ខេត្តឧត្តរមានជ័យ៖ មន្រ្តីគរ និងរដ្ឋាករ ប្រចាំស្នាក់ការច្រកអន្តរជាតិជាំសង៉ាំ ចាប់បានគ្រឿងចក្រឆ្លងដែនមកកម្ពុជា ប្រភេទ សាស័រ ចំនួន ២គ្រឿង ដែលនាំចូលពីប្រទេសថៃ តាមច្រកអន្តរជាតិជាំសាង៉ាំ។ ដែលដឹកតាមរថយន្តសណ្តោង លួចបង្កប់ក្រោមដើមដំឡូងពីលើ។
ការបង្ក្រាបប្រភេទគ្រឿងចក្រសាស័រ មកកម្ពុជា ខុសច្បាប់នេះ មន្រ្តីគយ និងរដ្ឋាករ ស្នាក់ការច្រកអន្តរជាតិជាំសាង៉ាំ បានឃាត់បាននៅល្ងាចថ្ងៃទី២ ខែសីហា ឆ្នាំ២០១៥។ ខណៈដែលរថយន្តថៃដឹកដើមដំឡូងមីចូលមកកម្ពុជា បានធ្វើលិខិតស្នាមនាំដើមដំឡូងមី មកដាំក្នុងស្រុកអន្លង់វែង។ ដោយមានការសង្ស័យ ចំពោះរថយន្តដឹកដើមដំឡូងមី ដែលហួសទៅនឹងរដូវកាលដើមឆ្នាំដាំដំឡូងមី។ កម្លាំងមន្រ្តីគយ ប្រចាំស្នាក់ការច្រកអន្តរជាតិជាំសាង៉ាំ ក៏បានឆែកឆេររកឃើញ គ្រឿងចក្រ២គ្រឿងប្រភេទសាស័រ ដែលបង្កប់ពីក្រោមដើមដំឡូងមី។
ការនាំគ្រឿងចក្រឆ្លងដែនចូលមកកម្ពុជា ដែលគេចពន្ធ ហើយត្រូវបានគេស្គាល់ម្ចាស់ឈ្មោះ វាត់ តាក់ណា ភេទប្រុសអាយុជាង ៥០ឆ្នាំ ជាជនជាតិថៃ។ ហើយបន្ទាប់ពីឃាត់គ្រឿងចក្រទាំង ២គ្រឿង មន្រ្តីគយ និងរដ្ឋានករប្រចាំស្នាក់ការច្រកអន្តរជាតិជាំសាង៉ាំ បានធ្វើការអប់រំ ផាកពិន័យ និងឱ្យម្ចាស់គ្រឿងចក្រ ធ្វើសំណុំឯកសារបង់ពន្ធនាំឆ្លងប្រទេស ទៅតាមច្បាប់នាយកដ្ឋានគយ និងរដ្ឋាករ កម្ពុជា។តាមការលើកឡើងពីមន្រ្តីគយ និងរដ្ឋាករ បានឱ្យដឹងថា គ្រឿងចក្រចំនួន ២គ្រឿង ប្រភេទសាស័រ ដែលគេនាំចូលមកកម្ពុជា គេចពន្ធ គឺជាការឈ្លៀតឱកាសនៅពេលដែលប្រជាពលរដ្ឋខ្មែរ កំពុងសម្រុក ទិញដើមដំឡូងមី ពីប្រទេសថៃ។(ដោយចាន់ ធី)នេះជាព័ត៍មានទី២ ដែលលម្អិត.។
