ខេត្តកំពង់ឆ្នាំង៖បុរសចំណាស់ម្នាក់ដោយតូចចិត្តនឹងជម្ងឺទឹកនោមប្រៃប្រចាំកាយពើតចុកចាប់លើដំបៅជើងមើលមិនជា បានសម្រចចិត្តធ្វើអត្តឃាត ចោលប្រពន្ឋកូន នៅភូមិទ័ពត្បែង ឃុំពង្រ ស្រុករលាប្អៀរដោយធ្វើអោយមានការភ្ញាក់ផ្អើល នៅម៉ោង៧និង៥០នាទីព្រឹក ថ្ងៃទី០៤ ខែសីហា ឆ្នាំ២០១៥។សមត្ថកិច្ចនគរបាលមូលដ្ឋានបាននិយាយអោយដឹងថា៖ បុរសចងកអត្តឃាតខ្លួននោះមានឈ្មោះ ជួន ភុន អាយុ៧៦ឆ្នាំ មានប្រពន្ឋឈ្មោះ ជួន ហ៊ុំ អាយុ៧៩ ឆ្នាំ មាននទីលំនៅភូមិឃុំកន្លែងកើតហេតុ។
ស្ត្រីវ័យចំណាស់ជាប្រពន្ឋបាននិយាយអោយដឹងថា៖ប្តីគាត់កើតជម្ងឺទឹកនោមប្រៃយូរមកហើយ និងបានចេញដំបៅនៅម្រាមជើងខាងស្តាំទាំងអស់ លើកលែងតែកូនជើងមួយចេញ។គាត់បានទៅមណ្ឌលសុខភាព ឃុំ ទៅរកគ្រូខ្មែរមើលអស់ហើយតែមិនជា ដំបៅកាន់តែរីកធំឡើងៗ ធ្វើអោយប្តីគាត់មានការលំបាកទ្រាំជាខ្លាំងព្រោះតែការពឺតចុកចាប់ពីដំបៅនេះ ។
កន្លងមកពេលពឺតចុកចាប់ម្តងៗគាត់តែងតែនិយាយប្រាប់ចាស់ៗក្នុងភូមិថា បើពឺត ម្លឹងៗទ្រាំមិនបានចង់តែចង ក សម្លាប់ខ្លួនអោយស្លាប់ទេ”។ នៅព្រឹកថ្ងៃកើតហេតុ ប្តីគាត់បានបញ្ឆោតអោយចៅគាត់ទៅទិញបបរអោយគាត់ហូប ចំណែកគាត់ក៏មិនបានចាប់ អារម្មណ៏ដែរ មួយសន្ទុះក្រោយមកខណៈដែលចៅបានត្រឡប់មកពីទិញបបរអោយជីតាវិញរកតាមិនឃើញវា ក៏សួររក ពេលនោះខ្ញុំដែលកំពុងបោសផ្ទះ បានឆ្លើយថា អញឃើញគាត់ដើរទៅខាងលិចផ្ទះ ប្រហែលជាទៅរកបត់ជើងធំទេដឹង។ ពេលនោះចៅខ្ញុំក៏រត់ទៅរកស្រាប់តែប្រទះឃើញតាវាចងកនិងវល្លិឈើ សម្លាប់ខ្លួនបាត់ទៅហើយ វាបានរត់បណ្តើរស្រែកបណ្តើរអោយគេជួយ ហើយក៏ផ្អើលឆោឡោឡើង ។
សមត្ថកិច្ចនគរបាលមូលដ្ឋានបានអោយដឹងថា៖បុរសរូបនោះបានយកក្រមា ចងកនិងដើម ជន្លុះជាប់ជា មួយវល្លិទ្រាល នៅចំងាយប្រមាណជាង២០០ម៉ែត្រពីខាងលិចផ្ទះ។ក្រោយពីសមត្ថកិច្ចបានពិនិត្យធ្វើកោសល្យពិច្ច័យលើសពបុរសរូបនោះ បានអោយដឹងថា បុរសឈ្មោះ ជូន ភុន ពិតជាបានចងកស ម្លាប់ខ្លួនពិតមែន សមត្ថកិច្ចបានប្រគល់សពបុរសចំណាស់រូបនោះ ទៅក្រុមគ្រួសារយកទៅធ្វើបុណ្យទានតាមប្រពៃណីនៅក្នុងលំនៅដ្ឋាន។
សូមបញ្ជាក់ថា៖នេះជាករណីលើកទី៣ ហើយនៅខេត្តកំពង់ឆ្នាំង មានមនុស្សចងកសម្លាប់ខ្លូន រយៈពេល៤ថ្ងៃ ដើមខែសីហានេះ មានចំនួន៣នាក់ហើយ គឺនៅថ្ងៃទី២ ខែសីហា នៅស្រុកបរិបូរណ៌មានបុរស២នាក់បានចងកសម្លាប់ខ្លួន ដោយបុរសម្នាក់តូចចិត្តមានជម្ងឺមហារីកក្រពះមើលមិនជា បុរសទី២មានសតិមិននឹងនរ ៕
