ខេត្តឧត្តរមានជ័យ៖លោក លៀម សុដា អភិបាលរងនិងជាអនុគណះកម្មការលុបបំបាត់ឱសថក្លែងក្លាយនិងសេវ៉ាសុខាភិបាលខុសច្បាប់ក្នុងខេត្តនិយាយថានៅខេត្តឧត្តរមានជ័យមានសេវាសុខាភិបាលខុសច្បាប់ជាច្រើនកន្លែងទាមទាអោយមានការបិទឬផ្អាកបញ្ឈប់ធ្វើអាជីវកម្ម
ទាំងស្រុងក្នុងខេត្ត ។ ហើយទីតាំងអ្នកធ្វើអាជីវកម្មមានច្បាប់អនុញ្ញាតិហើយក៏ត្រូវតែគោរពអោយបាននៅលក្ខខណ្ឌ័បច្ចេកទេសកុំអោយហួសព្រំដែននៃអញ្ញាបណ្ឌ័ដែលបានកំណត់ក្នុងច្បាប់ទាំងឡាយដូចជាអនុក្រិត្យលេខ៣៣ ស.ស.រ ចុះថ្ងៃទី២៩ខែសីហាឆ្នាំ២០០៥ របស់រាជរដ្ឋាភិបាលប្រកាសរួមគ្នារវាងក្រសួងសុខាភិបាលនិងក្រសួងមហាផ្ទៃស្តីពី
ការគ្រប់គ្រងគុណភាពសេវាកម្មនិងវិធានការលុបបំបាត់ផលិតផលសុខាភិបាលនិងសេវាសុខាភិបាលឯកជនខុសច្បាប់ក្នុងខេត្ត ។លោក លើកឡើងបែបនេះក្នុងកិច្ចប្រជុំផ្សព្វផ្សាយស្តីពីការគ្រប់គ្រងការប្រកបវិជ្ជាជីវះ វេជ្ជសាស្ត្រឯកជន នៅក្នុងសាលប្រជុំសាលាខេត្តឧត្តរមានជ័យ កាលពីថ្ងៃទី២២ខែកក្កដាឆ្នាំ២០១៥ ។លោក លៀម សុដា អភិបាលរងខេត្តលើកឡើងថា សេវាសុខាភិបាលខុសច្បាប់នៅក្នុងខេត្តឧត្តរមានជ័យនេះមានរហូតទៅដល់ចំនួនច្រើនកន្លែងនិងទីតាំងមានច្បាប់អនុញ្ញាត់មានចំនួនតិចជាក្នុងនោះរួមមានសេវាសុខាភិបាលឯកជន មន្ទីពហុព្យាបាល មន្ទីសម្ភពរោកស្ត្រី មន្ទីព្យាបាលមាត់ធ្មេញ មន្ទីពិសោធន៍ សាខាក្រុមហ៊ុនចែកចាយឱសថ និងគ្រឿងសំអាង ឱសាថស្ថាន ឱសថស្ថានរង បន្ទប់សង្គ្រោះព្យាបាលជំងឺ បន្ួប់ថែទាំជំងឺ បន្ទប់ថែទាំស្ត្រីមានផ្ទៃពោះ បន្ទប់ព្យាបាលដោយចលនា បន្ទប់ពិសោធន៍ បន្ទប់កែសម្ភស្ស កន្លែងថែរក្សាសម្ភស្ស និងកន្លែងលក់គ្រឿងសំអាង ជាងដាក់ធ្មេញ អ្នកលក់ថ្នាំ អ្នកចាក់ថ្នាំតាមភូមិ អ្នកសំរាលកូនតាមផ្ទះ អ្នកលក់ផលិតផលនិងអ្នកលក់អាហារបំប៉នសុខភាព អ្នកលក់ឱសថបូរាណខ្មែរ ចិនសែ ដែលមិនត្រឹមត្រូវតាមច្បាប់ស្តីពីការគ្រប់គ្រងប្រកបវិជ្ជាជីវះឯកជន កន្ុងវិស័យវិជ្ជសាស្ត្រ អមវិជ្ជសាស្ត្រនិងជំនួយវិជ្ជសាស្ត្រ និងច្បាប់គ្រប់គ្រឱសថ ត្រូវបញ្ឈប់ជាបន្ទាន់ចាប់ពីថ្ងៃជូនដំណឹងនេះ ។
លោក ឃ្លោក ហួត ប្រធានមន្ទីសុខាភិបាលខេត្ត និយាយថាសេវាសុខាភិបាលឯកជនមានច្បាប់ដែលបានចុះបញ្ជីមានឱសថស្ថាន ឱសថស្ថានរង បន្ទប់ពិគ្រោះជំងឺ បន្ទប់ថែទាំជំងឺ និងបន្ទប់ថែទាំ.មុន.ក្រោយសម្រាលកូនមានចំនួយ៩៩កន្លែង ។សេវាសុខាភិបាលដែលគ្មានច្បាប់ បានធ្វើកិច្ចសន្យាបញ្ឈប់ធ្វើអាជីវកម្មមានចំនួន១២១កន្លែង ក្នុងនោះរួមទាំងបន្ទប់ព្យាបាលមាត់ធ្មេញចំនួន២៤កន្លែងផ្ទះលក់ឱសថ ដើរចាក់ថ្នាំចំនួ២៩កន្លែង លក់អាហារបំប៉នសុខភាពចំនួន២កន្លែង តូបលក់ឱសថតាមផ្ទះចំនួន១៨កន្លែង ពិនិត្យស្ត្រីមានផ្ទៃពោះចំនួន២កន្លែង ដើរចាក់ថ្នាំតាមភូមិចំនួន៤០កន្លែង អ្នកលក់ថ្នាំ និងព្យាបាលចល័តចំនួន១និងសេវាអមវិជ្ជសាស្ត្រ ជំនួយវិជ្ជសាស្ត្រចំនួន៧កន្លែង ។រំលឹកថា ច្បាប់ក្រសួងសុខាភិបាលលេខ១០០ អ.ប.ស/មព ចុះថ្ងៃទី២៩ខែធ្នូឆ្នាំ២០១៤ ជំរាបមក ប្រធានគណះកម្មការរាជធានី.ខេត្តលុបបំបាត់ឱសថក្លែងក្លាយនិងសេវាសុខាភិបាលខុសច្បាប់ដើម្បីកាត់បន្ថយភាពក្រីក្រនៅតាមបណ្តារាជធានី.ខេត្តរយះកន្លងមកនៅតាមរាជធានី.ខេត្ត បានអនុវត្តតាមការណែនាំរបស់ក្រសួងសុខាភិបាលនិងជាពិសេសអនុវត្តតាមសេចក្តីសម្រេចរបស់រាជរដ្ឋាភិបាលដោយបានចាត់វិធានការចំពោះសេវាសុខាភិបាលខុសច្បាប់ ដើម្បីអោយសេវាទាំងនោះមកគោរពច្បាប់អោយបានត្រឹមត្រូវទាំងអស់គ្នា ក៏ប៉ុន្តែរហូតមកដល់បច្ចុប្បន្ននេះ ក៏នៅមានសេសសល់សេវាសុខាភិបាលមួយចំនួនតូចដែលមិនបានគោរពតាមច្បា់ប់និងគោរពតាមការណែនាំរបស់ក្រសួងសុខាភិបាលទេ ហើយកំពុងបន្តសកម្មភាពដែលជាហេតុធ្វើអោយប៉ះពាល់ដល់សុខភាពអាជីវិតនិងជីវភាពរស់នៅរបស់ប្រជាជន ។
