ខេត្តបន្ទាយមានជ័យ៖ លោកឈាប៊ុនរិទ្ធបានដឹកនាំក្រុមការងារជាច្រើននាក់បានយកម៉ាស៊ីនបូមទឹកយ៉ាងធំយកទៅបូមទឹកដាក់បញ្ចូលស្រែដើម្បីជួយសង្គ្រោះស្រូវប្រាំងនិងស្រូវវស្សារាប់ពាន់ហិចតានៅរសៀលថ្ងៃទី២២ ខែកក្កដា ឆ្នាំ២០១៥នេះ ស្ថិតក្នុងឃុំសឿ ស្រុកមង្គលបូរី ខេត្ត
បន្ទាយមានជ័យ។នៅក្នុងការងារអន្តរាគមន៍សង្គ្រោះស្រូវបង្កើនរដូវនៅក្នុងឃុំសឿនេះ ក្រុមការងារក្រសួង និងមន្ទីរបានប្រើប្រាស់ម៉ាស៊ីនបូមទឹកប្រភេទ៦៥សេស ចំនួន២គ្រឿងដោយធ្វើការបូមទម្លាក់ទឹក ពីស្ទឹងមង្គលបូរី បញ្ចូលទៅក្នុងប្រឡាយចំនួន២ខ្សែ ដែលបងប្អូនប្រជាកសិករ បានសហការគ្នាស្តារ រួចជាស្រេច សម្រាប់នាំទឹកទៅស្រោចស្រពស្រូវ របស់ពួកគាត់ សរុបចំនួន ១.៤៥០ហិកតា ក្នុងភូមិចំនួន៥។មន្ត្រីក្រសួងធនធានទឹកបានឲ្យដឹងថាចំពោះបញ្ហាខ្វះទឹកប្រើប្រាស់នៅតាមខេត្តមួយចំនួននោះលោករដ្ឋមន្ត្រីក្រសួងធនធានទឹក លោកលឹមគានហោបានបញ្ជាឲ្យមន្ត្រីជំនាញសហការជាមួយមន្ត្រី នៅតាមខេត្តទាំងនោះបន្តយុទ្ធនាការ ចុះជួយបូមទឹកដាក់ស្រែជូនប្រជាពលរដ្ឋ ជាបន្តបន្ទាប់ ពោលមិនត្រូវឲ្យពួកគាត់ខ្វះខាតនោះទឹកនោះឡើយ។ស្រុកមង្គលបូរីគឺជាស្រុកមួយក្នុងចំណោមស្រុកក្រុង ក្រុងទាំង៧របស់ខេត្តបន្ទាយមានជ័យនោះគឺជាស្រុកមួយកសិករធ្វើស្រែប្រាំងនិងស្រែវស្សាច្រើនជាងគេរហូតមកដល់សព្វថ្ងៃនោះស្រូវប្រាំងនិងស្រូវវស្សារាប់មឺុនហិចតាត្រៀមនិងស្កកដោយសារគ្មានភ្លៀងធ្លាក់។លោកឡុងពុនអភិបាលស្រុកមង្គលបាននិយាយថាទឹកនៅក្នុងប្រឡាយនៅតាមដងស្ទឹងមង្គលបូរីមានដែរតែកសិករនៅលើសំរុកបូមទឹកដាក់ស្រែរបស់យ៉ាងសស្រាក់សស្រាំធ្វើឲ្យទឹកនៅខាងក្រោមមានការខ្វះខាតយ៉ាខ្លាំងរហូតមកដល់សព្វថ្ងៃនេះប្រជាពលរដ្ឋនៅក្រោមស្រុកមង្គលបូរីរាប់ពាន់គ្រួសារនៅតែគ្មានទឹកប្រើប្រាស់ដដែលលោកបន្តថាបើខែនេះនិងខែក្រោយនៅតែគ្មានភ្លៀងធ្លាក់ទៀតនោះប្រជាពលរដ្ឋនិងស្រែរាប់ម៉ឺនហិចតាប្រឈមនិងការខ្វះខាតទឹកនិងស្រូវងាប់អស់ជាមិនខានឡើយ៕
