ខេត្តបន្ទាយមានជ័យ៖ កាយរិទ្ធិប្អូនចាប់ពីអាយុ៩ឆ្នាំដល់១០ឆ្នាំដែលមានចំនួន១០០នាក់នៅព្រឹកថ្ងៃទី១៧ខែកក្កដាឆ្នាំ២០១៥នៅសាលាបឋមសិក្សាហ៊ុនសែនសូភី នៅភូមិសូភី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យបានរៀបចំធ្វើពិធីបំពាក់គ្រឿងកាយរិទ្ធិ
ដើម្បីឲ្យក្មេងៗទាំងនោះពេញសិទ្ធជាក្រុមកាយរិទ្ធិចាប់ពីថ្ងៃបំពាក់កន្សែងកាយរិទ្ធិនេះតទៅន។ពិធីនេះមានការចូលរួមលោកឈើយចាន់ណាប្រធានមន្ទីរអប់រំខេត្តនិងជាប្រធានស្នងការខេត្តបន្ទាយមានជ័យកាយរិទ្ធិ លោកគ្រូនិងអ្នកគ្រូនិងសិស្សកាយរិទ្ធិចំនួន១០០នាក់បានចូលរួមផងដែរ។លោកឯមពិសិទ្ធបានមានប្រសាសន៍ថាគោលបំណងចុះមកអប់រំដល់ប្អូនកាយរិទ្ធិប្អូននិងបំពាក់កន្សែងឲ្យនេះគឺមានគោលបំណង៥យ៉ាង១ក្មេងសិស្សសាលាក្រោយពីចូលកាយរិទ្ធិហើយត្រូវតែហាត់កាយសម្បទារឲ្យបានមាំមួនជារៀងរាល់ថ្ងៃដើម្បីឲ្យរូបកាយមាំមួននិងមានសុខភាពល្អ២ក្មេងកាយរិទ្ធិទាំងអស់ពេលនោះបានអភិវឌ្ឈខ្លួនទៅជាមានបញ្ញាស្មារតីឈ្លាសវ៉ៃក្នុងការសិក្សា៣ក្មេងកាយរិទ្ធិទាំងអស់នោះនិងក្លាយទៅជាអ្នកមានអារម្មណ៍ស្ងប់ស្ងាត់មិនព្រហឺនកោងកាចមិនដើររករឿងឈ្លោះនិងអ្នកដទៃចេះស្តាប់ឪពុកម្តាយជាពិសេសគឺចេះត្រង់ត្រាប់ស្តាប់អ្នកគ្រួបង្រៀន។
៤គឺអប់រំផ្លូវចិត្តក្រោយពេលបានចូលកាលរិទ្ធិនោះហើយកុមារទាំងអស់ឲ្យចេះដឹងបាបនិងបុណ្យចេះគោរពចាស់ទុំចាស់ព្រឹទ្ធាចារ្យចេះគោរពព្រះសង្ឃចេះគោរពមិត្តភក្ររវាងមិត្តនិងមិត្ត៥ក្រោយពីចូលកាយរិទ្ធិនោះហើយក្មេងទាំងអស់ត្រូវចេះផ្លូវចិត្តសង្គមដូចជាចេះធ្វើអំពើណាល្អៗខិតខំរៀនសូត្រ មកដល់ផ្ទះចេះជួយទុក្ខធុរះឪពុកម្តាយដូចជាជួយការងារផ្ទះការងារដកស្ទូងការងារស្រែចំការជាដើម។លោកឯមពិសិទ្ធបាននិយាយបន្តថាកាយរិទ្ធិប្អូនដែលមានអាយុចាប់ពីអាយុ៩ឆ្នាំដល់១១ឆ្នាំមាន១០០នាក់នោះក្រោយពេលបានចូលមកអប់រំថ្ងៃនេះហើយនិងក្លាយខ្លួនទៅជាកាយរិទ្ធិពេញសិទ្ធនិងបានយល់ច្បាស់អំពីច្បាប់កាយរិទ្ធិនិងបានយល់ច្បាស់អំពីសច្ចាប្រនិធានក្នុងការចេះគោរពព្រះមហាក្សត្សនិងក៏ឲ្យយល់ច្បាស់អំពីសញ្ញាប្រវត្តិកាយរិទ្ធពិភពលោកផងដែរ។លោកឈើយចាន់ណាក៏បានមានប្រសាសន៍ដែរថាកាយរិទ្ធប្អូនទាំង១០០នាក់នេះក្រោយពីការអប់រំអំពីកាយរិទ្ធិរួចរាល់ហើយនិងធ្វើការបំពាក់កន្សែងកាយរិទ្ធិដល់ប្អូនកាយរិទ្ធិទាំង១០០នាក់នេះឲ្យបានគ្រប់គ្នាដើម្បីឲ្យប្អូនៗកាយរិទ្ធិទាំងអស់នោះក្លាយជាក្រុមកាយរិទ្ធិពេញសិទ្ធិចាប់ពីថ្ងៃបំពាក់កន្សែងនេះតទៅ៕
