ខេត្តកំពង់ឆ្នាំង៖ ភ្លៀងនិងខ្យល់ព្យុះកន្ទ្រាក់ នៅម៉ោង៥និ១៥នាទីល្ងាចថ្ងៃទី២៨ ខែកក្កដា ឆ្នាំ២០១៥ នៅក្នុងក្រុងកំពង់ឆ្នាំង បានធ្វើអោយផ្ទះប្រជាពរដ្ឋចំនួន១៧ខ្នងរងគ្រោះ ដែល
ក្នុងនោះផ្ទះចំនួន១២ខ្នងបានរបើកដំបូល និង៥ខ្នងរលំដល់ដី។
លោក ឆាយ ខេមរត្ន័ អធិការរងនគរបាលក្រុងកំពង់ឆ្នាំងបាននិយាយអោយដឹងថា៖
តាមរបាយការណ៍របស់អាជ្ញាធរសង្កាត់ និងនគរបាលប៉ុស្តិមូលដ្ឋានបានរាយការណ៍អោយដឹងថា ខ្យល់កន្ទ្រាក់និងព្យុះភ្លៀង កាលពីល្ងាចថ្ងៃទី២៨ ខែកក្កដា ឆ្នាំ២០១៥ បានធ្វើអោយផ្ទះប្រជាពលរដ្ឋ នៅក្នុងសង្កាត់២ រងផលប៉ះពាល់ចំនួន១៧ខ្នង ។នៅក្នុងនោះផ្ទះ ១២
ខ្នងបានបើងដំបូលនិងជញ្ជាំង និងផ្ទះ៥ខ្នងទៀតបានរលំដល់ដី។ផ្ទះរបស់ប្រជាពលរដ្ឋ
ដែលរងគ្រោះទាំងអស់ខាងលើនេះ គឺនៅក្នុងភូមិទី៤ សង្កាត់ខ្សាម មានចំនួន៧ខ្នង នៅ
ក្នុងភូមិចុងកោះ៧ខ្នងរបស់បងប្អូនខ្មែរឥស្លាម និងនៅក្នុងភូមិកោះក្របីក្រោម សង្កាត់ផ្សារឆ្នាំង ចំនួន២ខ្នង។
ប្រជាពលរដ្ឋរងគ្រោះដោយគ្រោះធម្មជាតិខាងលើនេះ អាជ្ញាធរសង្កាត់កំពុងចុះស្រង់ឈ្មោះធ្វើរបាយការណ៍លំអិត ដើម្បីរាយការណ៍ជូនលោកប្រធានសាខាកាកបាទក្រ
ហមក្រុងកំពង់ឆ្នាំង ត្រៀមយកអំណោយសង្គ្រោះបន្ទាន់របស់កាកបាទក្រហមខេត្ត យកទៅចែកជូនជនរងគ្រោះ៕
