សៀមរាប ៖ ជាប្រចាំកម្លាំងការិយាល័យពន្លត់អគ្គិភ័យនៃស្នងការដ្ឋាននគរបាលខេត្តសៀមរាបតែងតែបានអនុវត្តនូវតួនាទីភារះកិច្ចស្នូលរបស់ខ្លួនហើយនោះជានិច្ចកាលតែងតែបានចុះអនុវត្តធ្វើការផ្សព្វផ្សាយនិងបានចុះបង្ហាត់បង្រៀនជំនាញរបស់ខ្លួនលើការ ការពារ ក៏ដូចជា
ផ្តល់បទពិសោធ៍ក្នុងការសង្គ្រោះ និង ពន្លត់អគ្គិភ័យជូនដល់បណ្តាមន្ទីអង្គភាពគ្រឹះស្ថានសិក្សានានា ក្នុងក្រុងសៀមរាប ។ ជាក់ស្តែងកាលពីពេលថ្មីៗ កន្លងទៅនេះ លោក វរសេនីយ៍ត្រី សាំង សម្បត្តិ នាយរងការិយាល័យបង្កា ពន្លត់អគិ្គភ័យ និង សង្គ្រោះ នៃស្នងការដ្ឋាននគរបាលខេត្តសៀមរាប និងមន្ត្រីក្រោមឱវាទមួយចំនួន បានអញ្ជើញចុះទៅធ្វើការផ្សព្វផ្សាយនិងបានបង្ហាត់បង្រៀនជំនាញរបស់ខ្លួនលើការ ការពារ ក៏ដូចជាផ្តល់បទពិសោធ៍ក្នុងការសង្គ្រោះ និង ពន្លត់អគ្គិភ័យបឋមនៅពេលដែលសមត្ថកិច្ចជំនាញមិនទាន់មកដល់កន្លែងកើតហេតុជូនដល់ក្រុមគ្រូពេទ្យនៃមន្ទីរពេទ្យបង្អែកខេត្តសៀមរាប ។
ក្នុងនោះលោក វរសេនីយ៍ត្រី សាំង សម្បត្តិ ក៏បានបញ្ជាក់ថាគ្រប់មន្ទីអង្គភាពគ្រឹះស្ថានសិក្សាទាំងអស់ត្រូវតែចេះវិធីសាស្ត្រខ្លះៗក្នុងការសង្គ្រោះ និង ពន្លត់អគ្គិភ័យបឋមនៅពេលដែលសមត្ថកិច្ចជំនាញមិនទាន់មកដល់កន្លែងកើតហេតុដោយតម្រូវអោយបងប្អូនទាំងអស់ដែលនៅតាមបណ្តាអង្គភាពនិមួយៗត្រូវតែមានបំពង់ពន្លត់អគ្គិភ័យនិងត្រូវចេះរៀបចំទុកដាក់អោយបានល្អពិសេសគឺត្រូវចេះប្រើប្រាស់ក្នុងការដែលមានគ្រោះអគ្គិភ័យកើតឡើងដោយកត្តាណាមួយ ទើបយើងអាចធានាបាននូវការកាត់បន្ថយហានិភ័យដោយសារតែគ្រោះអគ្គិភ័យកើតឡើងដោយកត្តាណាមួយ ៕
ដោយ លោក ខេង ខេមរា
