ខេត្តបន្ទាយមានជ័យ៖ នៅរសៀលថ្ងៃទី២២ខែកក្កដាឆ្នាំ២០១៥នេះលោកហង្សស៊ីផា តំណាងឲ្យលោកកែគឹមយ៉ានប្រធានក្រុមការងារថ្នាក់ជាតិចុះជួយខេត្តបន្ទាយមានជ័យបាននាំយកនូវទៀនព្រះវស្សា ទេយ្យទាន និងគ្រឿងឧបភោគបរិភោគរួមមានប្រេងម៉ាស៊ូត មី ទឹកត្រី ទឹក
ស៊ីអ៊ីវ អង្ករ និងបច្ច័យមួយចំនួនធំយកទៅប្រគេនដល់ព្រះសង្ឃចំនួន៨វត្តដែលកំពុងចូលវស្សា ស្ថិតនៅក្នុងចំនួន៨វត្តក្នុងនោះមានវត្តឈូក ភ្នំលៀប វត្តភ្នំពូលភ្នំទ្រលោកលេី វត្តភ្នំទ្រលោកក្រោម វត្តឡោទេ វត្តរំដួល វត្តអន្លង់សារ វត្តកំបោរ វត្តទួលចារង្សីឃុំភ្នំលៀបស្រុកព្រះនេត្រព្រះ ខេត្តបន្ទាយមានជ័យ ។ក្នុងឱកាសយកទៀនវស្សាទៅប្រគេនព្រះសង្ឃនោះ លោក ហង្សស៊ីផាបានលើកឡើងថាស្រុកព្រះនេត្រព្រះជាស្រុកមួយដែលកសិករប្រកបរបរកសិកម្មច្រើនជាងគេក្នុងខេត្តបន្ទាយមានជ័យនេះតែក្នុងឆ្នាំនេះកសិករទាំងអស់កំពុងជួបប្រទះនូវភាពរាំងស្ងួតនិងស្រូវរាប់ម៉ឺនហិកតាត្រៀមនឹងស្កក ដូច្នេះក្រុមការងាររបស់លោកបាននាំយកម៉ាស៊ូតជាច្រើនពាន់លីត្រ យកទៅចែកជូនកសិករមួយចំនួនដែលកំពុងជួបប្រទះនូវទឹកបូមដាក់បញ្ចូលស្រែដែលត្រៀមនឹងស្កករាប់ពាន់ហិកតានៅស្រុកព្រះនេត្រព្រះនេះ។លោកក៏ធ្វេីការសំណូមពរដល់ពលរដ្ឋនិងព្រះសង្ឃមេត្តានាំគ្នាចូលរួមភូមិឃុំមានសុវត្ថភាពទាំងគ្នាផងដែរ។នៅចំពោះមុខលោកហង្សសីុផាបាននិយាយថាការយកប្រេងម៉ាហ្សូតយកទៅចែកឲ្យប្រជាពលរដ្ឋនៅតាមសហគមន៍នោះដោយមិនរេីសអើងនិងនិន្នាការនយោបាយនោះឡើយ។លោកបានបន្តទៀតថាក្រោមការយកចិត្តទុកដាក់និងដឹកនាំប្រទេសរបស់ប្រមុខរាជរដ្ឋាភិបាលសម្ដេចតេជោហ៊ុនសែនក្នុងនោះមានវិស័យពុទ្ធចក្រក៏មានការរីកចម្រើនយ៉ាងខ្លាំងផងដែរ ហើយនៅថ្ងៃជិតចូលវស្សានេះថ្នាក់ដឹកនាំនិងមន្ត្រីពាក់ព័ន្ធនានា បាននាំយកទៀនវស្សា ទេយ្យទានក៏ដូចជាបច្ច័យមួយចំនួនធំយកទៅប្រគេនព្រះនៅក្នុងឃុំភ្នំលៀប ស្រុកព្រះនេត្រព្រះនេះ ដើម្បីព្រះសង្ឃបំភ្លឺនៅពេលយប់ សម្រាប់សិក្សារៀនសូត្រនៅថ្ងៃចូលវស្សា មានចំនួន៣ខែ ដើម្បីជាប្រទីបសម្រាប់បំភ្លឺផ្លូវនៅថ្ងៃអនាគតផងដែរ៕
