បន្ទាយមានជ័យ៖ ប្រធានបទធំ២គឺ “អ្នកណាខ្លះជាអ្នកងាយរងគ្រោះក្នុងការរំលោភបំពានផ្លូវភេទ និងការជួញដូរមនុស្ស“ ត្រូវបានលើកយកមកបង្ហាត់បង្រៀនដល់ប្រជាពលរដ្ឋ និងសិស្សានុសិស្សក្នុងអនុវិទ្យាល័យទឹកថ្លា ស្ថិតក្នុងសង្កាត់ទឹកថ្លា ក្រុងសិរីសោភ័ណ និងពលរដ្ឋ
នៅស្រុកចំនួន៣ទៀតរបស់ ខេត្តបន្ទាយមានជ័យ រយៈពេល២ថ្ងៃគឺ ១៧ និង ១៨ មិថុនា ២០១៥ ។
អ្នកគ្រូ ឈុន វណ្ណា ជាគ្រូបង្រៀននៅអនុវទ្យាល័យទឹលថ្លា និងជាគ្រូបង្គោលក្នុងការពន្យល់អប់រំផ្សព្វផ្សាយលើប្រធានបទទាំង២ខាងលើដល់ពលរដ្ឋ និងសិស្ស ក្នុងសង្កាត់ទឹកថ្លាក្រោមការឧប្ថមពីអង្គការសម្ព័ន្ធចាប់ដៃ ដែលមានប្រជាពលរដ្ឋ និងសិស្សានុសិស្សជិត១០០នាក់ចូលរួមបានលើកបង្ហាញថា ដើម្បីគេចផុតពីការរងគ្រោះដោយការជួញដូរមនុស្ស និងរំលោភបំពានផ្លូវភេទ សិស្សានុសិស្ស ក៏ដូចជាប្រជាពលរដ្ឋត្រូវយលឮដឹងថា អ្នកណាជាអ្នកងាយរងគ្រោះ ។ អ្នកងាយរងគ្រោះមាន កុមារស់នៅតាមចញ្ចើមផ្លូវ កុមាអាណាថាគ្មានទីពឹង កុមារស់នៅក្នុងគ្រួសារមានអំពើរហឹង្សា កុមារស់នៅក្នុងគ្រួសារក្រីក្រ កុមារស់នៅជាមួយឪពុកម្តាយចុងនិងជីដូនជីតាមអ៊ុំមាមីង កុមាដែលដើរលក់វត្ថុអនុស្សាវរីយ៍ក្នុងតំបន់ទេសចរណ៍ កុមាដែលធ្វើចំណាកស្រុកខុសច្បាប់ កុមាដែលរស់នៅក្នុងគ្រួសារខ្វះចំណេះដឹង កុមាពិការ កុមាខ្វះភាពកកក្តៅពីអាណាព្យាបាល កុមារស់នៅក្នុងគ្រួសារជំពាក់បំណុលគេ ។
អ្នកជួញដូរមនុស្សរួមមាន ឪពុកម្តាយ សាច់ញ្ញាតិ ថៅកែហាងម៉ាស្សា ខារាអូខេ និងបៀហ្គាដិន អ្នកមានអំណាចមួយចំនួន ឪពុកម្តាយចុង សង្សា មិត្តភ័ក្រ ឬប្តី អ្នកស្ម័ក្រចិត្តតមអង្គការនានា មេខ្យល់ ម្ចាស់ផ្ទះសំណាក់ ឬសណ្ឋាគាមួយចំនួន អ្នករត់ម៉ូតូឌុប ឬតាមស៊ីមួយចំនួន ក្រុមកេងស្ទាវអតីតជាជនរងគ្រោះ ឬអ្នករួមការងារជាមួយ ។ ក្រៅពីការបង្ហាញរូបភាព ក៏ដូចជាការពន្យល់លើប្រធានបទទាំង២អ្នកគ្រូ ឈុន វណ្ណា ក៏បានលើកបង្ហាញពីកលល្បិចអ្នកជួញដូរមនុស្សដូចជា ធ្វើជាអ្នកមានចិត្តសប្បុរសជាមួយកុមា និងស្រលាញ់កុមាដូចកូន ការរៀបការក្នុងឆន្ទៈទុច្ចរិត ការសន្យារកការងារធ្វើក្នុងប្រាក់ខែខ្ពស់ ការលួងលោមដោយប្រើសំភារៈ ការសុំធ្វើជាបងប្អូនធម៌ឬកូនចិញ្ចិម ការប្រើថ្នាំសណ្តំឬគ្រឿងស្រវឹង ការពួនស្ទាក់ចាប់ដាក់ឡាន ការនាំដើកំសាន្ត… ។ល។
គោលបំណងរបស់អ្នកជួញដូរមនុស្ស គឺលើកុមា និងស្ត្រីវ័យក្មេង ដើម្បីបម្រើផ្លូវភេទ អាជីវកម្មផ្លូវភេទ ពលកម្មបង្ខិតបង្ខំអោយដើរសុំទាន បម្រើរតាមផ្ទះជួញដូរគ្រឿងញៀន ដោះដូរសរីរាង្គ កម្មវត្ថចុនៃការធ្វើពិសោធន៍វេជ្ជសាស្ត្រ ។
ផលប៉ះពាល់នៃការរំលោភបំពានផ្លូវភេទលើកុមា មានផ្លូវកាយ គឺ ឆ្លងជំងឺកាមរោគ មានផ្ទៃពោះទាំងល័យក្មេង មហារីកស្បូន ពិបាកដើរឬអង្គុយ ពិបាកញ៉ាំ ពិបាកកេង ឬបាត់បង់ជីវិត ក្នុងពេលដែលគេរំលោភចបំពាន ។ ផ្លូវអារម្មណ៍ ភ័យក្លាចខ្មាស់គេ មានកំហឹងគិតថាខ្លួនគ្មានតំលៃ បាក់ស្បាត ធ្លាក់ទឹកចិត្តឯកោ ។
អ្វីៗដែលបានលើកខាងលើនេះគឺ ដើម្បីអោយប្រជាពលរដ្ឋក៏ដូចជាសិស្សានុសិស្ស យល់អោយច្បាស់ពីកលល្បិច និងគោលបំណងរបស់ជនខិលខូច ដែលតែងតែប្រើគ្រប់វិធីដូចបានរៀបរាប់ខាងលើធ្វើការរំលោភបំពានផ្លូវភេទ និងជួញដូរមនុស្ស ។ ហើយវិធីសាស្ត្រដែលត្រូវ ទប់ស្កាត់ និងការពារគឺផ្សព្វពីច្បាប់ដល់មន្ត្រីអនុវត្តច្បាប់ និងពលរដ្ឋក្នុងសហគមន៍ ផ្សព្វផ្សាយអប់រំពីល្បិចកលឆបោករបស់ជនល្មើស មិនត្រូវអោយកុមាទៅណាឆ្ងាយតែម្នាក់ឯង កុំឆាប់ជឿទុកចិត្តគេពេក ចំណាកស្រុកស្របច្បាប់ រាយការណ៍ដល់អាជ្ញាធរមូលដ្ឋាន ឬតាមលេខទូរស័ព្ទ ១២៨០ (មិនអស់លុយ) ។
ទាក់ទងនិងការរំលោភបំពានផ្លូវភេទ និងការជួញដូរមនុស្សនេះផងដែរ បើតាមរបាយការណ៍ សន្និបាតរបស់រដ្ឋបាលខេត្តបន្ទាយមានជ័យ២០១៤-២០១៥ ករណីរំលភសេពសន្ថវៈ ក្នុងឆ្នាំ២០១៤មាន១២ករណី ។
សម្រាប់ការអប់រំផ្សព្វផ្សាយការទប់ស្កាត់ការរំលោភបំពានផ្លូវភេទ និងការជួញដូរមនុស្សនេះ ធ្វើឡើងលើគោលដៅស្រុក-ក្រុងចំនួន៤មាន ក្រុងសិរីសោភ័ណ ស្រុកព្រះនេព្រះ មង្គលបូរី ស្រុកថ្មពួក ដោយមានគ្រូចំនួន១០នាក់ លើប្រជាពលរដ្ឋនិងសិស្សដែលចូលរួមប្រមាណជា១២០០នាក់ ៕
