ខេត្តបន្ទាយមានជ័យ៖ រថយន្តម៉ាកកាមរីមួយគ្រឿងបានបើកគេចពីរថយន្តធំមិនរួចក៏ក្រឡាប់ធ្លាក់ចូលវាលស្រែ៣ត្រឡប់បណ្តាលឲ្យមនុស្សរបួសធ្ងន់ស្រាល២នាក់ត្រូវបានដឹកជញ្ជូនទៅកាន់មន្ទីរពេទ្យដើម្បីសង្គ្រោះជីវិត។ហេតុការណ៍គ្រោះថ្នាក់ចរាចរណ៍នេះកើតឡើងនៅវេលា
ម៉ោង១១យប់ថ្ងៃទី២៨ខែកក្កដាឆ្នាំ២០១៥ នៅចំណុចហួសភោជនីយ៍ដ្ឋានលីមាន ២០០ មែត្រ ស្ថិតក្នុងភូមិ១ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។លោកវរះសេនីយ៍ទោសនគីមសួគ៍នាយការិយាយល័យចរាចរណ៍ខេត្តបន្ទាយមានជ័យបានឲ្យដឹងថា អ្នករងរបួសធ្ងន់មានឈ្មោះលឹមសុធាប្រុសអាយុ២៤ឆ្នាំរស់នៅស្រុកក្រឡាញ់ ខេត្តសៀមរាបនិងម្នាក់ទៀតមិនស្គាល់អត្តសញ្ណាណ។លោកសនគីមសួគ៍បាននិយាយបន្តថា មុនពេលកើតហេតុមានរថយន្តម៉ាកកាមរីសេរី៩៥ពាក់ស្លាកលេខ បន្ទាយមានជ័យ២A២៤៧៦មួយគ្រឿងបើកក្នុងទិសដៅពីកើតមកលិតលុះបើកមកដល់ចំណុចកើតហេតុក៏បើកព្យាយាមគេចពីរថយន្តធំនៅខាងមុខបណ្តាលឲ្យរេចង្កូតក្រឡាប់៣ត្រឡប់តែម្តងចំណែកអ្នកជិះក្នុងរថយន្តរងរបួសធ្ងន់ស្រាលចំនួន២នាក់ត្រូវបានដឹកទៅមន្ទីរពេទ្យដើម្បីសង្គ្រោះជីវិតចំណែករថយន្តខ្ទេចមើលលែងយល់ ។ក្រោយពីកើតហេតុរួនគបាលចរាចរណ៍មកដល់ហើយក៏បានអូសរថយន្តយកទៅរក្សាទុកនៅស្នងការដើម្បីដោះស្រាយទៅតាមផ្លូវច្បាប់៕
