ខេត្តសៀមរាបៈ កំលាំងកងរាជអាវុធហត្ថប្រឆាំងគ្រឿងញៀនខេត្តបានធ្វើការចាប់ខ្លួន បានជនសង្ស័យប្រុសស្រីចំនួន២នាក់នៅចំនុចក្នុងសង្កាត់ស្វាយដង្គំ ក្រុងសៀមរាប ពីបទជួញដូរ ដោយខុសច្បាប់នូវសារធាតុញៀន ដែលដឹកនាំផ្ទាល់ដោយលោកវរសេនីយឯកស្រីយូរ៉ា និងដឹកនាំសម្របសម្រួលនីតិវិធីដោយលោក សំ រិទ្ធសុខុន ព្រះរាជអាជ្ញារងអមសាលាដំបូងខេត្ត បានអនុវត្តវិធានការញុះញង់ធ្វើការចុះបង្ក្រាបបទល្មើសជាក់ស្តែង ។ ហេតុការចុះប្រតិបត្តិការចាប់ខ្លួនជនសង្ស័យប្រុសស្រីចំនួន២នាក់នេះធ្វើឡើងនៅវេលាម៉ោង១២និង៣០នាទីឈានចូលថ្ងៃទី២៦ខែខែកក្កដា ឆ្នាំ២០១៥ នៅចំនុច ភូមិសាលាកន្សែង សង្កាត់ស្វាយដង្គំ ក្រុងសៀមរាប ខណៈពួកគេកំពុងចែកចាយតាមផ្លូវសាធារណៈ។ លោកវរសេនីយឯក ស្រី យូរ៉ា មេបញ្ជាការរងកងរាជអាវុធហត្ថខេត្តបានប្រាប់ថា ជនសង្ស័យប្រុសស្រីចំនួន២នាក់មានៈទី១/ឈ្មោះ ឡុញ ប៊ុនធឿន ភេទប្រុសអាយុ៣៤ឆ្នាំមុខរបរ មិនពិត(ជួញដូរ) បច្ចុប្បន្នស្នាក់នៅកើតហេតុខាងលើទី២/ឈ្មោះ សៀង រក្សា ភេទស្រី អាយុ១៨ឆ្នាំមុខរបរសិស្ស បច្ចុប្បន្នស្នាក់នៅ
ភូមិមណ្ឌល៣ សង្កាត់ស្លក្រាម (ចាត់ចែងឱ្យប្រើប្រាស់) ។លោកបន្តថា ក្រោយពីចុះបង្ក្រាបរួចមក កម្លាំងជំនាញបាននាំយកមកសួរនៅការិយាល័យប្រឆាំងគ្រឿងញៀននៃកងរាជអាវុធហត្ថខេត្តនិងធ្វើការដកហូតវត្ថុតាងរួមមានៈ ទូរសព្ទ័ដៃ៥គ្រឿង ,ម៉ូតូសេ១២៥ពណ៌ខ្មៅ១គ្រឿង,ស្លាកលេខម៉ូតូសៀមរាប១.J ៣២១៨សម្រាប់ទុកដោះដូរ១ ,ស្លាកលេខឡានលាក់ទុក សៀមរាប២.A០៩២០ និងឧបករណ៏ប្រើប្រាស់គ្រឿងញៀនមួយចំនួនធំ។បច្ចុប្បន្ន ជនសង្ស័យប្រុសស្រីចំនួន២នាក់នឹងវត្ថុតាងកម្លាំងការិយាល័យប្រឆាំងគ្រឿងញៀននៃកងរាជអាវុធហត្ថខេត្ត បានកសាងសំណុំរឿនបញ្ជូនទៅតុលាការ នៅរសៀលថ្ងៃទី២៦ខែកក្កដាឆ្នាំ២០១៥ដើម្បីចាត់ការតាមនិតិវិធីច្បាប់ ៕
