ខេត្តបន្ទាយមានជ័យ៖នគរបាលប្រឆាំងគ្រឿងញៀននៃស្នងការនគរបាលខេត្តបន្ទាយមានជ័យបានសហការជាមួយនគរបាលក្រុងប៉ោយប៉ែតចុះឃាត់ខ្លួនបានជនសង្ស័យម្នាក់កំពុងធ្វើសកម្មភាពចែកចាយគ្រឿងញៀននិងដកហូតថ្នាំញៀនបាន២ថង់តូចកាលពីរសៀលថ្ងៃទី២១ ខែកក្កដា ឆ្នាំ២០១៥។លោក ធិនស៊ិនដេត នាយការិយាល័យប្រឆាំងគ្រឿងញៀនរបស់ស្នងការនគរបាលខេត្តបន្ទាយមានជ័យបានឲ្យដឹងថាអនុវត្តតាមផែនការរបស់លោកឧត្ដមសេនីយ៍ត្រី អាត់ខែមជាស្នងការនគបាលខេត្តបន្ទាយមានជ័យបានចុះស្រាវជ្រាវនិឈានដល់ការបង្ក្រាបនិងឃាត់ខ្លួនជនសង្ស័យបានមួយនាក់និងដកហូតគ្រឿងញៀនបានចំនួន២ថង់តូច។លោកដេតបានបន្តថាជនសង្ស័យនោះមានឈ្មោះ ស៊ីម ប៊ុនធឿន ភេទប្រុស អាយុ៣៣ឆ្នាំ មុខរបលក់ដូរមានទីលំនៅក្រុងប៉ោយប៉ែតខេត្តបន្ទាយមានជ័យ។លោកដេតបានបន្ត
ទៀតថាការឃាត់ខ្លួននេះធ្វើឡើងពេលដែលជនសង្ស័យកំពុងចែកចាយគ្រឿងញៀននៅចំណុចផ្លូវសាធារណៈ ត្រង់ចំណុចក្នុងភូមិបាលិលេយ្យ១ សង្កាត់និងក្រុងប៉ោយប៉ែត ដកហូតបានគ្រឿងញៀនប្រភេទមេតំហ្វេតាមីអាយស៍ចំនួន២ថង់តូចស្មើនឹង១១.១ក្រាម។ជនសង្ស័យខាងលើ ក្រោយពេលឃាត់ខ្លួនរួច បានបញ្ជូនមកស្នងការនគរបាលខេត្តធ្វើការសាកសួរនិងកសាងសំណុំរឿងបញ្ជូនទៅតុលាការនៅថ្ងៃនេះផងដែរ៕
