេនឡាន) ខេត្តបន្ទាយមានជ័យ ដែលបម្រុងធ្វើការដោះដូរនេះស្ថិតនៅចំកណ្តាលក្រុងសិរីសោភ័ណ ក្នុងភូមិបីសង្កាត់ព្រះពន្លា ក្រុងសិរីសោភ័ណ លើផ្ទៃដី ៦០០០ម៉ែត្រការេ ហើយតំលៃដីក្នុងមួតល្វែងជុំវិញចំណត់ចាស់នេះមានតំលៃប្រមាណជា10មឺុនដុល្លា។បច្ចុប្បន្នមានរថយន្តរាប់រយគ្រឿងឈប់ចត ជាប្រចាំ ។ ចំណតរថយន្តនេះគឺមានតាំងពីសម័យបារាំង ហើយត្រូវបានរក្សាទ្រង់ទ្រាយ និងរចនាបទដដែលរហូតមកដល់ពេលនេះ ។
លោក សួស ប្រាថ្នា ប្រធាននាយកដ្ឋានកិច្ចការរដ្ឋបាលរាជធានី ខណ្ឌនិងខេត្តដែលចុះមកសឹក្សាជួបជាមួយអាជ្ញាធរខេត្តបានលើកទ្បើងថាតើការស្នើរសុំដោះដូរចំណត់នេះខេត្តបានធ្វើការសឹក្សាទៅលើតៃកុងតាក់សីុនិងអាជីវករហើយឬនៅព្រោះថាបើមានការដោះដូរប្រាកដជាមានប្រតិកម្មជាច្រើនត្រូវកើតទ្បើងហើយតើបានពិនិត្យកហរុមហ៊ុនដែលត្រូវបិនិយោគលើទុនរបស់ក្រុមហ៊ុននិងតើខេត្តបានប្រជុំគណះកម្មាការឬពិភាក្សាជាមួយក្រុមប្រឹក្សាហើយឬនៅ។
ឆ្លើយតបនិងការចោទសួររបស់ក្រុមការងារលើអាជ្ញាធរខេត្តជាច្រើនដូចបានរៀបរាបមួយ
ចំនួនខាងលើលោក ចុង ផែត អភិបាលរងខេត្តដែលមានវត្តមានក្នុងកិច្ចប្រជុំមុនអភិបាលខេត្តចូលបានលើកទ្បើងថាគ្រាន់តែជាការស្នើសុំជាគោលការតែប៉ុណ្ណោះបើក្រសួងអនុញាត្តទើបរៀបចំទៅតាមនីតិវិធីនៃច្បាប់និយាយរួមមិនបានធ្វើអ្វីទាំងអស់ហើយលោកគិកថាគម្រោងនេះមិនបានជោគជ័យទេព្រោះឥទ្បូវមានអ្នកការសែតបានដឹងវាបែកការអស់ហើយ។លោកក៍បានប្រាប់មកអ្នកការសែកកុំអោយផ្សាយថាចៅហ្វាយខេត្តលក់បេនទ្បានដូចដែលនិយាយតាមហាងកាហ្វេ។
បន្ទាប់មុននឹងអោយអ្នកកាសែតចេញក្រុមការងារនាយកដ្ឋានរដ្ឋបាលបាននិយាយថាក្រុមការងារលោកចុះមកនេះគឺគ្រាន់តែមកសឹក្សាស្រាវជ្រាវពិនិត្យមើនីតិវិធីនៃការសុំដោះដូរចំណត់រថយន្តតែប៉ុណ្ណោះ។ទាក់ទងនិងសំណើដោះដូរបេនទ្បានខាងលើលោក ឈឿង គីរីរ័ត្ន ដែលជាអ្នកទទួលសិទ្ធវិនិយោគសាងសង់ចំណតរថន្តធំ និងបន្តគ្រប់គ្រងធ្វើអាជីវកម្មផាស៊ីចំណតរថយន្ត ខាងលើរយៈពេល២០ឆ្នាំចាប់ពីឆ្នាំ២០០៨ ដល់ឆ្នាំ២០២៧ បានអោយដឹងថា លោកពុំដឹងរឿងក្នុងការដោះដូរនោះទេ តែបើមានការដោះដូរមែន តើក្រុមហ៊ុនរបស់លោកទៅឯណា ព្រោះលោកនៅមានរយៈពេល១២ឆ្នាំទៀតក្នុងការវិនិយោគប្រមូលផាស៊ីលើចំណតរថយន្តនេះ ។ជាមួយគ្នានេះដែរក៍មានការលើកឡើងផ្សេង ៗ គ្នាពីអ្នករត់តាក់ស៊ីអ្នករស់នៅក្បែរចំណតរថយន្ត និងមហាជនក្នុងខេត្តបន្ទាយមានជ័យថា ការដោះដូរដីចំណតរថយន្តកណ្តាលក្រុងដែលមានតំលៃថ្លៃ ទៅដីដែលឆ្ងាយក្រុងមានតំលៃថោក វាប្រាកដជាធ្វើអោយអ្នកវិនិយោគថ្មីចំណេញកប់ក្តោង ។ ហើយខ្លះទៀតនិយាយថា អាជ្ញាធរខេត្តក៏ដូចជាស្ថាប័ណ្ណពាក់គួតែមានការអភិរក្ស សំណង់ ឬទីតាំងដីរបស់រដ្ឋដែលបន្សល់ពីសម័យបារាំង ឬសង្គមចាស់ខ្លះផង ព្រោះថា នៅទីរួមខេត្តបន្ទាយមានជ័យសំណង់របស់រដ្ឋជាច្រើកន្លែងដែលបន្សល់ពីសម័យបារាំង និងសម័យក្រោយ ៗ ដូចជាសំណង់អាគារដ្ឋបាលអក្សរអ៊ុយ ដែលស្ថិតនៅខាងជើងចំណតរថយន្តនេះប្រហែលជាជាង៥០០ម៉ែត្រ និង និងរោងម៉ាស៊ីនទឹកកករបស់រដ្ឋដែលស្ថិតខាងត្បូងនេះដែរ សុទ្ធតែត្រូវបានដោះដូរអោយឯកជន ។
ពួកគាត់បន្តអោយដឹងទៀតថា បើសិនជា មានការដោះដូរបានពិតមែនប្រជាពលរដ្ឋដែលត្រូវការសេវាដឹកជញ្ជូន នឹងចំណាយលុយច្រើនសម្រាប់ធ្វើដំណើរទៅចំណតរថយន្តថ្មី ដែលការចំណាយច្រើននេះវាផ្ទុយទៅនិងគោលនយោបាយកាត់បន្ថយភាពក្រីក្រ និងសេវាសាធារណៈមកជិតនិងពលរដ្ឋ ៕
