ខេត្តកំពង់ឆ្នាំង៖ មនុស្ស៥នាក់ជឪពុកម្តាយនិងកូន បានរងរបួសធ្ងន់និងស្រាល ក្នុងហេតុការណ៏គ្រោះថ្នាក់ចរាចរណ៏មួយ ខណៈជនរងគ្រោះទាំង៥នាក់ជិៈម៉ូតូមួយគ្រឿងបុកកងពីក្រោយ បានកើតឡើងវេលាម៉ោង៦និង៣០នាទីព្រឹក ថ្ងៃទី២៣ ខែកក្កដា ឆ្នាំ២០១៥ លើផ្លូវជាតិលេខ៥
ចំណុចមុខវិមុខវិទ្យាល័យព្រះ បាទសុរាម្រឹត ស្ថិតក្នុងភូមិស្រែព្រីង សង្កាត់កំពង់ ឆ្នាំង ក្រុងកំពង់ឆ្នាំង ។
សមត្ថកិច្ចនគរបាលចរាចរណ៏ក្រុងកំពង់ឆ្នាំង បាននិយាយអោយដឹងថាៈ ជនរងគ្រោះទាំង៥នាក់ជាឪពុកម្តាយនិងកូនក្នុងនោះបុរសជាឪពុកមានឈ្មោះ សេង សៀ អាយុ៥០ឆ្នាំម្តាយឈ្មោះ ឡង់ សុអឿនអាយុ៤៣ឆ្នាំ កូនស្រីបងឈ្មោះ សេង គឹមលៀង អាយុ១៦ឆ្នាំ ប្អូនស្រីឈ្មោះ សេង គឹមអេង អាយុ៧ឆ្នាំ ទាំង៤នាក់រងរបួសស្រាល អាយុចំណែកកូនប្រុសឈ្មោះ សេង គឹមសាន អាយុ១០ឆ្នាំ បានរងរបួសធ្ងន់គ្រួសារខាងលើនេះមានទីលំនៅភូមិជ្រៃបាក់ ឃុំជ្រៃបាក់ ស្រុករលាប្អៀរ ។
ករណីនេះ មុនពេលកើតហេតុ ជនរងគ្រោះខាងលើបានជិៈម៉ូតូម៉ាកហុងដា វ៉េវ ពណ៏ស ក្រហម គ្មានស្លាកលេខ ក្នុងដំណើរពីត្បូងមកជើង លុះមកដល់ចំណុចកើតហេតុ បានជ្រុលទៅប៉ះបុកដៃចង្កូតកង់សិស្សម្នាក់ពីក្រោយ ហើយ បានច្រឡោតដួលបាក់ ក ម៉ូតូបោកមនុស្សដួលដេកពេញថ្នល់បណ្តាលអោយរងរបួសធ្ងន់ និងស្រាល ចំណែកសិស្សសាលាជិៈកង់នោះមិនបានរងរបួសនោះទេ។
ក្រោយពេលកើត ហេតុ ជនរងគ្រោះទាំង៥នាក់ ត្រូវបានលោកអនុសេនីយឯក មុយ អ៊ីម មន្ត្រីនគរបាលចរាចរណ៏ក្រុងកំពង់ឆ្នាំង បើករថយន្តស៊ីរ៉ែន របស់នគរបាលដឹក ទៅសង្គ្រោះនៅមន្ទីរពេទ្យខេត្ត ដោយសាតែរយន្តពេទ្យមកយឺតពេក ។ដោយឡែកមធ្យោបាយធ្វើដំណើរទាំង២ត្រូវបាននគរបាលដឹកទៅរក្សាទុកនៅអធិការដ្ឋាននគរបាលខេត្ត ដើម្បីកសាងសំណុំរឿងដោះស្រាយតាមនិតិវិធីច្បាប់៕
