ខេត្តកំពត ៖ អភិបាលខេត្តកំពតឯកឧត្តម ខូយ ឃុនហ៊ួរ បានមានប្រសាសន៍ប្រាប់មន្ត្រីកុំឲ្យយកថ្លៃពីការកំណត់របស់ក្រសួងមហាផ្ទៃ ក្នុងការធ្វើអត្តសញ្ញាណប័ណ្ណសញ្ជាតិខ្មែរជូនប្រជាពលរដ្ឋ។ឯកឧត្តមអភិបាលខេត្តមានប្រសាសន៍ដូច្នេះ ក្នុងពិធីផ្សព្វផ្សាយផែនការស្តីពីយុទ្ធនា
ការផ្តល់អត្តសញ្ញាណប័ណ្ណសញ្ញាតិខ្មែរជូនប្រជាពលរដ្ឋកាលពីព្រឹកថ្ងៃទី២២ ខែកក្កដា ឆ្នាំ២០១៥។ជាមួយគ្នានេះដែរ ឯកឧត្តម ខូយ ឃុនហ៊ួរ បានអំពាវនាវឲ្យប្រជាពលរដ្ឋដែលមានអាយុចាប់ពី១៥ឆ្នាំ ដែលមិនទាន់មាន ឬអ្នកដែលមាន ហើយបាត់ ឬខូចសូមទៅធ្វើអត្តសញ្ញាណប័ណ្ណសញ្ជាតិខ្មែរឲ្យបានគ្រប់ៗគ្នា។ក្រសួងមហាផ្ទៃបានបើកយុទ្ធនាការធ្វើអត្តសញ្ញាណប័ណ្ណសញ្ជាតិខ្មែរ ចាប់ពីថ្ងៃទី១ ខែមិថុនា ឆ្នាំ២០១៥ ដល់ថ្ងៃទី៣១ ខែធ្នូឆ្នាំ២០១៦ ក្នុងគោលបំណងដើម្បីសម្រេចបាននូវការប្តេជ្ញាចិត្តក្នុងការផ្តល់អត្តសញ្ញាប័ណ្ណគម្រូថ្មីជូនប្រជាពលរដ្ឋចាប់ពីអាយុ១៥ឆ្នាំឡើងទៅឲ្យបានចំនួន៦លាននាក់។ ពន្លឿនការផ្តល់អត្តសញ្ញាប័ណ្ណគម្រូថ្មី ដែលប្រើប្រាស់ប្រពន្ធ័បច្ចេកវិទ្យាជីវមាត្រ(Biometric) តាមស្តង់ដារអាកាសចរណ៍ស៊ីវិលអន្តជាតិ(ICAO)អាចទប់ស្កាត់ទិន្នន័យស្ទួន និងភ្ជាប់ប្រព័ន្ធបម្រើវិស័យនានាបាន៕
