ខេត្តកំពង់ឆ្នាំង៖ប្រភពច្បាស់ការមួយចេញពីមន្ទីរកិច្ចការនារីខេត្ត បានអោយដឹងនៅរសៀលថ្ងៃទី២០ ខែកក្កដា ឆ្នាំ២០១៥ យុវនារីជាសិស្សរៀនថ្នាក់ទី១២នៃវិទ្យាល័យមួយ និងអា ណាព្យាបាលបានមកដាក់ពាក្យបណ្តឹងសុំអោយមន្ទីរកិច្ចការនារីខេត្តជួយអន្តរាគម ដោយបានប្តឹង
ចោទប្រកាន់ថា៖លោកសក្តិ៤ ជាអធិការនគរបាលស្រុកម្នាក់ បានភ្ជុងកាំភ្លើងចាប់រំលោភរូបនាងកាលពីថ្ងៃទី១១ ខែកក្កដា ឆ្នាំ២០១៥។
ប៉ុន្តែករណីនេះត្រូវបានគេដឹងថាយុវនារីនោះ និងលោកអធិការនគរបាលស្រុករូបនោះមានទាក់ទំនងស្រឡាញ់គ្នាជាង១ខែមកហើយ និងទើបតែនាងបានមកដាក់ពាក្យប្តឹង ដែលជុំវិញរឿងនេះត្រូវបានគេថា ជារឿងត្រូវរ៉ូវគ្នាមិនមែនជាការចាប់រំលោភ។
នៅល្ងាចថ្ងៃទី២០ ខែកក្កដា ឆ្នាំ២០១៥ នេះដែល លោកស្នងការនគរបាលខេត្តកំពង់
ឆ្នាំងក៍បានអោយក្រុមអ្នកកាសែតយើងដឹងថា៖ លោកក៍បានទទួលបណ្តឹងនេះហើយដែរ
ដែលលោក ក៍កំពុងអោយសមត្ថកិច្ចជំនាញហៅនារីរងគ្រោះ និងលោកអធិការស្រុកដែលមានប្រពន្ធមានកូននៅក្នុងក្រុងកំពង់ឆ្នាំងទៅហើយនោះ និងដែលបានរងការចោទប្រកា ន់ពីនារីជាយុវសិស្សខាងលើ មកធ្វើការសាកសួរ ជុំវិញរឿងនេះពុំទាន់ទទួលលទ្ធផលច្បាស់លាស់នៅឡើយទេ។
ដោយឡែកលោកអធិការស្រុកដែលរងការចោទប្រកាន់ខាងលើនេះ បាននិយាយ
អោយក្រុមអ្នកកាសែតយើងដឹងនៅព្រឹកថ្ងៃទី២១ ខែកក្កដា ឆ្នាំ២០១៥ នេះថា៖ រូបលោក
និងនារីខាងលើនេះបានស្រឡាញ់គ្នាជាង១ខែហើយ និងបានរួមដំណេកជាមួយគ្នានៅក្នុងផ្ទះសំណាក់ចំនួន៣ដង។ ហើយនៅរៀងរាល់ថ្ងៃពេលចេញពីរៀន នាងតែមកសម្រាកលេងពេលថ្ងៃៗក្នុងបន្ទប់ដេករបស់លោកនៅក្នុងអធិការដ្ឋាននគរបាលស្រុក មិនសូវខាន ឡើយ និងធ្លាប់បានដើរស៊ីផឹកហូបចុកជាច្រើនដង ដែលមានកូនចៅរបស់លោកជាច្រើននាក់បានដឹងរឿងនេះ។ដូច្នេះករណីនេះលោកមិនបានចាប់រំលោភនាងដូចការប្តឹងចោទប្រកាន់នោះឡើយ។ចំណែកប្រពន្ធកូន លោកនៅក្នុងក្រុងកំពង់ឆ្នាំងមិនត្រូវរ៉ូវគ្នាយូរឆ្នាំមកហើយ ហេតុនេះទើបលោកមានក្រៅបែបនេះ។
លោកអធិការដែលបានរងការប្តឹងចោទប្រកាន់ក្នុងរឿងខាងលើ ត្រូវបានលោកស្នង
ការនគរបាលខេត្ត ដកមកឈរជើងនៅក្នុងស្នងការដ្ឋាននគរបាលខេត្ត ដើម្បីស្រាវជ្រាវនិងដោះស្រាយរឿងនេះ និងត្រៀមប្រកាសអោយលោកអធិការរងនគរបាលស្រុកម្នាក់ ទទួលការងារជំនួស ក្នុងពេលឆាប់នេះ៕
