ឧត្តរមានជ័យ៖ កាលពីវេលាម៉ោង៥ និង២០នាទីរសៀលថ្ងៃទី២២ ខែកក្កដា ឆ្នាំ២០១៥ នៅសាលប្រជុំមន្ទីរពេទ្យខេត្តឧត្តរមានជ័យ បានរាប់ចំប្រជុំស្តីពីគណះកម្មការដឹកនាំហិរញ្ញប្បទានសុខាភិបាល ឧត្តរមានជ័យ ប្រចាំត្រីមាសទី២ លោកវេជ្ជ ឃ្លោក ហួត ប្រធានមន្ទីរសុខាភិបាល
ខេត្ត បានមានមតិនៅក្នុងពិធីនោះថា សូមគោរព លោកលៀម សុដា អភិបាលរងខេត្ត និងជាប្រធានគណះកម្មការដឹកនាំហិរញ្ញប្បទានសុខាភិបាលខេត្តឧត្តរមានជ័យ ជាទីគោរពដ៏ខ្ពង់ខ្ពស់! និងលោក លោកស្រី ជាសមាជិក សមាជិកា គណះកម្មការដឹកនាំហិរញ្ញប្បទានសុខាភិបាល ក្នុងឱកាសនេះដែរខ្ញុំសូមធ្វើការថ្លែងអំណគុណយ៉ាងជ្រាលជ្រៅចំពោះ លោកលៀម សុដា ដែលបានឆ្លៀតពេលវេលាដ៏មមាញឹក និងមានតម្លៃចូលរួមជាគណះអធិបតីក្នុងកិច្ចប្រជុំនេះ និងសូមរាយការណ៏ជូនអង្គប្រជុំដោយសង្ខេបដូចតទៅ គិតមកដល់ត្រឹមពេលនេះមន្ទីរសុខាភិបាលខេត្តឧត្តរមានជ័យយើងខ្ញុំមានការិយាល័យចំណុះឱ្យមន្ទីរចំនួន ០៤ការិយាល័យស្រុកប្រតិបត្តិចំនួន០១មន្ទីរពេទ្យបង្អែកចំនួន០២កន្លែង គឺមន្ទីរពេទ្យបង្អែកខេត្តឧត្តរមានជ័យនិងមន្ទីរពេទ្យបង្អែកស្រុកអន្លង់វែង និងមណ្ឌលសុខភាពចំនួន២៤.៣០កន្លែង ដែលជាមូលដ្ឋានសុខាភិបាលសម្រាប់បម្រើការងារផ្តល់សេវាសុខភាពជូនប្រជពលរដ្ឋទូទាំងខេត្ត។
ក្នុងនោះដែរយើងមានមន្ទីរពេទ្យបង្អែក ០២កន្លែង និងមណ្ឌលសុខភាពចំនួន១៩កន្លែង ដែលមានការអនុញ្ញាតច្បាប់ពីក្រសួងសុខាភិបាលឱ្យអនុវត្តហិរញ្ញប្បទានសុខាភិបាលរួចរាល់មកហើយ ហើយយើងកំពុងនឹងរៀបចំសំណើសុំអនុញ្ញាតច្បាប់អនុវត្តហិញ្ញាប្បទានសុខាភិបាលដល់មណ្ឌលសុខភាព ចំនួន០៥ បន្ថែមទៀតនាពេលដ៏ខ្លីខាងមុខនេះ។លោកលៀម សុដា អភិបាលរងខេត្តឧត្តរមានជ័យ បានមានប្រសាសន៍ថា ឆ្លៀតក្នុងឱកាសនេះដែរខ្ញុំសូមធ្វើការថ្លែងអំណគុណដល់អង្គការCHC.ដែលបានសហការជាមួយមន្ទីរសុខាភិបាលខេត្ត រៀបចំឱ្យមានកិច្ចប្រជុំនេះឡើង និងសូមអរគុណដល់លោក លោកស្រីដែលមានវត្តមាននៅទីនេះទាំងអស់។គណះកម្មការដឹកនាំហិរញ្ញប្បទានសុខាភិបាលខេត្តឧត្តរមានជ័យគឺយើងបានបង្កើតឡើងក្នុងឆ្នាំ២០១១និងបានកែសម្រួលឡើងវិញក្នុងឆ្នាំ២០១២ ដោយមានរូបខ្ញុំជាប្រធានដឹកនាំ ប៉ុន្តែរយះកាលកន្លងមកគណះកម្មការយើងមិនបានប្រជុំឱ្យបានទៀងទាត់ទេ ទើបតែពេលនេះយើងបានធ្វើការជួបជុំគ្នា។. ក្រសួងសុខាភិបាលក៏ដូចជារដ្ឋាភិបាល លោកបានណែនាំឱ្យមានការលើកស្ទួយនិងគាំទ្រដល់ប្រជាជនក្រីក្រ ជាពិសេសយើងត្រូវយកចិត្តទុកដាក់លើប្រជាពលរដ្ឋដែលរស់នៅដាច់ស្រយាល ហើយពួកគាត់ជួបការលំបាកក្នុងការធ្វើដំណើរដើម្បីមកទទួលសេវាព្យាបាលនៅមន្ទីរពេទ្យ និងមណ្ឌលសុខភាព។
ទាក់ទងនឹងសេវាហិរញ្ញប្បទានសុខាភិបាលក៏មានការលើកលែងការបង់ថ្លៃនិងការបង់ថ្លៃជួសដោយគម្រោងមូលនិធិសមធម៍ អនុវត្តដោយអង្គការCHCផងដែរ។គណះកម្មការដឹកនាំហិរញ្ញប្បទានសុខាភិបាលនិងអនុគណះកម្មការត្រួតពិនិត្យតាមដាន ជួយជុំរុញឱ្យមានភាពប្រសើឡើងនូវការផ្តល់សេវាសុខាភិបាលមានគុណភាពល្អនៅតាមមន្ទីរពេទ្យបង្អកនិងមណ្ឌលសុខភាពទាំងអស់ដល់ប្រជាជនទូទាំងខេត្តឧត្តរមានជ័យ៕
