ខេត្តបន្ទាយមានជ័យ លោកលឹមគានហោរដ្ឋមន្ត្រីក្រសួងធនធានទឹកនិងក្រុមគ្រួសារបាននាំយកនូវទានព្រះវស្សាទេយ្យទាននិងគ្រឿងឧបភោគបរិភោគរួមមានប្រេងម៉ាស៊ូតមីទឹកត្រីទឹកសុីអុីវ អង្ករនិងបច្ច័យមួយចំនួនធំយកទៅប្រគេនដល់ព្រះសង្ឃចំនួន3 វត្តដែលកំពុងចូលវស្សា ស្ថិតនៅក្នុង ឃុំបន្ទាយនាង ឃុំភ្នំធំ និងឃុំឬស្សីក្រោក ស្រុកមង្គលបូរី ខេត្តបន្ទាយមានជ័យនាព្រឹកថ្ងៃទី១៩ខែកក្កដាឆ្នាំ២០១៥។ក្នុងឨកាសយកទានវស្សាយកទៅប្រគៀនព្រះសង្ឃនោះលោកលឹមគានហោបានលើកឡើង ថាស្រុកមង្គលបូរីជាស្រុកមួយកសិករប្រកប
របរកសិកម្មច្រើនជាងគេក្នុងខេត្តបន្ទាយមានជ័យនេះតែក្នុងឆ្នាំនេះកសិករទាំងអស់កំពុងជួបប្រទះនូវភាពរាំងស្ងួតនិងស្រូវរាប់មឺុនហិចតាត្រៀមនិងស្កកដូច្នេះក្រុមការងាររបស់លោកបាននាំយកម៉ាស៊ូតជាច្រើនពាន់លីត្រយកទៅចែកជួនកសិករមួយចំនួនដែលកំពុងជួបប្រទះនូវទឹកបូមដាក់បញ្ជូលស្រែដែលត្រៀមនិងស្កករាប់ពាន់ហិចតានៅស្រុកមង្គលបូរីនេះ។លោកបានបន្តថាក្រោមការយកចិត្តទុកដាក់និងដឹកនាំប្រទេសរបស់ប្រមុខរាជរដ្ឋាភិបាលសម្តេចតេជោហ៊ុនសែនក្នុង
នោះមានវិស័យពុទ្ធចក្រក៏មានការរីកចំរើនយ៉ាងខ្លាំងផងដែរហើយនៅថ្ងៃជិតចូលវស្សានេះថ្នាក់ដឹកនាំនិងមន្ត្រីពាក់ព័ន្ធនានាបាននាំយកទានវស្សាទេយ្យទានក៏ដូចជាបច្ច័យមួយចំនួនធំយកទៅប្រគេនព្រះនៅក្នុងស្រុកមង្គលបូរីនេះដើម្បីព្រះសង្ឃបំភ្លឺនៅពេលយប់សំរាប់សិក្សារៀនសូត្រនៅថ្ងៃចូលវស្សាមានចំនួន៣ខែដើម្បីជាប្រទីតសំរាប់បំភ្លឺផ្លូវនៅថ្ងៃអនាគត៕
