ខេត្តសៀមរាប៖ យុវជន២នាក់ត្រូវរថយន្តដឹកដីកឹនស្លាប់ភ្លាមៗនៅនិងកន្លែងខណៈរថយន្តបើកលឿនដូចព្យុះបាត់ម្ចាស់ការទៅបុកម៉ូតូ១គ្រឿងស្របទិសគ្នារ៉េចង្កូតទៅបុកម៉ូតូ១គ្រឿងទៀតបញ្ច្រាស់ទិសគ្នាក្រឡាប់ផ្ងាជើងឡើងលើ។
ហេតុការណ៏គ្រោះថ្នាក់ចរាចរគួរឱ្យរន្ធត់នេះបានកើតឡើងនៅវេលាម៉ោង១១និង០០នាទីព្រឹកថ្ងៃទី១៨ខែកក្កដាឆ្នាំ២០១៥ស្ថិតនៅលើផ្លូវក្រវ៉ាត់ក្រុង ក្នុងភូមិថ្មី សង្កាត់ស្វាយដង្គំ ក្រុងសៀមរាប ។
សាក្សីនៅកន្លែងកើតហេតុបានប្រាប់ថាមុនពេលកើតហេតុ ពួកខ្ញុំបានឃើញរថយន្តដឹកដី បើកបរមកពីត្បួងទៅជើងក្នុងល្បឿនលឿនបុកម៉ូតូសេ១២៥ពណ៌ខ្មៅមួយគ្រឿងដែលជិះស្របទិសគ្នាបានបុកពីក្រោយពេញទំហឹង រួចបើកកិនពីលើស្លាប់ភ្លាមៗគួឱ្យស្រណោះ រួចរ៉េចង្កូតពេញផ្លូវ ទៅបុកម៉ូតូសេ១២៥ពណ៌ខ្មៅមួយគ្រឿងទៀតចំពីមុខខ្ទាតទៅម្ខាងផ្លូវហើយស្លាប់ភ្លាមៗបន្តគា្ន។សាក្សីបន្តថា ក្រោយពីបុកម៉ូតូទាំងពីរនោះដែលជិះបញ្ច្រាស់ទិសគ្នានិងស្របទឹសគ្នារួចមក ស្រាប់តែរថយន្តដឹកដីនេះប្រហែលជាភ័យខ្លាចមានគេដេញតាមពីក្រោយក៏ជាន់ហ្វ្រាំងឡើងមកវិញក៏ក្រឡាប់ផ្ងារជើងឡើងលើតែម្តង។សាក្សីបានបន្តទៀតថា ក្រោយពីរថយន្តដឹកដីនោះក្រឡាប់រួចហើយអ្នកបើកបរលូនចេញរត់គេចខ្លួនបាត់តែម្តង។បន្ទាប់មកក៏ឃើញសមត្ថកិច្ចមកដល់រួចធ្វើការវាស់វែងកុំឱ្យមានការកកស្ទះចរាចនៅតាមដងផ្លូវតទៅទៀត ។
ប្រភពពីសមត្ថកិច្ចចរាចរនៅកន្លែងកើតហេតុបានប្រាប់អ្នកសារព័ត៍មានដឹងថារថយន្តដឹកដីជាអ្នកបង្ករមិនស្គាល់ម្ចាស់និងក្រុមហ៊ុនបានរត់គេចខ្លួនបាត់ចំណែកយុវជន២នាក់ដែលស្លាប់ដោយរថយន្តដឹកដីកឹននោះម្នាក់មានឈ្មោះ ទ្រេន ភេទប្រុសអាយុប្រហែលជាង២០ឆ្នាំមានមុខរបកម្មករសំណង់មានទីលំនៅឃុំសសរស្តម្ភ ស្រុកពួក ខេត្តសៀមរាបជិះម៉ូតូម៉ាកសង់សេ១២៥ព៍ណខ្មៅបើកបរបញ្ច្រាស់ទិសគ្នា ពីជើងមកត្បូង ឆ្នាំ២០០៥ពណ៌ខ្មៅ ពាក់ស្លាកលេខភ្នំពេញ១.E៨៤៧៥ និងសាកសពជនរងគ្រោះម្នាក់ទៀត មានឈ្មោះ លឿង បូណា ភេទប្រុសអាយុ២៥ឆ្នាំមុខរបរចុងភៅនៅសណ្ឋាគារនិងភោជនីយដ្ឋាន(អេស៊ាន សឃ្វែរ) រស់នៅសង្កាត់គោគចក ក្រុងសៀមរាប បានជិះម៉ូតូសេ១២៥ពណ៌ខ្មៅ ពាក់ស្លាកលេខសៀមរាប១.P៤៤២៣ដែលជិះម៉ូតូស្របទិសគ្នាពីត្បូងមកជើង។លោកបន្តថា ចំណែកអ្នកបើកបរម៉ូតូដែលស្លាប់ទាំង២នាក់នោះត្រូវបានរថយន្តសង្គ្រោះរបស់មន្ទីរពេទ្យបង្អែកខេត្តនិងមន្ទីរពេទ្យឯកជនដឹកម្នាក់មួយយកទៅទុកនៅសាលខ្មោចរបស់មន្ទីរពេទ្យខេត្តដើម្បីរងចាំក្រុមគ្រួសារមកទទួលយកទៅធ្វើបុណ្យតាមប្រពៃណៃ ចំណែកម៉ូតូទាំង២គ្រឿងត្រូវបានខូចខាតទាំងស្រុង ។
បច្ចុប្បន្នរថយន្តដឹកដីនិងម៉ូតូរបស់សពជនរងគ្រោះទាំង២នាក់នោះត្រូវបានសមត្ថកិច្ចនគរបាលចរាចរ យកទៅរក្សាទុកនៅការិយាល័យនគរបាលចរាចនៃស្នងការនគរបាលខេត្តសៀមរាបដើម្បីចាត់ការតាមផ្លូវច្បាប់៕
ដោយ ខេង ឧត្តម
