ស្ទឹងត្រែង៖ អភិបាលក្រុងស្ទឹងត្រែង បានចលនាប្រជាពលរដ្ឋ នៅសង្កាត់សាមគ្គីឲ្យនាំ គ្នាដាំដើមឈើប្រណិតទៅលើដីព្រៃរិចរិល និងឈើហូបផ្លែនៅតាមដីចំការនៅមូលដ្ឋាន ថ្ងៃទី២៩ខែកក្កដាឆ្នាំ២០១៥ ក្នុងសង្កាត់សាមគ្គីក្រុងស្ទឹងត្រែងឲ្យបានច្រើនដើម្បីជួយលើកស្ទួយដល់
ជីវភាពរស់នៅប្រចាំថ្ងៃផងហើយ កូនចៅជំនាន់ក្រោយក៏បានស្គាល់ឈើប្រណិតទាំងនោះផង។លោកប៊ុនណារីអភិបាលក្រុងមានប្រសាសន៏ថា៖ ការទុកដីឲ្យទំនេវាប្រឈមទៅហ្នឹងការបាត់បង់និងកើតទំនាស់រឿងរ៉ាវដីធ្លីហើយ ខាតប្រយោជន៏គ្រប់បែបយ៉ាង ដូចនេះបងប្អូនប្រជាពលរដ្ឋ ត្រូវភ្ញាក់រលឹកនាំគ្នាដាំឈើហូបផ្លែឬដាំណាំរួមផ្សំឲ្យបានច្រើនទៅតាមផ្ទៃដីដែលមាន។
លោក អភិបាលក្រុងបញ្ជាក់ថាៈអាជ្ញាធរគាំទ្រដល់បងប្អូនប្រជាពលរដ្ឋនិងជំរុញឲ្យសង្កាត់រដ្ឋបាលព្រៃឈើជួយណែនាំពីបច្ចេកទេសដាំដុះ ផ្តល់ពូជឈើប្រណិតដូចជាធ្នង់ បេង នាងនួន គ្រញូង សុក្រំ ផ្ចឹក ឈើទាល គគីមៃសាក់ និងឈើហូបផ្លែជាច្រើនមុខទៀតសំរាប់បងប្អូនមានផ្ទៃដីធំយកទៅដាំទុកជាមរតកសំរាប់កូនចៅជំនាន់ក្រោយបានប្រើប្រាស់។
លោកសុខ គឹមសេនជាមេភូមិ និងព្រះតេជគុណមិន សុវណ្ណ ចៅអធិការវត្តឬទ្ធីសែនជ័យ នៅភូមិឬទ្ធីសែនជ័យបានបញ្ជាក់និងមានសង្ឃដីការទទួលស្គាល់ថា៖ឈើប្រណិតទាំងនេះត្រូវរងហ្នឹងការកាប់បំផ្លញ់ស្ទើគ្មានសល់ហើយកូនចៅក្រោយៗ ពិបាកហ្នឹងស្គាល់ទើបយើងនាំគ្នាចលនា ដាំដើមឈើឡើងវិញនៅតាមដីទំនេ គេហដ្ឋាននិងទីអារាមនេះ យើងហ្នឹងអប់រំណែនាំពន្យល់ដល់កូនៗតូចៗ ដើម្បីធ្វើការដាំឈើនេះបន្តទៀត ពីព្រោះថាបច្ចុប្បន្ននេះ យើងឃើញស្រាប់ហើយថាព្រៃឈើរបស់យើងគឺកាន់តែអស់ហើយអញ្ចឹងយើងត្រូវតែចូលរួមសហការគ្នាដាំដើមឈើឡើងវិញ ជាផលប្រយោជន៏ជាតិ ផលប្រយោជន៏នេះបានក្នេងៗសាក្រោយ ជំនាន់ក្រោយ ឲ្យគ្នាស្គាល់ព្រោះថាដើមឈើទាលមួយម៉ាត់ហ្នឹង តកអត់ឃើញទេឥឡូវស្គាល់ ហើយដើមឈើទាលក្មេងៗសាក្រោយហ្នឹងឲ្យយល់ច្បាស់ ស្គាល់ហើយថែរក្សាកូនឈើហ្នឹង។
សូមបញ្ជាក់ថា៖ចលនាដាំកូនឈើនេះបានធ្វើឡើងនៅលើផ្ទៃដីទំហ៊ំ៦ហិចតានៅក្នុងវត្តឬទ្ធីសែន ជ័យក្នុងភូមិសែនជ័យសង្កាត់សាមគ្គីក្រុងស្ទឹងត្រែងមានចំនួនជិត១០០០ដើមហើយកូនឈើទាំងនោះបានមកពីជួយឧបត្ថម្ភពីសង្កាត់រដ្ឋបាលព្រៃឈើសាមគ្គី និងក្រុមហ៊ុនម៉ុងឬទ្ធី ផ្តល់ឲ្យជាការរួមចំណែក ធ្វើឲ្យធនធានព្រៃឈើសំបូរបែបឡើងវិញ៕
