ខេត្តបន្ទាយមានជ័យ៖ នៅព្រឹកថ្ងៃទី៣១ខែកក្កដាឆ្នាំ២០១៥នៅក្នុងសាលប្រជុំសាលាខេត្តបន្ទាយមានជ័យបានបើកវគ្គបណ្តុះបណ្តាលស្តីពីការកសាងកម្មវិធីវិនិយោគ ឃុំ សង្កាត់ដែលមានសិក្ខាសាលាមកពីស្រុកក្រុងមានចំនួន១១៣នាក់។ពិធីនេះមានការចូលរួមលោកគោស៊ុំ
សារឿត អភិបាលខេត្តបន្ទាយមានជ័យលោកស្រីយឹមសុគីមលីទីប្រឹក្សាពង្រឹងសមិត្តភាព។លោកអភិបាលខេត្តបានមានប្រសាសន៏ក្នុងវគ្គបណ្តុះបណ្តាលនោះថាវគ្គបណ្តុះបណ្តាលនេះមានគោលបំណងសំខាន់គឺធ្វើការពិភាក្សា ពិនិត្យ ទីតាំងនៃបញ្ហា មូលហេតុនៃបញ្ហា តម្រូវការឧបសគ្គនិងដំណោះស្រាយនានាឡើងវិញដើម្បីរៀបចំគំរោងវិនិយោគប្រចាំឆ្នាំរបស់ឃុំនិងសង្កាត់។លោកបានបន្តថាវគ្គបណ្តុះបណ្តាលនេះវិនិយោគឃុំសង្កាត់នេះជាផែនការការងារប្រចាំឆ្នាំនៃការអនុវត្តផែនការអភិវឌ្ឈន៍ឃុំ សង្កាត់ដែលមានគំរោងថវិការអនុវត្តច្បាស់លាស់។កម្មវិធីអនុវត្តឃុំសង្កាត់រួមមាន ផ្នែកសង្គមកិច្ច ផ្នែកសេដ្ឋកិច្ច ផ្នែកធនធានធម្មជាតិ និងបិរិស្ថាននិងផ្នែកអភិវឌ្ឈស្ថាប័នរដ្ឋបាលនិងសន្តិសុខជាដើម។អ្នកស្រីយឹមសុគីមលីបានឡើងធ្វើបទបង្ហាញអំពីវដ្តនៃកម្មវិធីវិនិយោគឃុំសង្កាត់នៅក្នុងការធ្វើបទបង្ហាញនេះក្នុងគោលបំណងដើម្បីឲ្យសិក្ខាកាមក្តាប់ឲ្យបាននូវដំណើរការទាំងមូលនៃការកសាងកម្មវិធីវិនិយោគឃុំសង្កាត់ប៉ុណ្ណោះ។
វដ្តនៃកម្មវិធីវិនិយោគឃុំសង្កាត់មានដូចជា ការពិនិត្យបញ្ហាឬតម្រូវការជាមួយប្រជាពលរដ្ឋឡើងវិញ ការរៀបចំគំរោងវិនិយោគឃុំសង្កាត់ សិក្ខាសាលាសមាហរណកម្មផែនការថ្នាក់ស្រុកក្រុង ការអនុម័តកម្មវិធីវិនិយោគយុំសង្កាត់ ការតាមដានត្រួតពិនិត្យនិងការវាយតំលៃកម្មវិធីវិនិយោគឃុំសង្កាត់ជាដើម៕
